ಶ್ರೀ ನಾರಾಯಣ ಗುರು ಜಯಂತಿ

ಶ್ರೀ ನಾರಾಯಣಗುರುಕುಲೆನ  172ನೇ ಜಯಂತಿ ಆಚರಣೆ

ಕಕ್ಕುಂಜೆ , ಉಡುಪಿ ವ್ಯಾಪ್ತಿದ ಶ್ರೀ ನಾರಾಯಣಗುರು ಸ್ವಾಮಿ ಭಜನಾ ಮಂದಿರ ಟ್ರಸ್ಟ್ (ರಿ.) ವತಿಡ್ದ್  ಶ್ರೀ ನಾರಾಯಣಗುರುಕುಲೆನ 172ನೇ ಜನ್ಮ ದಿನಾಚರಣೆ ಬೊಕ್ಕ  ವಿದ್ಯಾರ್ಥಿಲೆಗ್  ವಿದ್ಯಾಭ್ಯಾಸ ವೇತನ ವಿತರಣಾ ಸಮಾರಂಭ ಆಯೋಜನೆ ಮಲ್ದುಂಡ್..
ಆಗಸ್ಟ್ 30ಗ್  ಕಾಂಡೆ 8 ಗಂಟೆಡ್ದ್  ಬೇತೆ ಬೇತೆ ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮೊಲು ನಡಪರೆಗುಂಡ್ .ಭಜನಾ ಮಂದಿರಡ್  ಗಣಹೋಮ, ವಿಶೇಷ ಪೂಜೆ ಸೇರಿನಂಚ ಧಾರ್ಮಿಕ ಕಾರ್ಯಕ್ರಮೊಲು ನಡಪರೆಗಿತ್ತುದ್, ಮಧ್ಯಾಹ್ನ ಮಹಾಪ್ರಸಾದ ಬೊಕ್ಕ ಅನ್ನಸಂತರ್ಪಣೆ ನಡಪರೆಗುಂಡ್.
ಆನಿಯೇ ಕಾಂಡೆ 10.30ಗ್  ವಿದ್ಯಾರ್ಥಿಲೆಗ್ ವಿದ್ಯಾರ್ಥಿ ವೇತನ ವಿತರಣಾ ಸಮಾರಂಭ ನಡಪರೆಗುಂಡ್.. ಕಾರ್ಯಕ್ರಮಡ್  ಬೇತೆ ಬೇತೆ ಗಣ್ಯೆರು ಬೊಕ್ಕ ಭಕ್ತೆರು ಪಾಲ್ ಪಡೆಯರೆಗುಲ್ಲೆರ್..
ಕಾರ್ಯಕ್ರಮದ ಅಂಗವಾದ್  ಭಜನೆ, ಪೂಜೆ ಬೊಕ್ಕ ಇತರ ಧಾರ್ಮಿಕ ಕಾರ್ಯಕ್ರಮೊಲು ನಡಪರೆಗಿತ್ತುದ್, ಭಕ್ತೆರು ಹೆಚ್ಚಿನ ಸಂಖ್ಯೆಡ್ ಪಾಲ್ ಪಡೆಯೊಡ್ ಪಂಡುದ್ ಟ್ರಸ್ಟ್ ವತಿಡ್ದ್  ಮನವಿ ಮಲ್ದೆರ್.