ಡಾ.ಭಾಸ್ಕರಾನಂದ ಕುಮಾರ್ ಮೆರೆಗ್ ‘ಪಯೋನೀರ್ ಇನ್ ಹ್ಯಾಂಡ್ ಸರ್ಜರಿ’ ಪ್ರಶಸ್ತಿ..

ಕೈ ಶಸ್ತ್ರ ಚಿಕಿತ್ಸೆದ ಸಂಘಟನೆಲೆನ ಅಂತರಾಷ್ಟ್ರೀಯ ಒಕ್ಕೂಟದ “ಪಯೋನೀರ್ ಇನ್ ಹ್ಯಾಂಡ್ ಸರ್ಜರಿ” ಪನ್ಪಿನ ಜಾಗತಿಕ ಮನ್ನಣೆದ ಪ್ರಶಸ್ತಿ ಗ್ ಡಾ.ಭಾಸ್ಕರಾನಂದ ಕುಮಾರ್ ಆಯ್ಕೆ ಆತೆರ್.ಅಂಗುಲಿ ಶಸ್ತ್ರಚಿಕಿತ್ಸೆದ ವಿಶ್ವಮಾನಿತೆರ್,ಪ್ರಸಿದ್ದ ಯಕ್ಷಗಾನ ಕಲಾವಿದೆರ್,ಕನ್ನಡ ತುಳು ಭಾಷೆ ಸಾಹಿತ್ಯದ ಪರಿಣತೆರಾದುಪ್ಪುನ ಮೇರ್ ಉಡುಪಿಡ್ ತುಳುಕೂಟ ಸಂಸ್ಥೆನ್ ಕರಿನ 35 ವರ್ಸೊಡ್ ದುಂಬು ಪುಟ್ಟು ಪಾಡುದ್ 35‌ ವರ್ಸೊಡಿಂಚಿ ನಿರಂತರವಾದ್ ತುಳುಕೂಟ ಉಡುಪಿ ತುಳುನಾಡುದ ಸಂಸ್ಕ್ರತಿ, ಸಂಪ್ರದಾಯೊಲೆನ್ ಒರಿಪಾವುನ ಕಜ್ಜೊನ್ ಮಲ್ತೊಂದ್ ಬರೊಂದುಂಡ್..ಸಂಸ್ಥೆದ ಸ್ಥಾಪಕ ಗುರಿಕಾರೆರಾದ್ ತನ್ನ ವೈದ್ಯ ವ್ರತ್ತಿದೊಟ್ಟುಗ್ ತುಳುನಾಡುಗ್ ವಿಶೇಷ ಕೊಡುಗೆ ಕೊರ್ತೆರ್..

ಯಕ್ಷಗಾನ. ಕಲಾವಿದೆರಾದ್ ವಿಭಿನ್ನ ಪಾತ್ರೊಲೆಡ್ ತನ್ನ ಈ ಪ್ರಾಯೊಡ್ ಲಾ ಯಕ್ಷಗಾನ ಕ್ಷೇತ್ರೊಡ್ ಪ್ರಸಿದ್ಧ ಕಲಾವಿದೆರಾದ್ ಮಿಂಚೊಂದುಲ್ಲೆರ್.

ತಿರುಪತಿ ದೇವಸ್ಥಾನಮ್ ಟ್ರಸ್ಟ್ ದ BIRRDS ಆಸ್ಪತ್ರೆದ ವಿಸಿಟಿಂಗ್ ಪ್ರೊಫೆಸರ್ ಆದ್,ಅಂಚೆನೇ VIRRDS ಆಸ್ಪತ್ರೆ ದ್ವಾರಕಾ ತಿರುಮಲ ವಿಜಯವಾಡಡ್ ತಿಂಗೊಲುಗ್ ಒಂಜಿ ಸರ್ತಿ ಭೇಟಿ ಕೊರ್ದ್ ಧರ್ಮಾರ್ಥ ಸೇವೆ ಮಲ್ಪುವೆರ್.ಮಣಿಪಾಲ ಯುನಿವರ್ಸಿಟಿದ ಆಡಳಿತಡುಪ್ಪುನ ಕಟೀಲು ದುರ್ಗಾ ಸಂಜೀವಿನಿ ಆಸ್ಪತ್ರೆಡ್ ಧರ್ಮಾರ್ಥ ಸೇವೆ ಮಲ್ಪುವೆರ್.ಮೆರೆನ ಈ ಮಾತಾ ಸೇವೆಗಾದ್ ಬೇತೆ ಬೇತೆ ಪ್ರಶಸ್ತಿಲಾ ಬೈದುಂಡ್..