ಕೇಪು ಅಜಿಲೆರೆಗ್ ಚಾವಡಿ ತಮ್ಮನ

ಕೇಪು ಅಜಿಲರೆಗ್  ತುಳು ಅಕಾಡೆಮಿದ ಚಾವಡಿ ತಮ್ಮನ ಪ್ರಧಾನ

ಸುಳ್ಯ : ಹಿರಿಯ ಕಲಾವಿದ, ದೈವದ ಪಾತ್ರಿ ಬೊಕ್ಕ ತುಳು ಯಕ್ಷಗಾನ ಪ್ರಸಂಗ ಕರ್ತೃ ಎ . ಕೇಪು ಅಜಿಲೆರೆಗ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಚಾವಡಿ ತಮ್ಮನದ ಗೌರವ ಸಮರ್ಪಣೆದ ಕಾರ್ಯಕ್ರಮ ಸುಳ್ಯದ ಕೊಡಿಯಾಲ ಬೈಲ್ ಸರಕಾರಿ ಪ್ರಥಮ ದರ್ಜೆ ಕಾಲೇಜಿಡ್  ಅಂಗಾರ ನಡತುಂಡ್..

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಕರ್ನಾಟಕ ಜರ್ನಲಿಸ್ಟ್ ಯೂನಿಯನ್ ದ.ಕ.ಜಿಲ್ಲಾ ಘಟಕದ ಸಹಯೋಗಡ್  ಚಾವಡಿ ತಮ್ಮನ ಗೌರವಾರ್ಪಣೆ ಪ್ರಧಾನ ಮಲ್ತೆರ್.. ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತಿನ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆರಾಯಿನ ತಾರಾನಾಥ ಗಟ್ಟಿ ಕಾಪಿಕಾಡ್ ಪಾತೆರ್ದ್ , ತುಳು ನಾಡು ನುಡಿಕ್  ಸೇವೆ ಸಲ್ಲಿಸಾಯಿನ  ಹಿರಿಯ ಸಾಧಕೆರೆನ್  ಅರೆನ ಪುಟ್ಟೂರುಡೇ ಗೌರವಿಸಾವುನ ಕಾರ್ಯೊನ್  ಅಕಾಡೆಮಿ ಮಲ್ತೊಂದುಂಡ್., ಕೇಪು ಅಜಿಲೆರೆನ  60 ವರ್ಷದ ಸುದೀರ್ಘ ಸೇವೆ ತುಳುನಾಡುದ  ಜಾನಪದ ಪರಂಪರೆಗ್ ಸಂದಿನ ಅನನ್ಯ ಕೊಡುಗೆ ಪಂಡುದು ಪಂಡೆರು.

ಸುಳ್ಯ ತಾಲೂಕು ಭಾರತೀಯ ರೆಡ್ ಕ್ರಾಸ್ ಸಂಸ್ಥೆದ ಸಭಾಪತಿ ಪಿ.ಬಿ.ಸುಧಾಕರ ರೈ ಅಭಿನಂದನಾ ಪಾತೆರೊಡ್, ಕೇಪು ಅಜಿಲೆರು ಪ್ರಾಮಾಣಿಕ ಬೊಕ್ಕ ನಿಷ್ಠಾವಂತ ಕಲಾವಿದೆರ್ ಪಂಡೆರು.

ಸುಳ್ಯ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ರಾಧಾಕೃಷ್ಣ ಬೊಳ್ಳೂರು, ಬಿಜೆಪಿ ಮಂಡಲ ಸಮಿತಿ ಅಧ್ಯಕ್ಷ ವೆಂಕಟ್ ವಳಲಂಬೆ ಮಲ್ಲ ಬಿನ್ನೆರಾದ್ ಪಾಲ್ ಪಡೆದಿತ್ತೆರು..

ಸರಕಾರಿ ಪ್ರಥಮ ದರ್ಜೆ ಕಾಲೇಜಿದ ಪ್ರಾಂಶುಪಾಲ ಸತೀಶ್ ಎನ್ .ಪಿ, ಕಾಲೇಜಿನ ಸಹಾಯಕ ಪ್ರಾಧ್ಯಾಪಕ ಡಾ. ಶಿವಾನಂದ ಜಿ., ಕರ್ನಾಟಕ ಜರ್ನಲಿಸ್ಟ್ ಯೂನಿಯನ್ ಸುಳ್ಯ ತಾಲೂಕು ಅಧ್ಯಕ್ಷ ಯಶ್ವಿತ್ ಕಾಳಮ್ಮನೆ ವೇದಿಕೆಡ್ ಉಪಸ್ಥಿತರಿತ್ತೆರು.

ವಿದ್ಯಾರ್ಥಿನಿ ಸಹನಾ ಸನ್ಮಾನ ಪತ್ರ ಓದಿಯೆರು. ಕರ್ನಾಟಕ ಜರ್ನಲಿಸ್ಟ್ ಯೂನಿಯನ್ ದ.ಕ.ಜಿಲ್ಲಾ ಘಟಕದ ಅಧ್ಯಕ್ಷ ಈಶ್ವರ ವಾರಣಾಶಿ ಸ್ವಾಗತ ಮಲ್ತುದ್, ವಿದ್ಯಾರ್ಥಿನಿ ಹಂಸಿನಿ ಸೊಲ್ಮೆ ಸಂದಾಯ್ತ ಮಲ್ತೆರು. ಕಾಲೇಜಿದ ತುಳು ಸಂಘದ ಅಧ್ಯಕ್ಷೆ ಗುಣಶ್ರೀ ಕಾರ್ಯಕ್ರಮ ನಿರೂಪಣೆ ಮಲ್ತೆರು.