ನೆತ್ತೆರ್ ದಾನ ಶಿಬಿರ

*ಮಲ್ಪೆ:ಸ್ವಯಂಪ್ರೇರಿತ ನೆತ್ತೆರ್ ದಾನ* *ಶಿಬಿರ, ನಿವೃತ್ತ* *ಯೋಧರೆಗ್ ಸನ್ಮಾನ..*

ಮೊಗವೀರ ಯುವ ಸಂಘಟನೆ (ರಿ.) ಉಡುಪಿ ಜಿಲ್ಲೆ, ಮಲ್ಪೆ ಘಟಕ ಬೊಕ್ಕ ಮಹಿಳಾ ಸಂಘಟನೆ, ಜಿ. ಶಂಕರ್ ಫ್ಯಾಮಿಲಿ ಟ್ರಸ್ಟ್ (ರಿ.) ಅಂಬಲಪಾಡಿದ  ನೇತೃತ್ವಡ್  ಬಡಗಬೆಟ್ಟು ಕ್ರೆಡಿಟ್ ಕೋ ಆಪರೇಟಿವ್ ಸೊಸೈಟಿ, ರೋಟರಿ ಕ್ಲಬ್ ಕಲ್ಯಾಣಪುರ ಬೊಕ್ಕ ರೋಟರಿ ಮಲ್ಪೆ ಕರಾವಳಿ, ರಕ್ತ ನಿಧಿ ವಿಭಾಗ ಕೆ. ಎಮ್. ಸಿ. ಮಣಿಪಾಲ ಬೊಕ್ಕ ಜಿಲ್ಲಾಡಳಿತ ಉಡುಪಿ ಜಿಲ್ಲೆ, ಜ್ಞಾನ ಜ್ಯೋತಿ ಭಜನಾ ಮಂದಿರ ಕಡಲತೀರ ಮಲ್ಪೆ, ಹನುಮಾನ್ ವಿಠೋಭ ಭಜನಾ ಮಂದಿರ ಹನುಮಾನ್ ನಗರ ಮಲ್ಪೆ ದ  ಜಂಟಿ ಆಶ್ರಯದೊಟ್ಟುಗ್
ಸ್ವಯಂಪ್ರೇರಿತ ನೆತ್ತೆರ್ ದಾನ ಶಿಬಿರೊನ್  ಆಗಸ್ಟ್ 16ಗ್ ಕಾಂಡೆ 8.30ಗಂಟೆಡ್ದ್  ಮಧ್ಯಾಹ್ನ 2 ಗಂಟೆಮುಟ್ಟ  ಸರಕಾರಿ ಪದವಿ ಪೂರ್ವ ಕಾಲೇಜು ಸಭಾಭವನ, ಮಲ್ಪೆಡ್ ಆಯೋಜನೆ ಮಲ್ದಿತ್ತೆರ್.

ಶಿಬಿರಡ್  ಸುಮಾರು 30ಗುಲಾ ಜಾಸ್ತಿ ಜನ ಸ್ವಯಂಪ್ರೇರಿತೆರಾದ್  ನೆತ್ತೆರ್ ದಾನ ಮಲ್ತೆರು.  ಬಡಗಬೆಟ್ಟು ಕ್ರೆಡಿಟ್ ಕೋ ಆಪರೇಟಿವ್ ಸೊಸೈಟಿದ ಅಧ್ಯಕ್ಷೆರಾಯಿನ  ಜಯಕರ ಶೆಟ್ಟಿ ಇಂದ್ರಾಳಿ ಶಿಬಿರದ ಉದಿಪನ ಮಲ್ತುದ್ ಪಾತೆರ್ದ್  ನೆತ್ತೆರ್ ದಾನ  ಅಗತ್ಯವಿಪ್ಪುನ ರೋಗಿಲೆನ  ಜೀವ ಒರಿಪಾವುನ  ಮಹತ್ವದ ಕಾರ್ಯವಾದುಂಡ್.. ಒರಿ  ನೆತ್ತೆರ್ ದಾನ ಮಲ್ಪುನೇಟ್  ನಾಲ್  ಜನಕ್ಲೆನ  ಜೀವ ಒರಿಪಾವೊಲಿ.. ಯುವಜನತೆ ನೆತ್ತೆರ್ ದಾನ ಮಲ್ತುಂಡ ರೋಗಿಲೆಗ್ ಸೂಕ್ತ ಸಮಯಡ್  ಆಸ್ಪತ್ರೆದಕುಲು ನೆತ್ತೆರ್  ಒದಗಿಸಾವರೆಗ್ ಸಾಧ್ಯ. ಆ ನಿಟ್ಟುಡ್ ಕರಿನ ಕೆಲವು ವರ್ಷಡಿಂಚಿ  ಜಿ. ಶಂಕರ್ ಫ್ಯಾಮಿಲಿ ಟ್ರಸ್ಟ್ ಬೊಕ್ಕ ಮೊಗವೀರ ಯುವ ಸಂಘಟನೆ ನಿರಂತರವಾದ್  ನೆತ್ತೆರ್ ದಾನ ಶಿಬಿರೊನ್  ಆಯೋಜನೆ ಮಲ್ತೊಂದುಪ್ಪುನವ್  ಶ್ಲಾಘನೀಯ ಪಂಡೆರು. ಕಾರ್ಯಕ್ರಮಡ್  80ನೇ ವರ್ಷದ ಸ್ವಾತಂತ್ರ್ಯೋತ್ಸವದ ಅಂಗವಾದ್   ನಿವೃತ್ತ ಯೋಧೆರಾಯಿನ  ಸಂತೋಷ್ ಶ್ರೀಯಾನ್ ಮೆರೆನ್ ಸನ್ಮಾನ ಮಲ್ತೆರ್..ಮಲ್ಪೆ ಮಹಿಳಾ ಸಂಘಟನೆದ  ಅಧ್ಯಕ್ಷೆ ಸಂಪ್ರೀತಾ ರೋಹಿತ್ ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತೆರು. ಮೊಗವೀರ ಯುವ ಸಂಘಟನೆದ ಜಿಲ್ಲಾಧ್ಯಕ್ಷೆರಾಯಿನ  ರವೀಶ್ ಕೊರವಡಿ, ನಿಕಟಪೂರ್ವ ಅಧ್ಯಕ್ಷೆರಾಯಿನ  ಜಯಂತ್ ಅಮೀನ್, ಕಾರ್ಯದರ್ಶಿ ಶೇಖರ್ ತೋಳಾರ್, ರೋಟರಿ ಮಲ್ಪೆ ಕರಾವಳಿದ ಅಧ್ಯಕ್ಷೆರಾಯಿನ   ಸುರೇಶ್ ಕರ್ಕೇರ, ರೋಟರಿ ಕಲ್ಯಾಣಪುರದ ಮಾಜಿ ಅಧ್ಯಕ್ಷೆರಾಯಿನ  ರಾಮ ಪೂಜಾರಿ, ಹನುಮಾನ್ ವಿಠೋಭ ಭಜನಾ ಮಂದಿರದ ಅಧ್ಯಕ್ಷೆರಾಯಿನ  ರವಿ ಕಾಂಚನ್,ಬಡಗಬೆಟ್ಟು ಸೊಸೈಟಿದ ಪ್ರಧಾನ ವ್ಯವಸ್ಥಾಪಕೆರಾಯಿನ  ರಾಜೇಶ್ ಶೇರಿಗಾರ್, ಕೆ. ಎಮ್. ಸಿ. ಮಣಿಪಾಲದ ಡಾ. ಓಜಸ್ವಿ ಉಪಸ್ಥಿತರಿತ್ತೆರು.ಬಡಗಬೆಟ್ಟು ಸೊಸೈಟಿ ಮಲ್ಪೆ ಶಾಖಾ ಮುಖ್ಯಸ್ಥೆರಾಯಿನ  ನವೀನ್ ಕೆ. ಸ್ವಾಗತ ಮಲ್ತುದ್,ಮಹೇಶ್ ಕುಮಾರ್ ಸೊಲ್ಮೆ ಸಂದಾಯ್ತ ಮಲ್ತೆರ್ . ಯಶೋದ ಕೇಶವ್ ಕಾರ್ಯಕ್ರಮ ನಿರೂಪಣೆ ಮಲ್ತೆರು.