ಅಷ್ಟೆಮಿಗ್ ಅಪ್ಪೆ ಮಗಲೆನ ಕೃಷ್ಣಾಸುರ ವೇಷ.

ಉಡುಪಿ: ಶ್ರೀಕೃಷ್ಣಾಷ್ಟಮಿದ ಪ್ರಯುಕ್ತ ಉಡುಪಿ ಮಲ್ಪೆ
ಲಕ್ಷ್ಮೀನಗರದ ಶ್ರೀ ಸಿದ್ಧಿ ಇವೆಂಟ್ಸ್ ವತಿಡ್ದ್  ಈ ಸರ್ತಿ ವಿಶೇಷ ಕಾರ್ಯಕ್ರಮ ಆಯೋಜನೆ ಮಲ್ದೆರ್.. ದಿವ್ಯ ಸತೀಶ್ ಬೊಕ್ಕ ಅರೆನ  8  ವರ್ಷದ ಮಗಲ್ ಸಿದ್ದಿ ಎಸ್. ಕಾಮತ್ ಮೊಕುಲು ಕೃಷ್ಣಾಸುರ ವೇಷ ಪಾಡ್ದ್  ಜನಕ್ಲೆನ ಉಡಲ್ ಗೆಂದರೆಗುಲ್ಲೆರ್., ಈ ಸಂದರ್ಭಡ್ ಸಾರ್ವಜನಿಕೆರೆಡ್ದ್  ಒಟ್ಟು  ಆಯಿನ ಪಣವುನ್  ಜೋಕ್ಲೆನ  ವಿದ್ಯಾಭ್ಯಾಸಗ್  ವಿನಿಯೋಗ ಮಲ್ಪರೆಗ್ ಸಂಕಲ್ಪ ಮಲ್ದೆರ್..

ಉಡುಪಿಡ್  ನಡತಿನ  ಸುದ್ದಿಗೋಷ್ಠಿಡ್  ಪಾತೆರಿನ  ದಿವ್ಯ ಸತೀಶ್, ಮಗಲ್  ಸಿದ್ದಿ ಎಸ್. ಕಾಮತ್ ಪ್ರತಿವರ್ಷ ಶ್ರೀಕೃಷ್ಣಾಷ್ಟಮಿ ಸಂದರ್ಭಡ್  ಶ್ರೀಕೃಷ್ಣ ವೇಷ ಪಾಡುವೊಲು.. ಈ ಸರ್ತಿ ಮಗಳೆನೊಟ್ಟುಗ್  ತಾನುಲಾ  ಕೃಷ್ಣಾಸುರ ವೇಷ ಪಾಡುದ್   ಸಾರ್ವಜನಿಕರೆಡ್ದ್  ತಿಕ್ಕುನ  ಪಣವುದ ಸಹಕಾರೊನ್  ಬಡ ಜೋಕ್ಲೆನ  ವಿದ್ಯಾಭ್ಯಾಸಗ್  ಸಹಕಾರ ಕೊರ್ಪಿನ  ನಿರ್ಧಾರ  ಮಲ್ದ ಪಂಡುದ್ ತೆರಿಪಾಯೆರು.

ಸೆಪ್ಟೆಂಬರ್ 4 ಬೊಕ್ಕ 5ಗ್  ಉಡುಪಿದ  ಮಲ್ಪೆ ತೊಟ್ಟಂ, ಪಿತ್ರೋಡಿ ಭಾಗಡ್  ಅಪ್ಪೆ ಮೊಗಲ್  ಕೃಷ್ಣಾಸುರ ವೇಷಡ್ ತೋಜರೆಗುಲ್ಲೆರ್.. ಈ ಸಂದರ್ಭಡ್  ಸಾರ್ವಜನಿಕೆರು ಕೊರ್ಪಿನ ನೆರವುನ್  ಅಗತ್ಯವಿಪ್ಪುನ ಬಡ ಮಕ್ಕಳ ಶಿಕ್ಷಣಗ್ ಸಹಕಾರ ಮಲ್ಪುವಾ ಪಂಡುದ್ ದಿವ್ಯ ಸತೀಶ್ ಪಂಡೆರು.

ಶಿಕ್ಷಣಡ್  ವಂಚಿತರಾಪಿನ  ಜೋಕ್ ಲೆಗ್  ಸಾಧ್ಯ ಆಪಿನಾತ್  ನೆರವು ಕೊರ್ಪಿನ  ಉದ್ದೇಶಡ್  ಈ ಕಾರ್ಯ ಮಲ್ತೊಂದುಲ್ಲ. ಸಾರ್ವಜನಿಕೆರು ಈ ಸತ್ಕಾರ್ಯಗ್  ಕೈಜೋಡಿಸಾದ್  ಸಹಕಾರ ಕೊರೊಡು ಪಂಡುದು ಆರು ಬಿನ್ನಪ  ಮಲ್ತುದೆರ್.

ಸುದ್ದಿಗೋಷ್ಠಿಡ್  ಮಲ್ಪೆ ಸಿದ್ಧಿ ಐ ಕೇರ್ ಮಾಲೀಕ ಸತೀಶ್ ಕಾಮತ್, ಸಿದ್ದಿ ಎಸ್. ಕಾಮತ್, ರಕ್ಷಿತ್ (ಮುನ್ನ), ನಿತೇಶ್ ಬೊಕ್ಕ ಡಾ. ದೀಪ ಉಪಸ್ಥಿತರಿತ್ತೆರು.