ಮಸಾಲೆ ತಯಾರಿಕಾ ಘಟಕ

*ಮಹಿಳಾ ಸಬಲೀಕರಣದಂಚಿ  ಕುಡೊಂಜಿ ಪಜ್ಜೆ: ಉಡುಪಿ ಸಂಜೀವಿನಿ ಮಹಿಳಾ ಕಿಸಾನ್ ಪ್ರೊಡ್ಯೂಸರ್ ಕಂಪೆನಿಡ್ದ್ ಮಸಾಲೆ ತಯಾರಿಕಾ ಘಟಕ ಆರಂಭ*:

*ಉಡುಪಿ:*  ರಾಷ್ಟ್ರೀಯ ಗ್ರಾಮೀಣ ಜೀವನೋಪಾಯ ಅಭಿಯಾನ (ಸಂಜೀವಿನಿ), ಜಿಲ್ಲಾ ಪಂಚಾಯತ್ ಉಡುಪಿ, ತಾಲೂಕು ಪಂಚಾಯತ್ ಉಡುಪಿ ವತಿಡ್ದ್ , ಉಡುಪಿ ತಾಲೂಕುದ ಮಹಿಳಾ ನೇತೃತ್ವದ ರೈತ ಉತ್ಪಾದಕರ ಸಂಸ್ಥೆಯಾಯಿನ (FPO) ‘ಉಡುಪಿ ಸಂಜೀವಿನಿ ಮಹಿಳಾ ಕಿಸಾನ್ ಪ್ರೊಡ್ಯೂಸರ್ ಕಂಪನಿ ಲಿಮಿಟೆಡ್’ (MKPC) ನ ಗ್ರಾಮೀಣ ಉದ್ಯಮಶೀಲತೆದ ವಿಸ್ತರಣೆದ ಭಾಗವಾದ್ ‘ಮಸಾಲೆ ತಯಾರಿಕಾ ಘಟಕ’ನ್ (Masala making unit)  *ಆಹಾರ, ನಾಗರಿಕ ಸರಬರಾಜು ಬೊಕ್ಕ ಗ್ರಾಹಕೆರೆನ ವ್ಯವಹಾರದ  ಸಚಿವೆರು ಬೊಕ್ಕ ಉಡುಪಿ ಜಿಲ್ಲಾ ಉಸ್ತುವಾರಿ ಸಚಿವರಾದ ರಿಜ್ವಾನ್ ಅರ್ಷದ್* ಮೇರು ಉದಿಪನ ಮಲ್ತೆರು. ಈ  ಘಟಕ ರೈತ ಮಹಿಳೆಯೆರೆಗ್ ಸ್ವ ಉದ್ಯೋಗ ಚಟುವಟಿಕೆ ಅವಕಾಶ ಕಲ್ಪಿಸಾವುಂಡ್ ಬೊಕ್ಕ ಪ್ರಸ್ತುತ ಆರಂಭ ಮಲ್ತೊಂದುಪ್ಪುನ ಇಲ್ಲು ಪುಡ್ಸ (Illu Foods) ಪೊಸ ಮಸಾಲೆ ತಯಾರಿಕಾ ಘಟಕ ಸ್ಥಳೀಯ ಕೃಷಿ ಉತ್ಪನ್ನಲೆಗ್ ಸೂಕ್ತ ಮೌಲ್ಯವರ್ಧನೆ (Value Addition) ಒದಗಿಸಾವೊಂದಿತ್ತುದ್, ಮಹಿಳೆಯೆರೆನ ಜೀವನೋಪಾಯ ವೃದ್ಧಿಗ್ ನೆರವಾಪುಂಡ್.

ಈ ಕಾರ್ಯಕ್ರಮಡ್  ಜಿಲ್ಲಾ ಗ್ಯಾರಂಟಿ  ಸಮಿತಿ ಅಧ್ಯಕ್ಷೆರಾಯಿನ ಅಶೋಕ್ ಕುಮಾರ್ ಕೊಡವೂರು, ಜಿಲ್ಲಾಧಿಕಾರಿಲಾಯಿನ  ಸ್ವರೂಪ ಟಿ. ಕೆ, ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಪ್ರತೀಕ್ ಭಾಯಲ್, ಪೊಲೀಸ್ ವರಿಷ್ಠಾಧಿಕಾರಿ ಹರಿರಾಮ್ ಶಂಕರ್,ಯೋಜನಾ ನಿರ್ದೇಶಕೆರಾಯಿನ  ಉದಯ್ ಶೆಟ್ಟಿ, ತಾಲೂಕು ಪಂಚಾಯತ್ ಕಾರ್ಯನಿರ್ವಾಹಣಾಧಿಕಾರಿ ವಿಜಯ, ಸಹಾಯಕ ನಿರ್ದೇಶಕೆರಾಯಿನ  ಫರ್ಝಾನ, ಜಿಲ್ಲಾ ಬೊಕ್ಕ ತಾಲೂಕು ಅಭಿಯಾನ ನಿರ್ವಹಣಾ ಘಟಕದ ಸೌಮ್ಯ, ಸುಜಾತ, ರವಿ, ಸಂಜಯ, ಪ್ರಮೀಳಾ, ಶ್ರೀಮತಿ, ಲಕ್ಷ್ಮಿ, ಶ್ರೀದೇವಿ ಬೊಕ್ಕ MKPC ಯ ನಿರ್ದೇಶಕ ಮಂಡಳಿದ ಮಾತಾ ಸದಸ್ಯೆರು,  ಬೊಕ್ಕ ಸಂಜೀವಿನಿ ಸ್ವ ಸಹಾಯ ಗುಂಪುದ ಪ್ರತಿನಿಧಿಲು ಬೊಕ್ಕ ಸದಸ್ಯೆರು ಉಪಸ್ಥಿತರಿತ್ತೆರು.