ಉಡುಪಿ ಪತ್ರಕರ್ತೆರೆಗ್ ಆರೋಗ್ಯ ತಪಾಸಣೆ ಶಿಬಿರ.

ಉಡುಪಿ ಪತ್ರಕರ್ತೆರೆಗ್ ಉಚಿತ ಆರೋಗ್ಯ ತಪಾಸಣೆ ಕಾರ್ಯಕ್ರಮ

ಉಡುಪಿ, ಆ.೧೮: ಪತ್ರಕರ್ತೆರು ಸದಾ ಕಾಲ ಒತ್ತಡಡ್ ಕೆಲಸ ಮಲ್ತೊಂದುಪ್ಪುವೆರ್.. ಅಂಚಾದ್  ಅಕ್ಲೆಗ್  ತಮ್ಮ ಆರೋಗ್ಯದ ಕಡೆ ಹೆಚ್ಚಿಗೆ  ಗಮನ ಕೊರ್ರೆಗ್ ಸಾಧ್ಯ ಆಪುಜಿ.. ಆಹಾರ ಪದ್ಧತಿ, ವ್ಯಾಯಮಲಾ ವ್ಯವಸ್ಥಿತವಾದಿಪ್ಪಂದೆ  ಅನಾರೋಗ್ಯ ಆಪಿನ ಸಾಧ್ಯತೆ ಇಪ್ಪುಂಡ್.. ಅಂಚಾದ್ ಪತ್ರಕರ್ತೆರು ಇಂಚಿನ ಆರೋಗ್ಯ ಶಿಬಿರಲೆನ್ಆಯೋಜನೆ ಮಲ್ತುದ್ ತಮ್ಮ ಆರೋಗ್ಯ ತಪಾಸಣೆ ಮಲ್ಪುನ ಅತೀ ಅಗತ್ಯವಾದುಂಡ್ ಪಂಡುದು ಉಡುಪಿ ಲೋಂಬಾರ್ಡ್ ಮೆಮೋರಿಯಲ್(ಮಿಷನ್) ಆಸ್ಪತ್ರೆದ ನಿರ್ದೇಶಕ ಡಾ.ಸುಶೀಲ್ ಜತ್ತನ್ನ ಪಂಡೆರ್.

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರೆನ ಸಂಘದ ವತಿಡ್ದ್  ಉಡುಪಿ ಅಮೃತ್ ಡಯಾಗ್ನಸ್ಟಿಕ್ ಸೆಂಟರ್‌ ದ ಸಹಯೋಗದೊಟ್ಟುಗ್ ಸಂಘದ ಸದಸ್ಯರೆಗ್ ಅಮೃತ್ ಡಯಾಗ್ನಸ್ಟಿಕ್ ಸೆಂಟರ್‌ ಡ್  ಆಯೋಜನೆ ಮಲ್ದಿನ ನಾಲ್ ದಿನತ್ತ  ಉಚಿತ ಆರೋಗ್ಯ ತಪಾಸಣೆ ಕಾರ್ಯಕ್ರಮನ್ ಮಂಗಳವಾರ ಉದಿಪನ ಮಲ್ತುದ್ ಆರು ಪಾತೆರಿಯೆರು.

ನಮ  ಇನಿ ನಮ್ಮ ಜೀವನ ಶೈಲಿನ್ ಬದಲಾವಣೆ ಮಲ್ತೊನೊಡ್.. ನಿಯಮಿತವಾಯಿನ ಆಹಾರ ಸೇವನೆ, ವ್ಯಾಯಾಮಗ್ ಆದ್ಯತೆ ಕೊರುಂಡ ಡಯಾಬಿಟೀಸ್, ಬಿಪಿ ಕಾಯಿಲೆಡ್ದ್  ದೂರ ಇಪ್ಪೊಲಿ. ಪತ್ರಕರ್ತೆರು ತಮ್ಮ ಆರೋಗ್ಯದ ಬಗ್ಗೆ ಹೆಚ್ಚಿನ ಗಮನಕೊರುಂಡ ಎಡ್ಡೆ ಉತ್ಸಾಹಡ್ ಕಾರ್ಯನಿರ್ವಹಣೆ  ಮಲ್ಪರೆಗ್ ಸಾಧ್ಯ ಪಂಡುದ್  ಆರು ತೆರಿಪಾಯೆರು.

ಸಾಮಾಜಿಕ ಕಾರ್ಯಕರ್ತ ನಿತ್ಯಾನಂದ ಒಳಕಾಡು, ಪತ್ರಿಕಾ ಭವನ ಸಮಿತಿದ ಸಂಚಾಲಕ ಅಂಕಿತ್ ಶೆಟ್ಟಿ, ಜಿಲ್ಲಾ ಸಂಘದ ಕೋಶಾಧಿಕಾರಿ ಹರೀಶ್ ಕುಂದರ್  ಮೊಕುಲು ಉಪಸ್ಥಿತರಿತ್ತೆರು. ಅಮೃತ್ ಡಯಾಗ್ನಸ್ಟಿಕ್ ಸೆಂಟರ್‌ ದ ಮುಖ್ಯಸ್ಥ ಸತೀಶ್ ನಾಯಕ್ ಪ್ರಾಸ್ತಾವಿಕವಾದ್ ಪಾತೆರಿಯೆರು.

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಸುಬ್ರಹ್ಮಣ್ಯ ಜಿ.ಕುರ್ಯ ಸ್ವಾಗತ ಮಲ್ತುದ್ . ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ವಂದಿಸಾಯೆರು. ಕಾಪು ತಾಲೂಕು ಪ್ರಧಾನ ಕಾರ್ಯದರ್ಶಿ ಪುಂಡಲೀಕ ಮರಾಠೆ ಕಾರ್ಯಕ್ರಮ ನಿರೂಪಣೆ ಮಲ್ತೆರು. ಈ ಉಚಿತ ತಪಾಸಣೆ ಶಿಬಿರ ಆಗಸ್ಟ್ 21 ಮುಟ ನಡಪರೆಗುಂಡ್. ಸಂಘದ ಸದಸ್ಯೆರು ತಮ್ಮ ಗುರುತುಧ  ಚೀಟಿನ್  ತೋಜಾದ್ ಪರೀಕ್ಷೆ ಮಲ್ತೊನೊಲಿ..