ಬಡಗಬೆಟ್ಟು ಸೊಸೈಟಿ ಸ್ವಾತಂತ್ರ್ಯ

ಬಡಗಬೆಟ್ಟು ಕ್ರೆಡಿಟ್ ಕೋ-ಆಪರೇಟಿವ್ ಸೊಸೈಟಿ ಲಿ., ಉಡುಪಿ 80ನೇ ಸ್ವಾತಂತ್ರ್ಯ ದಿನಾಚರಣೆನ್ ಸಂಭ್ರಮಡ್ ಆಚರಣೆ ಮಲ್ತೆರ್.

ಮಾಜಿ ಸೈನಿಕೆರಾಯಿನ  ಕರ್ನಲ್ (ಡಾ.) ಫ್ರಾನ್ಸಿಸ್ ಇ. ಎ. ರೊಡ್ರಿಗಸ್ ಮೇರು ಧ್ವಜಾರೋಹಣ ಮಲ್ತುದ್ ರಾಷ್ಟ್ರದ ಅಭಿವೃದ್ಧಿಗ್ ಪ್ರತಿಯೊರಿಲಾ ತನ್ನ  ಕರ್ತವ್ಯನ್  ಜವಾಬ್ದಾರಿಡ್ ನಿರ್ವಹಣೆ ಮಲ್ಪೊಡ್ ಪಂಡುದು ಲೆಪ್ಪು ಕೊರಿಯೆರು. ಸೊಸೈಟಿದ ಅಧ್ಯಕ್ಷೆ ರಾಯಿನ ಜಯಕರ ಶೆಟ್ಟಿ ಇಂದ್ರಾಳಿ ಮೇರು ಸ್ವಾತಂತ್ರ್ಯ ಹೋರಾಟಗಾರೆರೆನ ತ್ಯಾಗೊನ್  ನೆಂಪು ಮಲ್ತುದ್  ದೇಶಸೇವೆದ  ಮಹತ್ವನ್  ತೆರಿಪಾಯೆರು.

ಕಾರ್ಯಕ್ರಮಡ್  ಸೊಸೈಟಿದ  ಉಪಾಧ್ಯಕ್ಷೆ ರಾಯಿನ ಜಾರ್ಜ್ ಸ್ಯಾಮ್ಯುಯೆಲ್, ಶತಮಾನೋತ್ಸವ ಸಮಿತಿ ಸಂಚಾಲಕೆರಾಯಿನ ಪುರುಷೋತ್ತಮ ಪಿ. ಶೆಟ್ಟಿ, ಸೊಸೈಟಿದ ಆಡಳಿತ ಮಂಡಳಿ ಸದಸ್ಯೆರು, ಸಿಬ್ಬಂದಿ ವರ್ಗ, ಶಾಖಾ ಸಲಹಾ ಸಮಿತಿ ಸದಸ್ಯೆರು, ದೈನಿಕ ಠೇವಣಿ ಸಂಗ್ರಾಹಕೆರು ಉಪಸ್ಥಿತರಿತ್ತೆರು. ಸೊಸೈಟಿದ ಪ್ರಧಾನ ವ್ಯವಸ್ಥಾಪಕೆರಾಯಿನ  ರಾಜೇಶ್ ವಿ. ಶೇರಿಗಾರ್ ಸ್ವಾಗತ ಮಲ್ತುದ್ ಸಹಾಯಕ ಪ್ರಧಾನ ವ್ಯವಸ್ಥಾಪಕೆರಾಯಿನ  ಪ್ರವೀಣ್ ಕುಮಾರ್ ಸೊಲ್ಮೆ ಸಂದಾಯ್ತ ಮಲ್ತೆರು. ಮಲ್ಪೆ ಶಾಖಾ ವ್ಯವಸ್ಥಾಪಕೆರಾಯಿನ ನವೀನ್ ಕೆ. ಕಾರ್ಯಕ್ರಮ ನಿರೂಪಣೆ ಮಲ್ತೆರು.