ಸಮುದಾಯದ ನಿಯಮ ಪಾಲನೆ.

ಸಮುದಾಯದ ನಿಯಮ ಪಾಲನೆ: ಕಡಲುಗ್ ಜತ್ತಿನ ಮಲ್ಪೆದ ಪರ್ಸೀನ್ ಬೋಟುಲು

ಮಲ್ಪೆ: ಮೀನುಗಾರಿಕಾ ಸಮುದಾಯದ ವತಿಡ್ದ್ ನಿಗದಿ ಮಲ್ದಿನ ನಿಯಮಲೆನ್ ಪಾಲಿಸಾವೊಂದ್ ಮಲ್ಪೆದ ಪರ್ಸೀನ್ ಬೋಟುಲು ಕಡಲುಗ್ ಜಾದುಂಡ್.

ಮೀನುಗಾರೆರೆನ ಹಿತಾಸಕ್ತಿ ಬೊಕ್ಕ ಸಮುದ್ರದ ಮೀನುಗಾರಿಕಾ ಚಟುವಟಿಕೆಲೆಡ್ ಶಿಸ್ತು ಕಾಪಾಡುನ ಉದ್ದೇಶಡ್ ಸಮುದಾಯದ ಮಟ್ಟಡ್ ರೂಪಿಸಾದಿನ ನಿಯಮಲೆಗ್ ಮೀನುಗಾರೆರ್ ಸಹಕಾರ ಕೊರ್ತೆರ್ . ಅಂಚೆನೇ ನಿಯಮಲೆನ್ ಉಲ್ಲಂಘಿಸಾವಂದೆ ಪರ್ಸೀನ್ ಬೋಟುಲು ಕಡಲಕಸುಬುಗ್ ಪಿದಾಡುದಿನವ್ ಗಮನಾರ್ಹ.

ಮೀನುಗಾರೆರೆನ ನಡುಟ್ ಒಗ್ಗಟ್ಟು, ಪರಸ್ಪರ ಸಹಕಾರ ಬೊಕ್ಕ ಸಮುದಾಯದ ನಿರ್ಧಾರಲೆಗ್ ಗೌರವ  ಕೊರ್ಪಿನವ್ ಬಾರೀ ಮುಖ್ಯವಾದುಂಡ್., ಈ ಮೂಲಕ ಮಲ್ಪೆದ ಪರ್ಸಿನ್ ಮೀನುಗಾರೆರ್ ಮೀನುಗಾರಿಕಾ ಕ್ಷೇತ್ರಡ್ ಎಡ್ಡೆ ಸಂಪ್ರದಾಯೊನ್ ದುಂಬರಿತೊಂದುಲ್ಲೆರ್.

ನಿಯಮ ಪಾಲನೆದೊಟ್ಟುಗ್ ಮೀನುಗಾರಿಕೆ ಮಲ್ಪುನೆಡ್ದಾವರ ಮಾತಾ ಮೀನುಗಾರೆರೆನ ಹಿತಾಸಕ್ತಿನ್ ಕಾಪಾಡರೆಗ್ ಸಾಧ್ಯ ಪನ್ಪಿನ ಅಭಿಪ್ರಾಯ ವ್ಯಕ್ತವಾದುಂಡ್..

ಸಮುದಾಯದ ನಿಯಮಗ್ ಗೌರವ – ಮೀನುಗಾರರ ಒಗ್ಗಟ್ಟುಗ್ ಬಲ ದಿಂಜಾವುನ ಬೇಲೆ ಮಲ್ಪೆ ಪರ್ಸೀನ್ ಮೀನುಗಾರೆರ್ ಮಲ್ತೊಂದುಪ್ಪುನವ್ ನಿಜಕುಲಾ ಶ್ಲಾಘನೀಯ.