ರಾಜ್ಯಮಟ್ಟದ ಛಾಯಾಚಿತ್ರ ಪಂತೊ

ಜಗದೊಡೆಯನ ಜನ್ಮಾಷ್ಟಮಿ ಸಂಭ್ರಮ ~ ರಾಜ್ಯಮಟ್ಟದ ಛಾಯಾಚಿತ್ರ ಪಂತೊ.

ಶ್ರೀ ಕೃಷ್ಣ ಮಠ, ಪರ್ಯಾಯ ಶ್ರೀ ಶೀರೂರು ಮಠ, ಉಡುಪಿ ಆಶ್ರಯಡ್ ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಶನ್ ಉಡುಪಿ ವಲಯದ ನೇತೃತ್ವಡ್  ಲಯನ್ಸ್ ಕ್ಲಬ್ ಮುನಿಯಾಲು ಸಹಕಾರದೊಟ್ಟುಗ್  ಶ್ರೀ ಕೃಷ್ಣ ಜನ್ಮಾಷ್ಟಮಿದ  ಪ್ರಯುಕ್ತ ಸ್ಪರ್ಧೆ-2026 ಕಲರ್ಸ್ ಆಫ್ ಶ್ರೀ ಕೃಷ್ಣ ರಾಜ್ಯ ಮಟ್ಟದ ಛಾಯಾಚಿತ್ರ ಸ್ಪರ್ಧೆನ್ ಆಯೋಜನೆ ಮಲ್ದುಂಡ್.

ಸುರುತ 10,000/-, ರಡ್ಡನೇ 5,000/- ಬೊಕ್ಕ ಮೂಜನೇ3,000/- ಪಣವುದ ಇನಾಮು ಬೊಕ್ಕ 5ಸಮಾಧಾನಕರ ಇನಾಮುಲು, ಅಭಿನಂದನಾ ಪತ್ರ,ನೆಂಪುದ ಕಾಣಿಕೆ ಉಪ್ಪುಂಡ್..

ಪಂತೊದ ನಿಯಮೊಲು: ಪಾಲ್ ಪಡೆಪಿನಕುಲು ಗರಿಷ್ಠ ನಾಲ್ಕು ಛಾಯಾಚಿತ್ರಲೆನ್  ಕಡಪುಡೊಲಿ. ಒಂಜಿ ಛಾಯಾಚಿತ್ರದ ಗಾತ್ರ ಗರಿಷ್ಠ 4MBಜಾಸ್ತಿ   ಮೀರರೆ ಬಲ್ಲಿ. – ಮೊಬೈಲ್ ಡ್ ದೆತ್ತಿನ ಛಾಯಾಚಿತ್ರಲೆನ್ ಸ್ಪರ್ಧೆಗ್  ದೆತೊನುಜಿ..
మొనియాలు ಸಹಕಾರದೊಟ್ಟುಗ್ , ಪೋಟೋಶಾಪ್ ಡ್ ಎಡಿಟ್ ಮಲ್ತಿನ ಬೊಕ್ಕ  ವಾಟರ್ ಮಾರ್ಕ್ ಇತ್ತಿನ ಚಿತ್ರಲೆನ್ ಸ್ಪರ್ಧೆಗ್ ದೆತೊನುಜಿ. – ಒಂಜಿ  ಸಲ  ನೋಂದಣಿಯಾಯಿನ ಛಾಯಾಚಿತ್ರಲೆನ್  ಬದಲಾವಣೆ ಮಲ್ಪರೆಗ್ ಅವಕಾಶ ಇಜ್ಜಿ..

• ಪಂತೊಡ್ ಪಾಲ್ ಪಡೆಯರೆಗ್  ಮಾತೆರೆಗುಲಾ  ಮುಕ್ತ ಅವಕಾಶ. – ಛಾಯಾಚಿತ್ರೊನ್  ಇಮೇಲ್ ಮೂಲಕ ಕಡಪುಡುನಗ ನಿಕಲ್ನ ಭಾವಚಿತ್ರ, ಪುದರು, ವಿಳಾಸ, ದೂರವಾಣಿ ಬೊಕ್ಕ ನೋಂದಣಿ ಸಂಖ್ಯೆನ್  ಕಡ್ಡಾಯವಾದ್  ನಮೂದಿಸಾವೊಡ್..
  ತೀರ್ಪುಗಾರೆರೆನ  ತೀರ್ಮಾನನೇ  ಕಡೇತವ್.. ಉಡುಪಿ ಶ್ರೀ ಕೃಷ್ಣ ಮಠದ ಪರಿಸರಡ್  ನಡಪುನ  ಶ್ರೀ ಕೃಷ್ಣ ಜನ್ಮಾಷ್ಟಮಿ (04-09-2026) ಬೊಕ್ಕ ರಥಬೀದಿಡ್  ನಡಪುನ ವಿಟ್ಲಪಿಂಡಿ ಮಹೋತ್ಸವದ (05-09-2026) ಛಾಯಾಚಿತ್ರಲೆಗ್  ಮಾತ್ರ ಅವಕಾಶ.
  ಛಾಯಾಚಿತ್ರನ್  ಕಡಪುಡ್ರೆಗ್  ಅಕೇರಿದ ದಿನ 15-09-2026. – ಫಲಿತಾಂಶೊನ್  ದಿನಾಂಕ 25-09-2026 ದಾನಿ ಪ್ರಕಟ ಮಲ್ಪುಂಡ್..

ಛಾಯಾಚಿತ್ರನ್  ಈ  ವಿಳಾಸಗ್ ಕಡಪುಡ್ಲೆ: rameshyelluru@gmail.com, ನೋಂದಾವಣೆ ಮಲ್ಪರೆಗ್ ಕಡೇತ ದಿನ 01-09-2026 ನೋಂದಾವಣೆ ಮಲ್ತಿನ ಮಾತಾ  ಛಾಯಾಗ್ರಾಹಕರೆಗ್  ಒಂಜಿ  ಟಿ-ಶರ್ಟ್ ಉಚಿತ. ಟಿ-ಶರ್ಟ್ ಪಾಡ್ದ್  ಛಾಯಾಗ್ರಹಣ ಮಲ್ಪೊಡ್.. ಛಾಯಾಚಿತ್ರೊನ್   ಪೂರ್ವಾನುಮತಿ ಇಪ್ಪಂದೆ ಬಳಸುನ ಹಕ್ಕುನ್  ಪಡೆತೊಂದ..

ಚಿತ್ರ : ರಾಜ್ಯಮಟ್ಟದ ಛಾಯಾಚಿತ್ರ ಸ್ಪರ್ಧೆದ ಪ್ರಚಾರದ ಬಿತ್ತಿ ಚಿತ್ರೊನ್  ಪರ್ಯಾಯ ಶೀರೂರು ಶ್ರೀ ಶ್ರೀ ವೇದವರ್ಧನತೀರ್ಥ ಶ್ರೀಪಾದೆರು ಬುಧವಾರದಾನಿ ಬುಡುಗಡೆ ಮಲ್ತೆರು. ಈ ಸಂದರ್ಭಡ್  ಎಸ್ ಕೆಪಿಎ ಉಡುಪಿ ವಲಯದ ಅಧ್ಯಕ್ಷ ದಿವಾಕರ್ ಹಿರಿಯಡ್ಕ, ಮಾಜಿ ಅಧ್ಯಕ್ಷ ಜನಾರ್ದನ್ ಕೊಡವೂರು, ಸದಸ್ಯರಾಯಿನ ರತನ್ ಶೆಟ್ಟಿ, ಶ್ರೀಶ ಬಲ್ಲಾಳ್ ಬೊಕ್ಕ ಶ್ರೀಮಠದ ಛಾಯಾಗ್ರಾಹಕ ಕೃತಿಕ್ ಭಟ್ ಉಪಸ್ಥಿತರಿತ್ತೆರು.