ಅಭಿನಂದನಾ ಕಾರ್ಯಕ್ರಮ.

ಉಡುಪಿದ ಸಾಧಕ ಪತ್ರಕರ್ತರೆಗ್ ಅಭಿನಂದನಾ ಕಾರ್ಯಕ್ರಮ

ಉಡುಪಿ, ನ.29: ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿಡ್ದ್  ಸಾಧಕ ಪತ್ರಕರ್ತರೆಗ್ ಅಭಿನಂದನಾ ಕಾರ್ಯಕ್ರಮನ್ ಶುಕ್ರವಾರ ಉಡುಪಿ ಪತ್ರಿಕಾ ಭವನಡ್  ಆಯೋಜನೆ ಮಲ್ದಿತ್ತೆರ್.

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ  ಈ ಸರ್ತಿದ ಉಡುಪಿ ಜಿಲ್ಲಾ ರಾಜ್ಯೋತ್ಸವ ಸನ್ಮಾನ ಪಡೆಯಿನ ಹಿನ್ನೆಲೆಡ್  ಕೇಕ್ ಕಟ್ ಮಲ್ತುದ್  ಸಂಭ್ರಮಾಚರಣೆ ಮಲ್ತೆರ್. ಮಾಧ್ಯಮ ಕ್ಷೇತ್ರಡ್  ಜಿಲ್ಲಾ ರಾಜ್ಯೋತ್ಸವ ಸನ್ಮಾನ ಪುರಸ್ಕೃತ ಹಿರಿಯ ಪತ್ರಕರ್ತ ಪ್ರಭಾಕರ ಆಚಾರ್ಯ ಚಿತ್ತೂರು ಬೊಕ್ಕ ಕರ್ನಾಟಕ ಮಾಧ್ಯಮ ಅಕಾಡೆಮಿ ಸದಸ್ಯೆರಾದ್  ಆಯ್ಕೆಯಾಯಿನ ಹಿರಿಯ ಪತ್ರಕರ್ತ ಯು.ಎಸ್.ಶೆಣೈ ಮೊಕ್ಲೆಗ್  ಸನ್ಮಾನ ಮಲ್ತೆರ್.

ರಾಜ್ಯಮಟ್ಟದ ಪತ್ರಕರ್ತರ ಕ್ರೀಡಾಕೂಟಡ್  ಕೆಲವು ಪದಕಲೆನ್ ಗೆಂದುನ  ಮೂಲಕ ಉಡುಪಿ ತಂಡಗ್ ಸಮಗ್ರ ಪ್ರಶಸ್ತಿ ಪಡೆದ್ ಯಶಸ್ವಿಯಾಯಿನ ಪತ್ರಕರ್ತೆರಾಯಿನ ಅನಿಲ್ ಕೈರಂಗಳ, ಮುಹಮ್ಮದ್ ಶರೀಫ್, ಸುರೇಶ್ ಎರ್ಮಾಳು, ಉದಯ ಕುಮಾರ್ ಮುಂಡ್ಕೂರು, ಚೇತನ್ ಪೂಜಾರಿ ಮಟಪಾಡಿ ಮೊಕ್ಲೆನ್ ಅಭಿನಂದನೆ ಮಲ್ತೆರ್.ಈ ಸಂದರ್ಭಡ್ ತಂಡದ ನೇತೃತ್ವ ಡಿತ್ತಿನ ಸಂಘದ ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಅರೆನ್ ಮಾನಾದಿಗೆ ಮಲ್ತೆರ್.

ಮುಖ್ಯ ಅತಿಥಿಲಾದ್ ಉಡುಪಿ ಪಿತ್ರೋಡಿ ಯಶಸ್ವಿ ಫಿಶ್‌ಮಿಲ್ನ ನಿರ್ದೇಶಕ ಉದಯ ಕುಮಾರ್, ಉಡುಪಿ ವಿಶ್ವ ಸಂಸ್ಕೃತಿ ಪ್ರತಿಷ್ಠಾನದ ಸ್ಥಾಪಕ ವಿಶ್ವನಾಥ ಶೆಣೈ, ಉಡುಪಿ ಜಿಲ್ಲಾ ವಾರ್ತಾಧಿಕಾರಿ ಮಂಜುನಾಥ್ ಶುಭ ಹಾರೈಸಿಯೆರು. ಅಧ್ಯಕ್ಷತೆಡ್ ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತ ಸಂಘದ ಅಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು ಇತ್ತೆರು.

ಸಂಘದ ಸದಸ್ಯ ಜನಾರ್ದನ ಕೊಡವೂರು ಕೊಡುಗೆಯಾದ್ ಕೊರಿನ ರಾಜ್ಯೋತ್ಸವ ಪುರಸ್ಕೃತ ಸಂಘದ ಭಾವಚಿತ್ರನ್ ಅಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು ಗ್ ಹಸ್ತಾಂತರ ಮಲ್ತೆರ್. ರಜತ ಮಹೋತ್ಸವ ಸಮಿತಿದ ಸಂಚಾಲಕ ಮುಹಮ್ಮದ್ ಶರೀಫ್, ಸಂಘದ ರಾಜ್ಯ ಸಮಿತಿ ಸದಸ್ಯ ಕಿರಣ್ ಮಂಜನಬೈಲು ಉಪಸ್ಥಿತರಿತ್ತೆರು.

ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಪ್ರಾಸ್ತಾವಿಕವಾದ್ ಪಾತೆರ್ದ್ ಸ್ವಾಗತ ಮಲ್ತೆರು. ರಜತ ಮಹೋತ್ಸವ ಸಮಿತಿದ  ಜತೆ ಕಾರ್ಯದರ್ಶಿ ದೀಪಕ್ ಜೈನ್ ಕಾರ್ಯಕ್ರಮ ನಿರೂಪಣೆ ಮಲ್ತೆರು.