ಯೋಗ ಮಲ್ಪೊಡ್

*ಯೋಗ ಮಲ್ಪೊಡು….*

ಯೋಗ ಮಲ್ಪೆರೆ ಯೋಗ ಬೋಡು
ಸೀಕ್‌ ಸಂಕಟ ಕರಿಪೊಡು
ಬೇನೆ ಬೆಸರ್‌ದ ಮಾರಿ ಗಿಡರುನ
ಮಲ್ಲ ಲೋಕದ ಮರ್ದ್ ಉಂದು  ||ಪ||

ವೇದ ಕಾಲೊಡು ಬೋಧ ಪುಟ್ಟಿನ
ಅಪ್ಪೆ ಭಾರತಿ ಜೋಕುಲು
ಒರ್ತು ಕನದೆರ್ ಲೋಕಡೊರ್ಮೆಲ
ತ್ಯಾಗ ಪುಡೆಮಿದ ಉಸುಲುನು       ||೧||

ಸೂರ್ಯದೇವೆರೆ ಸಾಕ್ಷಿ ದೀದ್
ಮಲ್ತಿ ಪಟ್ಟ್‌ಲ್ ತೆರಿದರಾ
ಒಂಜೆ ಮನಸ್‌ಡ್ ಬಗ್ಗಾಯಿ ಅಂಗೊಲು
ಬೆಳಗಿ ಪುಣ್ಣಮೆ ತಿಂಗೊಲು ||೨||

ಏಲ್ ಚಕ್ರೊದ ಮೈಮೆ ತೆರಿವು
ಕೈ‌ನ್ ಕಾರ್‌ನ್ ಬಗ್ಗಾನಗ
ಬದ್ಕ್ ನಿಲ್ಕೆ ಕೈಪೆ ಕರಿವು
ಯೋಗ ಮಲ್ತ್ಂಡ ಬೊಲ್ಪಾನಗ  ||೩||

✍🏻 ಅಶ್ವತ್ಥ್ ಬರಿಮಾರು
ತುಲುವೆರೆ ಕಲ ಟ್ರಸ್ಟ್ (ರಿ)