ಮಲ್ಪೆ ಡ್ ಕಡಲಪ್ಪೆಗ್ ಕಡಲ ಪೂಜೆ

ಕಡಲಪ್ಪೆಗ್ ಭಕ್ತಿದ ನಮನ: ಮೀನುಗಾರೆರೆಡ್ದ್  ಗೌಜಿದ ಸಮುದ್ರ ಪೂಜೆ
ಮಲ್ಪೆ: ಮೀನುಗಾರೆರೆನ ಬದುಕುದ ಅವಿಭಾಜ್ಯ ಅಂಗವಾದುಪ್ಪುನ ಸಮುದ್ರಗ್  ಕೃತಜ್ಞತೆ ಸಲ್ಲಿಸಾವುನ ಅಂಗವಾದ್ ಮಲ್ಪೆ ದ ಕಡಲಬದಿಟ್  ಇನಿ ಸಾಂಪ್ರದಾಯಿಕ ಸಮುದ್ರ ಪೂಜೆ ನಡತುಂಡ್.
ಮೀನುಗಾರೆರ್   ಕಡಲ ತೀರಡ್  ವಿಶೇಷ ಪೂಜೆ ಸಲ್ಲಿಸಾದ್ ಕಡಲಪ್ಪೇಗ್  ಭಕ್ತಿ ಡ್  ಪ್ರಾರ್ಥನೆ ಸಲ್ಲಿಸಾಯೆರು. ಮೀನುಗಾರೆರೆಗ್  ಎಡ್ಡೆ ಮೀನುಗಾರಿಕೆ ತಿಕ್ಕೊಡ್ ಕಡಲಾಯಾನ ಸುರಕ್ಷಿತವಾದುಪ್ಪೊಡ್  ಬೊಕ್ಕ ಮೀನುಗಾರ ಕುಟುಂಬಲೆಡ್  ಸುಖ, ಶಾಂತಿ ಬೊಕ್ಕ ಸಮೃದ್ಧಿ ನೆಲೆ ಆವೊಡ್ ಪಂಡುದು  ಭಕ್ತಿ ಡ್ ಪ್ರಾರ್ಥನೆ ಮಲ್ತೆರ್..
ಪೂಜೆದ  ಅಂಗವಾದ್  ಮಲ್ಪೆ ವಡಭಾಂಡೇಶ್ವರ ಬಲರಾಮ ದೇವಸ್ಥಾನ ಡ್ ಸುರುಕ್ ಪೂಜೆ ಮಲ್ತುದ್ ,ಕೈತಲುಡುಪ್ಪುನ ಪಂಜುರ್ಲಿ ದೈವ ,ಪರಿವಾರ ದೈವೊಲೆಗ್ ಬೊಕ್ಕ ಬೊಬ್ಬರ್ಯ ದೈವಗ್ ವಿಶೇಷ ಪೂಜೆ ನಡತುದ್ , ದೇವಸ್ಥಾನಡ್ದ್  ಪೇರ್ ,ಬೊಂಡ,ಫಲವಸ್ತು ಲೆನ್ ಚೆಂಡೆ ವಾದ್ಯದ ಮೂಲಕ ಮೆರವಣಿಗೆಡ್ ಪೋದ್ ಕಡಲಬದಿಟ್  ಧಾರ್ಮಿಕ ವಿಧಿ-ವಿಧಾನೊಲು ನಡತಿಬೊಕ್ಕ ಕಡಲುಗ್  ಮೀನುಗಾರ ಸಮುದಾಯದ ಮುಖಂಡೆರ್,, ವಿವಿಧ ಸಂಘ-ಸಂಸ್ಥೆದ  ಪದಾಧಿಕಾರಿಲು ಬೊಕ್ಕ ನೂದಾಜಿ ಮೀನುಗಾರೆರ್  ಬೊಕ್ಕ ಸಾರ್ವಜನಿಕೆರು ಒಟ್ಟಾದ್  ಕಡಲಪ್ಪೆಗ್ ಪೇರ್  ಬೊಕ್ಕ ಬೊಂಡದ ಅಭಿಷೇಕ ಮೈತೆರು.
ಸಮುದ್ರನೇ  ನಮ್ಮ ಬದುಕುದ ಆಧಾರ. ಅಯಿಕ್  ಕೃತಜ್ಞತೆ ಸಲ್ಲಿಸಾವುನವ್  ನಮ್ಮ ಪರಂಪರೆ ಬೊಕ್ಕ ಸಂಸ್ಕೃತಿದ ಭಾಗವಾದುಂಡ್  ಪಂಡುದು ಮಲ್ಪೆ ಮೀನುಗಾರ ಸಂಘದ ಅಧ್ಯಕ್ಷೆರಾಯಿನ ಶ್ರೀ ನಾರಾಯಣ ಜೆ.ಕರ್ಕೇರ ಅಭಿಪ್ರಾಯಪಟ್ಟೊಂಡೆರು.
ಸಮುದ್ರ ಪೂಜೆದ  ಹಿನ್ನೆಲೆಡ್  ಇನಿ ಕಡಲಕಸುಬುಗ್ ವಿರಾಮಲಾ  ಇತ್ತುದ್ ಕಡಲಬದಿಟ್ ಭಕ್ತಿಭಾವ ಬೊಕ್ಕ ಸಂಭ್ರಮದ ವಾತಾವರಣ ತೋಜಿದ್ ಬತ್ತುಂಡ್.

ಈ ಪೊರ್ತುಡ್ ಮಲ್ಪೆ ಮೀನುಗಾರ ಸಂಘದ ಅಧ್ಯಕ್ಷೆರಾಯಿನ ಶ್ರೀ ನಾರಾಯಣ ಜೆ.ಕರ್ಕೇರ, ಕಾರ್ಯದರ್ಶಿ ಜಗನ್ನಾಥ ಕಡೆಕಾರ್, ಕೋಶಾಧಿಕಾರಿ,ಉಡುಪಿ ವಿಧಾನಸಭಾ ಶಾಸಕೆರಾಯಿನ ಯಶ್ ಪಾಲ್ ಸುವರ್ಣ,ಮಾಜಿ ಸಚಿವೆರಾಯಿನ ಶ್ರೀ ಪ್ರಮೋದ್ ಮಧ್ವರಾಜ್, ದ.ಕ.ಮೊಗವೀರ ಮಹಾಜನ ಸಂಘದ ಅಧ್ಯಕ್ಷೆರಾಯಿನ ಜಯ ಸಿ.ಕೋಟ್ಯಾನ್, ಮಲ್ಪೆ ಮೀನುಗಾರ ಸಂಘದ ನಿಕಟಪೂರ್ವ ಅಧ್ಯಕ್ಷೆರಾಯಿನ ದಯಾನಂದ ಸುವರ್ಣ,ಬೊಕ್ಕ ಮಾಜಿ ಅಧ್ಯಕ್ಷೆರೆನಕುಲಾಯಿನ ಹಿರಿಯಣ್ಣ ಕಿದಿಯೂರು,ಶಿವಪ್ಪ ಕಾಂಚನ್,ಕ್ರಷ್ಣ ಸುವರ್ಣ,ಕೇಶವ್ ಕೋಟ್ಯಾನ್, ಬೊಕ್ಕ ಬೇತೆ ಬೇತೆ ಮೀನುಗಾರ ಸಂಘದ ಅಧ್ಯಕ್ಷೆರ್ ಬೊಕ್ಕ ಸರ್ವ ಸದಸ್ಯೆರ್ ಉಪಸ್ಥಿತರಿತ್ತೆರು.