ತುಳುಕ್ ಮಾನ್ಯತೆ ತಿಕ್ಕಿನ ಖುಷಿತ್ತ ಸಂಗತಿ.

ತುಳು ಬಾಸೆನ್ ರಾಜ್ಯದ ರಡ್ಡನೇ ಅಧಿಕೃತ ಬಾಸೆ ಆದ್ ಘೋಷಣೆ ಮಲ್ದೆರ್.ಉಂದು ಬಾರೀ ಖುಷಿತ್ತ ಸಂಗತಿ.ಆಂಡ ನೆತ್ತ ಬಗ್ಗೆ ಎನ್ನ ಆಕ್ಷೇಪ ಉಂಡು ಪಂಡುದ್ ಕರ್ನಾಟಕ ಮಾಜಿ ಸಚಿವೆರಾಯಿನ ಮಾನ್ಯ ಶ್ರೀ ಪ್ರಮೋದ್ ಮಧ್ವರಾಜ್ ಮೇರು ಪತ್ರಿಕಾ ಪ್ರಕಟಣೆಡ್ ತೆರಾಪಾದೆರ್. ಪಂಚದ್ರಾವಿಡ ಭಾಷೆಡ್ ಒಂಜಾಯಿನ ತುಳುಭಾಷೆಗ್ ಬಾಕಿದ ಬಾಸೆದಲೆಕ್ಕನೇ ಮಾನ್ಯತೆ ತಿಕ್ಕೊಡ್.ಕೇವಲ ದ.ಕ‌ಬೊಕ್ಕ ಉಡುಪಿ ಜಿಲ್ಲೆಗ್ ಸಿಮಿತ ಮಲ್ತುದ್ ರಾಜ್ಯ ಭಾಷೆ ಪಂಡುದ್ ಘೋಷಣೆ ಮಲ್ದಿನ ಸರಿ ಅತ್ತ್,ರಾಜ್ಯದ ಮಾತಾ ಜಿಲ್ಲೆಗುಲಾ ಆಪಿಲೆಕ್ಕ ಮಲ್ಪೊಡ್.ತುಳುಕ್ 8 ನೇ ಪರಿಚ್ಚೇದೊಡ್ ಸೇರೊಡಾಂಡ ರಾಜ್ಯದ ಪೂರಾ ಜಿಲ್ಲೆಡ್ ಆಂಡ ಮಾತ್ರ ಕೇಂದ್ರ ಸರ್ಕಾರಗ್ ಬೇಡಿಕೆ ದೀಯರೆಗ್ ಸಾಧ್ಯ.ಅಂಚಾದ್ ಸರ್ಕಾರಗ್ ಎನ್ನ ಮನವಿ ದಾದ ಪುಂಡ ಕೊರಿನವ್ವೆನ್ ಅರ್ಧ ಮನಸ್ಸುಡ್ ಕೊರಂದೆ ಪೂರ್ತಿ ಮನಸ್ಸು ಡ್ ಇಡೀ ರಾಜ್ಯೊಗ್ ಆಪಿಲೆಕ್ಕ ಕೊರ್ಲೆ ಪಂಡುದ್ ಆರ್ ರಾಜ್ಯ ಸರ್ಕಾರಗ್ ಒತ್ತಾಯ ಮಲ್ತುದೆರ್.