ಮಾಹೆಡ್ ತುಳು ಕ್ಲಾಸ್ ಉದಿಪನೆ

ತುಳುನಾಡುದ  ವೈವಿಧ್ಯ ಅನನ್ಯ’ :  ಪ್ರತೀಕ್‌ ಬಾಯಲ್‌
ಮಾಹೆಡ್  ತುಳು ಭಾಷಾ ತರಗತಿ ಉದಿಪನೆ

ಮಣಿಪಾಲ, ಸೆಪ್ಟೆಂಬರ್‌ 1, 2026 : ಮಣಿಪಾಲ ಅಕಾಡೆಮಿ ಆಫ್‌ ಹೈಯರ್‌ ಎಜುಕೇಶನ್‌ [ಮಾಹೆ] ಮಣಿಪಾಲದ ಘಟಕ ಮಣಿಪಾಲ್‌ ಇನ್‌ಸ್ಟಿಟ್ಯೂಟ್‌ ಆಫ್‌ ಸೋಶಿಯಲ್‌ ಸಾಯನ್ಸಸ್‌, ಹ್ಯುಮಾನಿಟೀಸ್‌ ಆ್ಯಂಡ್‌ ಆರ್ಟ್ಸ್‌ [ಮಿಶ]  ಸಂಸ್ಥೆ ಕರ್ನಾಟಕ ಸರ್ಕಾರದ ಘಟಕ ಆದುಪ್ಪುನ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ  ಸಹಯೋಗದೊಟ್ಟುಗ್ ತುಳು ಸಂಭಾಷಣ ಕಲಿಕೆದ  ಕ್ಲಾಸ್ ನ್  ಆರಂಭ ಮಲ್ದಿತ್ತುದ್  ಉಂದೆನ್  ಉಡುಪಿ ಜಿಲ್ಲಾ ಪಂಚಾಯತ್‌ ದ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾದುಪ್ಪುನ ಶ್ರೀ ಪ್ರತೀಕ್‌ ಬಾಯಲ್‌, ಐಎಎಸ್‌ ಮೇರು  ಉದಿಪನ ಮಲ್ತೆರು.

ಈ ಪೊರ್ತುಡ್ ಪಾತೆರಿನ ಆರು, ‘ದೆಹಲಿ ಮೂಲದಾಯೆ ಆಯಿನ  ತುಳು ಪ್ರಾದೇಶಿಕ ಪರಿಸರಡ್ ಭಾಷಾ ಕಲಿಕೆಗ್ ಸಂಬಂಧ ಪಟ್ಟಿನ ಅನುಭವಲೆನ್  ಪಟ್ಟೊಂಡೆರು. ‘ತುಳು ಪ್ರಾದೇಶಿಕ ಪರಿಸರ ಒಂಜಿ  ಸಂಕೀರ್ಣವಾಯಿನ  ಸಾಂಸ್ಕೃತಿಕ ಪ್ರದೇಶವಾದುಂಡ್.. ಮುಲ್ಪ  ಕೆಲವು ಭಾಷೆ ಉಂಡು.. ಆಂಡ , ಮಾತೆರೆನ್ಲಾ   ತುಳು ಭಾಷೆ ಒಂಜೇ ಸೂತ್ರಡ್ ಜೋಡಿಸಾವುಂಡ್.. ಹಿಂದಿ ಭಾಷೆದಾಯೆ ಆಂಡಲಾ ಕನ್ನಡ ಎಂಕ್ ಎಡ್ಡೆ  ಬರ್ಪುಂಡ್..  ಈ ಪ್ರದೇಶದ ತುಳು ಭಾಷೆನ್  ಕಲ್ಪರೆಗ್  ಎಂಕ್ ಪೆರ್ಮೆ  ಆಪುಂಡ್ ಪಂಡೆರ್..

ಸಮಾರಂಭದ ಅಧ್ಯಕ್ಷತೆಡ್  ಮಿಶದ ನಿರ್ದೇಶಕೆರಾಯಿನ  ಪ್ರೊ ಗಾಯತ್ರಿ ಪ್ರಭು ಆರು ಇತ್ತುದ್ , ತುಳುಭಾಷಾ ತರಗತಿದ ಬೋಧಕೆರು ಬೊಕ್ಕ ಡಾ. ಶಿವರಾಮ ಕಾರಂತ ಟ್ರಸ್ಟ್‌ ದ ಅಧ್ಯಕ್ಷೆರಾಯಿನ  ಡಾ. ಗಣನಾಥ ಎಕ್ಕಾರ್‌, ತುಳು ಅಕಾಡೆಮಿದ  ರಿಜಿಸ್ಟ್ರಾರ್‌ ಶ್ರೀಮತಿ ಪೂರ್ಣಿಮಾ ಬೊಕ್ಕ ತುಳು ಅಕಾಡೆಮಿದ  ಸದಸ್ಯೆರಾಯಿನ  ಸಂತೋಷ್‌ ಶೆಟ್ಟಿ ಹಿರಿಯಡಕ ಮಲ್ಲ ಬಿನ್ನೆರಾದ್ ಪಾಲ್ ಪಡೆದಿತ್ತೆರು.

ಮಾಹೆದ  ಸೆಂಟರ್‌ ಫಾರ್‌ ಕನ್ನಡ ಆಂಡ್‌ ರೀಜನಲ್‌ ಲ್ಯಾಂಗ್ವೇಜಸ್‌ನ ಸಂಯೋಜಕೆರಾಯಿನ  ಡಾ. ಪೃಥ್ವೀರಾಜ ಮೇರು ಸ್ವಾಗತ ಮಲ್ತುದ್ ,ಕಾರ್ಯಕ್ರಮನ್ ವಿದ್ಯಾರ್ಥಿನಿ ವಿದ್ಮಹಿ ತಂತ್ರಿ ನಿರ್ವಹಣೆ ಮಲ್ತೆರು. 

ತುಳುಭಾಷಾ ತರಗತಿಡ್  ಮಾಹೆದ  ವೈದ್ಯಕೀಯ, ಇಂಜಿನಿಯರಿಂಗ್‌ ಬೊಕ್ಕ ಮಾನವಿಕ ವಿಭಾಗಗಳ ಉಪನ್ಯಾಸಕೆರು, ವಿದ್ಯಾರ್ಥಿಲು,, ಸಿಬಂದಿಲು ಸೇರಿನಂಚ ಸುಮಾರು 45 ಮಂದಿ ಪಾಲ್ ಪಡೆಯರೆಗುಲ್ಲೆರ್..