ಶ್ರೀ ಕೃಷ್ಣ ಜನ್ಮಾಷ್ಟಮಿದ ಗೌಜಿ

ಪರ್ಯಾಯ ಶ್ರೀ ಶಿರೂರು ಮಠಾಧೀಶೆರಾಯಿನ  ಶ್ರೀ ಶ್ರೀ ವೇದವರ್ಧನ ತೀರ್ಥ ಶ್ರೀಪಾದೆರೆನ  ಆಶಯದಂಚ ಜಗದೊಡೆಯನ ಜನ್ಮಾಷ್ಟಮಿ ಪನ್ಪಿನ ಶೀರ್ಷಿಕೆದ  ಅಡಿಟ್ ತಿಂಗೊಲಿಡೀ  ಧಾರ್ಮಿಕ ಸಾಂಸ್ಕೃತಿಕ ಬೊಕ್ಕ ಸಾಮಾಜಿಕ ಕಾಳಜಿದ ಕಾರ್ಯಕ್ರಮಲೆನ್ ಆಯೋಜನೆ ಮಲ್ದುಂಡ್ . ಪಂಡುದ್ ಪರ್ಯಾಯ ಶಿರೂರು ಶ್ರೀ ವೇದವರ್ಧನ ತೀರ್ಥ ಶ್ರೀಪಾದೆರು ತೆರಿಪಾಯೆರ್.ವಿಶೇಷವಾದ್  ಅಲಂಕಾರ ಪ್ರಿಯ ಕೃಷ್ಣಗ್ ಪರ್ಯಾಯ ಶ್ರೀಪಾದೆರು “ದಶಾವತಾರ ಬೊಕ್ಕ ಕೃಷ್ಣ ಲೀಲೆ” ಪನ್ಪಿನ  ಕಲ್ಪನೆದ  ಅಡಿಟ್  ಕೃಷ್ಣಗ್  ದಿನೊಲಾ ಬೇತೆ ಬೇತೆ ಅಲಂಕಾರ ಮಲ್ತೊಂದುಲ್ಲೆರ್.
ಸೆಪ್ಟೆಂಬರ್4 ಗ್  ರಾತ್ರೆಡ್ 12.12ಗ್ ಕೃಷ್ಣಗ್ ಅರ್ಘ್ಯ ಪ್ರಧಾನ. ಸೆಪ್ಟೆಂಬರ್ 5 ಗ್  ಕಾಂಡೆಮಹಾಪೂಜೆ.ಅನ್ನಸಂತರ್ಪಣೆ.ರಾಜಾಂಗಣಡ್  ಪಿಲಿವೇಷ ಕುಣಿತ – ಬಾಕಿದ ಸ್ಪರ್ಧೆಲು.ಮಧ್ಯಾಹ್ನ 3.30ಗ್ ಬಂಗಾರದ ರಥೊಟ್  ಕೃಷ್ಣನ ಮೃಣ್ಮಯ ವಿಗ್ರಹದ ಮೆರವಣಿಗೆ‌.ಮಲ್ಲಯುದ್ಧ ವಿಶೇಷ ವೇದಿಕೆಡ್  ಆಹ್ವಾನಿತ ಮಲ್ಲಯುದ್ಧ ಪ್ರವೀಣರೆಡ್ದ್  ಪ್ರದರ್ಶನ.ವಿಟ್ಲಪಿಂಡಿ-ಶ್ರೀಕೃಷ್ಣಲೀಲೋತ್ಸವ.ಸೆ.6 ಮಾಸಪೂರ್ತಿ ನಡತಿನ  ಜಗದೊಡೆಯನ ಜನ್ಮಾಷ್ಟಮಿ ಸಂಭ್ರಮದ ಸಮಾರೋಪ.ಬಹುಮಾನ ವಿತರಣೆ.
ಸೆಪ್ಟೆಂಬರ್ 6 ಗ್ ಅಷ್ಟಮಂಗಲ ಪ್ರಶ್ನೆದ ಅನುಸಾರದಂಚ ಕೋಟಿ ತುಳಸಿ ಅರ್ಚನೆ ಆಯೋಜನೆ ಮಲ್ದುಂಡ್.. ಜನ್ಮಾಷ್ಟಮಿ ಪರ್ವ ಕಾಲಡ್  ಅಂತರರಾಷ್ಟೀಯ ಮಟ್ಟದ ಕಲಾವಿದರೆಡ್ದ್  ಸಾಂಸ್ಕೃತಿಕ ಕಾರ್ಯಾಕ್ರಮಲೆನ್  ಆಯೋಜನೆ ಮಲ್ದುಂಡ್.. ಅಷ್ಟಮಿ ವಿಟ್ಲಪಿಂಡಿ ಉತ್ಸವದ ಅಂಗವಾದ್ ರಡ್ಡ್  ದಿನ ಕಾಲ ವಿಶೇಷ ವೇದಿಕೆಡ್ ಪಿಲಿವೇಷ ಸ್ಪರ್ಧೆ ನಡಪರೆಗುಂಡ್.. ವಿಟ್ಲಪಿಂಡಿ ಉತ್ಸವದ ಸಂದರ್ಭಡ್ ರಥಬೀದಿದ  ವಿಶೇಷ ವೇದಿಕೆಡ್  ಮಲ್ಲಯುದ್ಧ  ವಿಶಿಷ್ಟ ಕಾರ್ಯಕ್ರಮ ಉತ್ಸವಮಾಸಮೆರವಣಿಗೆದ ವಿಶೇಷ ಆಕರ್ಷಣೆ . ಜೋಕ್ಲೆಗಾದ್  ವಿಶೇಷ ಸಾಂಸ್ಕೃತಿಕ ಕಾರ್ಯಕ್ರಮೊಲು  ನಡತೊಂದುಂಡ್.
ಈ ಪರ್ವಕಾಲಡ್  ಭಕ್ತೆರೆನ ಅನುಕೂಲಕ್ಕಾದ್  ಪೊಸ ಶೌಚಾಲಯ ಬೊಕ್ಕ ಚಪ್ಪಲಿ ಸ್ಟಾಂಡ್ ನಿರ್ಮಾಣ ಮಲ್ದುಂಡ್ ಪಂಡುದ್ ಪತ್ರಿಕಾಗೋಷ್ಠಿಡ್ ಪಂಡೆರ್. ಶ್ರೀ ಮಠದ ದಿವಾನೆರಾಯಿನ ಶ್ರೀ ಉದಯ್ ಕುಮಾರ್ ಸರಳತ್ತಾಯೆರ್ ಈ ಪೊರ್ತುಡ್ ಉಪಸ್ಥಿತರಿತ್ತೆರ್.