ಆಳ್ವಾಸ್ ಉದ್ಯೋಗ ಮೇಳ

16ನೇ ಆವೃತ್ತಿದ  ಆಳ್ವಾಸ್ ಪ್ರಗತಿ 2026-ಬೃಹತ್ ಉದ್ಯೋಗ ಮೇಳ

ಆಗಸ್ಟ್ 7 ಬೊಕ್ಕ 8,ದೇಶದ ಯುವಜನತೆದ  ಉದ್ಯೋಗ ಕನಸುಲೆಗ್  ಬಲ ದಿಂಜಾವುನ ‘ಆಳ್ವಾಸ್ ಪ್ರಗತಿ’ ರಾಷ್ಟ್ರಮಟ್ಟಡ್  ಗುರುತಿಸಾವೊಂದಿನ ಬಾರೀ ಮಲ್ಲ ಉಚಿತ ಬೃಹತ್ ಉದ್ಯೋಗ ಮೇಳವಾದುಂಡ್.. ಕರಿನ ರಡ್ಡ್  ದಶಕಡಿಂಚಿ  ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನ ಈ ಅಭೂತಪೂರ್ವ ಉದ್ಯೋಗ ಅಭಿಯಾನೊನ್  ನಿರಂತರವಾದ್  ಆಯೋಜನೆ ಮಲ್ದಿತ್ತುದ್ , ಇತ್ತೆ 16ನೇ ಆವೃತ್ತಿದ  ‘ಆಳ್ವಾಸ್ ಪ್ರಗತಿ 2026’ ಆಗಸ್ಟ್ 7 ಬೊಕ್ಕ 8 ತಾರೀಕುಗ್  ಮೂಡ್ಯೆದ್ರ ದ ಆಳ್ವಾಸ್ ವಿದ್ಯಾಗಿರಿ ಕ್ಯಾಂಪಸ್‌ ಡ್  ನಡಪರೆಗುಂಡ್ ಪಂಡುದು ಆಳ್ವಾಸ್ ಕಾಲೇಜಿದ ಪ್ರಾಂಶುಪಾಲೆರಾಯಿನ ಡಾ.ಕುರಿಯನ್ ತೆರಿಪಾದೆರ್.ಉಡುಪಿ ಪ್ರೆಸ್ ಕ್ಲಬ್ ಡ್ ಸುದ್ದಿ ಗೋಷ್ಠಿಡ್ ಪಾತೆರಿಯೆರ್.

2007ಡ್ ಆರಂಭ ಆಯಿನ ‘ಆಳ್ವಾಸ್ ಪ್ರಗತಿ’ ಬೇತೆ ಬೇತೆ ಕ್ಷೇತ್ರದ  ಪ್ರತಿಷ್ಠಿತ ಉದ್ಯಮ ಸಂಸ್ಥೆಲು  ಬೊಕ್ಕ ಪ್ರತಿಭಾವಂತ ಉದ್ಯೋಗಾಕಾಂಕ್ಷಿಲೆನ್  ಒಂಜೇ  ವೇದಿಕೆಡ್  ಸಂಪರ್ಕ ಮಲ್ಪುನ ರಾಜ್ಯದ ವಿಶ್ವಾಸಾರ್ಹ ಉದ್ಯೋಗ ಮೇಳಲೆಡ್ ಒಂಜಾದ್ ಗುರುತಿಸಾವೊಂದುಂಡ್. ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಸಾಮಾಜಿಕ ಹೊಣೆಗಾರಿಕೆ ಉಪಕ್ರಮದ ಭಾಗವಾದ್  ಈ ಬೃಹತ್ ಉದ್ಯೋಗ ಮೇಳನ್  ಸಂಪೂರ್ಣ ಉಚಿತವಾದ್ ಆಯೋಜನೆ ಮಲ್ದಿತ್ತುದ್ , ವಿಶೇಷವಾದ್ ಗ್ರಾಮೀಣ ಬೊಕ್ಕ ಹಿಂದುಳಿದ ಭಾಗದ ಅರ್ಹ ಯುವಜನತೆಗ್ ಗುಣಮಟ್ಟದ ಉದ್ಯೋಗಾವಕಾಶಲೆನ್  ಕಲ್ಪಿಸಾವುನ  ಉದ್ದೇಶ  ದೀಯೊಂದುಂಡ್.

ಕರಿನ  ಆವೃತ್ತಿದ  ಆಳ್ವಾಸ್ ಪ್ರಗತಿಡ್  2,873 ಜನಕ್  ಜಾಗೆಡೇ ಉದ್ಯೋಗದ ಆಫರ್‌ ಲು ಲಭ್ಯ ಆತುಂಡ್., 3,734 ಅಭ್ಯರ್ಥಿಲು  ಬೇತೆ ಬೇತೆ ಸಂಸ್ಥೆದ  ದುಂಬು ದ  ಹಂತದ ನೇಮಕಾತಿ ಪ್ರಕ್ರಿಯೆಗ್  ಆಯ್ಕೆಯಾದಿತ್ತೆರ್.

ಇದಮುಟ್ಟ  ಆಳ್ವಾಸ್ ಪ್ರಗತಿ ವೇದಿಕೆದ ಮೂಲಕ ಒಟ್ಟು 40,848 ಜನ ಜಾಗೆಡೇ ಉದ್ಯೋಗಾವಕಾಶಲೆನ್  ಪಡೆತುದು ತನ್ನ  ವೃತ್ತಿಜೀವನಗ್  ಭದ್ರ ಅಡಿಪಾಯ ಪಾಡೊಂದೆರ್., 66,432  ಅಭ್ಯರ್ಥಿಲು ಶಾರ್ಟ್‌ಲಿಸ್ಟ್ ಆದ್  ದುಂಬು ದ  ಹಂತೊಗ್  ಆಯ್ಕೆಯಾತೆರ್.

ಆಳ್ವಾಸ್ ಪ್ರಗತಿ 2026 ಪ್ರಮುಖ ವಲಯೊಲು

ಈ ಸರ್ತಿ ಉದ್ಯೋಗಮೇಳಡ್ ಐಟಿ/ಐಟಿಇಎಸ್, ಉತ್ಪಾದನಾ ವಲಯ, ಆರೋಗ್ಯ ಬೊಕ್ಕ ಔಷಧ, ಬ್ಯಾಂಕಿಂಗ್ , ಹಣಕಾಸು, ಮಾರಾಟ ಬೊಕ್ಕ ಚಿಲ್ಲರೆ ವ್ಯಾಪಾರ, ಆತಿಥ್ಯ, ಮಾಧ್ಯಮ, ಎಲೆಕ್ಟ್ರಾನಿಕ್ಸ್, ದೂರಸಂಪರ್ಕ ಬೊಕ್ಕ ನಿರ್ಮಾಣ ಕ್ಷೇತ್ರೊಲೆನ ಪ್ರಮುಖ ಕಂಪನಿಲು ಪಾಲ್ ಪಡೆಯೊಂದುಂಡ್.

ಆಳ್ವಾಸ್ ಪ್ರಗತಿದ ಸಂಪೂರ್ಣ https://www.alvaspragati.com ಮಾಹಿತಿನ್ ವೆಬ್‌ಸೈಟ್‌  ಡ್ ತೂವೊಲಿ., ಉದ್ಯೋಗಾಕಾಂಕ್ಷಿಲು ನಿಯಮಿತವಾದ್  ವೆಬ್‌ಸೈಟ್‌ನ್  ಪರಿಶೀಲನೆ ಮಲ್ಪರೆಗ್ ಆಯೋಜಕೆರ್  ತೆರಿಪಾದೆರ್.. ಸಂಪೂರ್ಣ ಉಚಿತವಾದುಪ್ಪುನ ಈ ಉದ್ಯೋಗ ಮೇಳಡ್  ಪಾಲ್ ಪಡೆಯರೆಗ್ ಆನ್‌ಲೈನ್ ನೋಂದಣಿ ಕಡ್ಡಾಯವಾದುಂಡ್.. ನೋಂದಣಿಗಾದ್:
https://alvaspragati.com/candidate-registration ಸಂಪರ್ಕ ಮಲ್ಪೊಲಿ.

ಸುದ್ದಿ ಗೋಷ್ಠಿಡ್ ಆಳ್ವಾಸ್ ಕಾಲೇಜಿದ ಮಾಧ್ಯಮ ಪ್ರಮುಖೆರಾಯಿನ ಪ್ರಸಾದ್ ಶೆಟ್ಟಿ, ಶ್ರೀನಿವಾಸ್ ಬೊಕ್ಕ ಆಳ್ವಾಸ್ ಕಾಲೇಜಿದ ಅಂಬಾಸಿಡರ್ ಸಮಾಜಸೇವಕೆರಾಯಿನ ಈಶ್ವರ್ ಮಲ್ಪೆ ಉಪಸ್ಥಿತರಿತ್ತೆರು.