ಯೋಗದೊಟ್ಟುಗ್ ಗೋಸೇವೆ

*ಯೋಗದೊಟ್ಟುಗ್ ಗೋ ಸೇವೆ ಗೋಶಾಲೆಗ್ ಸಕಾಯ.                               

ವಿಶ್ವ ಯೋಗ ದಿನಾಚರಣೆದ  ಅಂಗವಾದ್  ಸಂದ್ಯೋದಯ ಪಿತ್ರೋಡಿ ಬಳಗ ಯೋಗದೊಟ್ಟುಗ್ ಗೋ ಸೇವೆ ಪನ್ಪಿನ ವಿಶಿಷ್ಟ ಕಾರ್ಯಕ್ರಮ ಆಯೋಜನೆ ಮಲ್ದಿತ್ತೆರ್ . 11 ವಿಶ್ವದಾಖಲೆದ  ಯೋಗಬಾಲೆ ತನುಶ್ರೀ ಪಿತ್ರೋಡಿ ಪರಿಕಲ್ಪನೆಡ್  ನಂಚಾರುದ  ಕಾಮಧೇನು ಗೋಶಾಲಾ ಟ್ರಸ್ಟ್ ಗ್ ಸಹಾಯಧನ ಕೊರ್ಪಿನ  ಉದ್ದೇಶಡ್  ಈ ಕಾರ್ಯಕ್ರಮ ಆಯೋಜನೆ ಮಲ್ದಿತ್ತೆರ್. ಉದ್ಯಾವರ ಬಿಲ್ಲವ ಮಹಾಜನ ಸಂಘದ ಸಭಾಂಗಣಡ್ ನಡತಿನ  ಕಾರ್ಯಕ್ರಮಡ್ ಪೆತ್ತಕಂಜಿಲೆಗ್  ಪೂತ  ಮಾಲೆ ಪಾಡುದ್   ನಮನ ಮಲ್ತೆರು.. ಬೊಕ್ಕ ನಡತಿನ  ಸಭಾ ಕಾರ್ಯಕ್ರಮಡ್  ನಂಚಾರು       ಕಾಮಧೇನು ಗೋಶಾಲ ಮಹಾಸಂಘ ಟ್ರಸ್ಟ್ ದ ಮುಖ್ಯಸ್ಥೆರಾಯಿನ  ರಾಜೇಂದ್ರ ಚಕ್ಕೇರಾ ಮೆರೆಗ್ ತನುಶ್ರೀ ಪಿತ್ರೋಡಿ ಕಾರ್ಯಕ್ರಮಡ್   ಸಂಗ್ರಹವಾಯಿನ  ಸುಮಾರು 1.5 ಲಕ್ಷ ರೂಪಾಯಿ ಪಣವುನ್  ಗೋಶಾಲೆಗ್ ಕೊರಿಯೆರು. ಕಾರ್ಯಕ್ರಮಡ್  ಯೋಗಗುರುಕುಲಾಯಿನ  ಹರೀನಾರಾಯಣ ಭಂಡಿ, ಜಗದೀಶ್ ಕುಮಾರ್ ಅರೆನ್ ಮಾನಾದಿಗೆ ಮಲ್ತೆರ್, ಈ ಸಂದರ್ಭಡ್  ಯೋಗೀಶ್ ಕೋಟ್ಯಾನ್, ಉದ್ಯಾವರ, ಬಿಜೆಪಿ ಮುಖಂಡ ಜಿತೇಂದ್ರ ಶೆಟ್ಟಿ ಉದ್ಯಾವರ, ನಗರಸಭಾ ಸದಸ್ಯ ಬಾಲಕೃಷ್ಣ ಶೆಟ್ಟಿ ನಿಟ್ಟೂರು, ನಾಟ್ಯ ಗುರು ರಾಮಕೃಷ್ಣ ಕೊಡಂಚ
ನಾಗೇಶ್ ಕುಮಾರ್ ಉದ್ಯಾವರ,
ಸಿಸ್ಟೆರ್ ಮಯೋಲಾ,
ಗಂಗಾಧರ್ ಕರ್ಕೇರ,  ಪ್ರಕಾಶ್ ಕೋಟ್ಯಾನ್,ರಾಘವೇಂದ್ರ ದೇವಾಡಿಗ, ವಿಜಯ್ ಕೋಟ್ಯಾನ್ ಪಿತ್ರೋಡಿ ಬೊಕ್ಕ ಸಂದ್ಯೋದಯ ದಂಪತಿಲು, ರೀತುಶ್ರೀ ಉಪಸ್ಥಿತರಿತ್ತೆರು. ಸಭಾ ಕಾರ್ಯಕ್ರಮ ಡ್ ಬೊಕ್ಕ  ತನುಶ್ರೀ 50 ನಿಮಿಷಡ್  300 ಆಸನಲೆನ್  ಪ್ರದರ್ಶನ ಮಲ್ತೆರು.