ತುಳುನಾಡ್ ಉಂದು ನಮ್ಮ ತುಳುನಾಡ್…

ಭಾರತಿ ಅಪೈನ ಮೋಕೆದ ಮಗಲ್ ಕಡಲ ಬರಿತ ಪ್ರೀತಿದ ಉಡಲ್ ತುಳುನಾಡ್ ನಮ್ಮ ತುಳುನಾಡ್ ನ್ಯಾಯ ನೀತಿದ ನಾಡ್ ಸತ್ಯ ಧರ್ಮದ ಬೂಡ್ ಅನ್ನದಾನದ ನಾಡ್ ತುಳುನಾಡ್ ಉಂದು ನಮ್ಮ ತುಳುನಾಡ್

ಹಿಂದು ಕ್ರೈಸ್ತರ್ ಜೈನ ಬುದ್ದೆರ್ ಬ್ಯಾರಿ ಬೆರ ಮನೆ ನಲಿತ್ ತೆಲಿತದ್ ಬದಕ್ಕಟದಿನ ನೀತಿದ ನಾಡ್ ಸತ್ತದಪ್ಪೆ ಸಿರಿ ಉದಿತಿನ ನಾಡ್ ಎಳೆದೆ ಬಂಟೆ ದೇವುಪೂಂಜನ ಬೂಡ್ ಬೀಮ ಬಲತ ಅಗೋಳಿ ಮಂಜಣ್ಣನ ನಾಡ್ ತುಳು ನಾಡ್ ಉಂದು ನಮ್ಮ ತುಳುನಾಡ್

ಕಡಲ ವೀರೆರ್ ಕೃಷಿ ಟ್ ಬಂಟೆರ್ ಕಲೆಟ್ ಶಿಲ್ಪಿಲ್ ಹೃದಯವಂತೆರ್ ಬಾರಿ ಬಿರ್ಸೆರ್ ತತ್ತ್ ನಡತಂಡ ದರ್ತ್ ಕೆರುವೆರ್ ಗತ್ತ್ ದೊಟ್ಟುಗ್ ಬಾರಿ ಪೊರ್ಲೆರ್ ಮಾ ನೋ ಗಾದ್ ಪ್ರಾಣ ಕೊರುವೆರ್. ತುಳುನಾಡ್ ಉಂದು ನಮ್ಮ ತುಳುನಾಡ್

ಧರ್ಮ ಬೀರು ಅಣ್ಣಪ್ಪೆ ಸತ್ತೆದಪ್ಪೆ ವೈದ್ಯನಾಥೆ ಬಬ್ಬು ಸ್ವಾಮಿ ಬಪ್ಪ ಬ್ಯಾರಿ ಬೊಬ್ಬರ್ಯ ಅಮರಶಿಲ್ಪಿ ಕಲ್ಕುಡೆ ಬೈದ್ಯೆ ವೀರೆರ್ ಕೋಟಿ ಚೆನ್ನಯೆ ಉದಿತ್ ಬತ್ತಿನ ನಾಡ್ ತುಳುನಾಡ್ ಉಂದು ನಮ್ಮ ತುಳುನಾಡ್
ಅಳಿಯ ಕಟ್ಟ್ ಮಲ್ತಿನ ಭೂತಾಳ ಪಾಂಡ್ಯನ ನಾಡ್ ಪರಂಗಿದ ಗೆಲೆನ್ ದರ್ತ್ ಗಿಡ್ತಿನ ರಾಣಿ ಅಬ್ಬಕ್ಕನ ಬೂಡ್ ದೈವ ಸಾನೊಲ್ ದೇವಸ್ಥಾನೊಳ್ ಆದಿ ಆಲಾಡೆ ಬಸದಿ , ಮಸಿದಿ ಇಗರ್ಜಿಗ್ ನಂಬು ನಡಪುನ ಸರ್ವ ಧರ್ಮದ ಬೂಡ್

ನಾಗಮಂಡಲ ಭೂತ ತಂಬಿಲ ನಡತ್ ಬರ್ಪಿನ ಮಸ್ತ್ ಕಂಬುಲದೈವ ದೇವೆರೆ ಕೋಲ ಉತ್ಸವ ಯಕ್ಷ ನಲ್ಕೆದ ಆಟ ದೊಟ್ಟಗ್ ಮೆರೆವೊಂದುಪ್ಪುನ ಮಸ್ತ್ ಜನಪದ

ರತ್ತವರ್ಣಿ ಕವಿ ಮುದ್ದ ಣಿ ರಾಷ್ಟ್ರಕವಿ ಗೋವಿಂದ ಪೈ ಕ್ರಾಂತಿ ಕವಿ ಕೈಯ್ಯಾರ ಕಿಂಜಣ್ಣ ರೈ ಜ್ಞಾನಪೀಠ ಕಿರೀಟ ಕೊನತಿನ ಶಿವರಾಮ ಕಾರಂತ ಅನಂತಮೂರ್ತಿ ಗಿರೀಶ್ ಕಾರ್ನಾಡರ್ನ ನಾಡ್
ಪಡ್ದಯಿ ಕಡಲ್ ಮುಡಿಯಿ ಮುಗಿಲ್ ನಡುತ ನಾಡ್ ಗಂಧದ ಕೊರಡ್ ಸ್ವರ್ಣ ಸೀತಾ ಕುಮಾರ ದಾರ ನೇತ್ರಾವತಿ ಶರಾವತಿ ನಡುಟ್ ಪರಪು ತೋಡು ತುದೆ ಪರ್ಪಿ ನೀರೆ ಪುಣ್ಯತೀರ್ಥ

ಗೆಂಡ ಸಂಪಿಗೆ ಬೊಲ್ದು ತಾ ಮರೆ ನಾಡ ಕೇದಗೆ ಕಾಡ ಕೇಪುಲ ಜಾಜಿ ಸಂಪಿಗೆ ಕಂಪು ಮಲ್ಲಿಗೆ ಮೂಕೂ ಗಂತೂ ಬಾರಿ ಬಾರಿ ಕಮ್ಮೆನ ತುಳುನಾಡ್ ಉಂದು ನಮ್ಮ ತುಳುನಾಡ್

ಕಬಿತೆ ಬರೆತಿನಿ ದಯಾನಂದ ಕೆ.ಶೆಟ್ಟಿ ದೆಂದೂರು