ದಧೂಟಿಬನ ಕಾದಂಬರಿಗ್ ಪಣಿಯಾಡಿ

ಪುತ್ತೂರು ದ ಸಾಹಿತಿ ಸುಲೋಚನಾ ಪಿ.ಕೆ. ಅರೆನ “ದಧೂಟಿಬನ” ಕಾದಂಬರಿ ಉಡುಪಿ ತುಳುಕೂಟದ ಪಣಿಯಾಡಿ ಪ್ರಶಸ್ತಿಗ್  ಆಯ್ಕೆ
ಉಡುಪಿ: ಉಡುಪಿ ತುಳುಕೂಟದ ವತಿಡ್ದ್  ಕೊರ್ಪಿನ ‘ಎಸ್.ಯು. ಪಣಿಯಾಡಿ ತುಳು ಕಾದಂಬರಿ ಪ್ರಶಸ್ತಿ’ ಗ್ ಪುತ್ತೂರುದ ಸಾಹಿತಿ ಸುಲೋಚನಾ ಪಿ.ಕೆ. ಮೆರೆನ “ದಧೂಟಿಬನ” ಕಾದಂಬರಿ ಆಯ್ಕೆಯಾತುಂಡ್..
ಉಡುಪಿ ತುಳುಕೂಟ ಕರಿನ ೩೧ವರ್ಷಡಿಂಚಿ ತುಳು ಚಳವಳಿದ ಪ್ರವರ್ತಕೆ ದಿ.ಎಸ್.ಯು.ಪಣಿಯಾಡಿ ಅರೆನ ಸ್ಮರಣಾರ್ಥ ಈ ಪ್ರಶಸ್ತಿನ್  ಅಚ್ಚಿ ಆವಂದಿನ ತುಳು ಕಾದಂಬರಿಕಾರೆರೆಗ್  ಕೊರೊಂದುಂಡ್.. ಪಣಿಯಾಡಿ ಕಾದಂಬರಿ ಪ್ರಶಸ್ತಿದೊಟ್ಟುಗ್ 10 ಸಾರ ರೂ. ಪಣವು ಬೊಕ್ಕ ಪ್ರಶಸ್ತಿಪತ್ರ, ಫಲಕ ಉಪ್ಪುಂಡ್.. 
ಸಾಹಿತಿ ಸುಲೋಚನಾ ಪಿ.ಕೆ. ಮೇರು ವೃತ್ತಿಡ್ ಪುತ್ತೂರು ತಾಲೂಕು ಉಪತಹಶೀಲ್ದಾರೆರಾದ್  ಸೇವೆ ಸಲ್ಲಿಸಾವೊಂದುಲ್ಲೆರ್. ಮೆರೆನ ಸತ್ಯದರ್ಶನ ಕೃತಿಕ್ ಜಿ.ಪಿ.ರಾಜರತ್ನಂ ದತ್ತಿ ಪ್ರಶಸ್ತಿ ತಿಕ್ಕುದುಂಡ್.. ಅಮ್ಮನ ಮಾತ್ ಭಸ್ಮ ಕಟ್ಟಿದ ತಗಡ್ನ ತಾಯತಾತ್’  ಕೃತಿಕ್ ಅರೆಭಾಸೆ ಅಕಾಡೆಮಿ ಪ್ರಶಸ್ತಿ ಸಿಕ್ಕುದುಂಡ್..  ‘ಕೊಡುವ ಮೊದಲು’, ‘ಸೊನ್ನೆ’  ಕವನಸಂಕಲನ, ‘ಶ್ರೀ ಸಾಯಿ ಶತನಮನ’ ಭಜನಾಮೃತ, ‘ಮೂಗಿಯ ಮನದೊಳು’ ಕಾದಂಬರಿ, ‘ಸಖಿವಚನ’ ಕೃತಿ ಪ್ರಕಟನೆ ಆತುಂಡ್. 
ಈ ‘ಕಾದಂಬರಿ ಸ್ಪರ್ಧೆದ ತೀರ್ಪುಗಾರೆರಾದ್  ಸಾಹಿತಿಲಾಯಿನ  ಡಾ.ವಿ.ಕೆ.ಯಾದವ್, ವಾಸಂತಿ ಅಂಬಲಪಾಡಿ, ಪುಷ್ಪಪ್ರಸಾದ್ ಮೊಕುಲು ಸಹಕಾರ ಮಲ್ದೆರ್.. ಕಾದಂಬರಿ ಪ್ರಶಸ್ತಿ ಪ್ರದಾನ ಸಮಾರಂಭ ಸೆಪ್ಟೆಂಬರ್  ತಿಂಗೊಲುಡ್  ಉಡುಪಿಡ್ ನಡಪರೆಗುಂಡ್ ಪಂಡುದು ತುಳುಕೂಟದ ಅಧ್ಯಕ್ಷೆರಾಯಿನ ಶ್ರೀ ಜಯಕರ ಶೆಟ್ಟಿ ಇಂದ್ರಾಳಿ, ಕಾರ್ಯದರ್ಶಿ ಗಂಗಾಧರ ಕಿದಿಯೂರು,ಪಣಿಯಾಡಿ ಪ್ರಶಸ್ತಿದ ಸಂಚಾಲಕೆರಾಯಿನ ಪ್ರಕಾಶ್ ಸುವರ್ಣ ಕಟಪಾಡಿ ತೆರಿಪಾದೆರ್.