ಸಹಕಾರ ಧ್ವಜ ಚಿತ್ರ ಬುಡ್ಪಾವುನ ಪಂತ.

ಶ್ರೀರಸ್ತು ಸೌಹಾರ್ದ ಸೊಸೈಟಿ ವತಿಡ್ದ್  ಜೋಕ್ಲೆಗಾದ್  ಸಹಕಾರ ಧ್ವಜ ಚಿತ್ರ ಬುಡ್ಪಾವುನ ಪಂತೊ

ಉಡುಪಿ: ಕೇಂದ್ರ ಸರ್ಕಾರದ ಸಹಕಾರ ಸಚಿವಾಲಯ ಐನ್ ಯಶಸ್ವಿ ವರ್ಷನ್ ಪೂರೈಸಾಯಿನ ಹಿನ್ನೆಲೆಡ್ ಉಡುಪಿದ ಶ್ರೀರಸ್ತು ಸೌಹಾರ್ದ ಕ್ರೆಡಿಟ್ ಕೋ-ಅಪರೇಟಿವ್ ಸೊಸೈಟಿ ವತಿಡ್ದ್  ಜೋಕ್ಲೆಗಾದ್ ಸಹಕಾರಿ ಧ್ವಜತ್ತ ಚಿತ್ರ ಬುಡ್ಪಾವುನ ಪಂತೊ ಆಯೋಜನೆ ಮಲ್ದಿತ್ತೆರ್..
ಸ್ಪರ್ಧೆಡ್  ಬೇತೆ ಬೇತೆ ವಯೋಮಾನದ ಜೋಕುಲು ಉತ್ಸಾಹಡ್  ಪಾಲ್ ಪಡೆದ್ ತಮ್ಮ ಕಲಾತ್ಮಕ ಪ್ರತಿಭೆನ್ ಪ್ರದರ್ಶನ ಮಲ್ತೆರು. ಸ್ಪರ್ಧೆಡ್  ನಾಲ್ ಜನ ಸುರುತ್ತ ಬೊಕ್ಕ ನಾಲ್ ಜನ  ರಡ್ಡನೇ ವಿಜೇತೆರೆನ್  ಆಯ್ಕೆ ಮಲ್ತುದ್ ಇನಾಮು  ಪಟ್ಟಿಯೆರ್.. ಅತ್ತಾವಂದೆ ಸ್ಪರ್ಧೆಡ್  ಸಕ್ರಿಯವಾದ್ ಪಾಲ್ ಪಡೆಯಿನ ಮಾತಾ  ಜೋಕ್ಲೆಗುಲಾ  ನೆಂಪುದ ಕಾಣಿಕೆ  ಕೊರ್ದು ಪ್ರೋತ್ಸಾಹ ಮಲ್ತೆರ್..

ಕಾರ್ಯಕ್ರಮದ ಅಧ್ಯಕ್ಷತೆಡ್ ಸೊಸೈಟಿದ ಅಧ್ಯಕ್ಷೆರಾಯಿನ ಆರ್.ವಿ. ಕುಂದರ್ ಇತ್ತೆರು. ಉದ್ಯಮಿ ಎಸ್.ಎನ್. ಶೆಟ್ಟಿ ಕಾರ್ಯಕ್ರಮ ಉದಿಪನ ಮಲ್ತುದ್ ಪಾತೆರ್ದ್ , ಸಹಕಾರ ಚಳವಳಿದ ಮಹತ್ವ, ಸಹಕಾರ ಸಚಿವಾಲಯದ ಸಾಧನೆಲು ಬೊಕ್ಕ ಸಹಕಾರಿ ಧ್ವಜದ ಇತಿಹಾಸ ಬೊಕ್ಕ ಅಯಿತ್ತ ಸಂದೇಶನ್ ಜೋಕ್ ಲೆಗ್  ತೆರಿಪಾಯೆರು.
ಸ್ಪರ್ಧೆಗ್ ಟ್ರಿನಿಟಿ ಸೆಂಟ್ರಲ್ ಸ್ಕೂಲ್, ಪೆರಂಪಳ್ಳಿಯ ಕಲೆ ಬೊಕ್ಕ ಕರಕುಶಲ ಶಿಕ್ಷಕ ಅಂಕಿತ್ ಆರ್. ಪೂಜಾರಿ, ತುಳು , ಕನ್ನಡ ಸಾಹಿತಿ ಧರ್ಮದತ್ತ ದೆಂದೂರು ದಯಾನಂದ ಕೆ. ಶೆಟ್ಟಿ, ಸಾಹಿತಿ, ಪತ್ರಕರ್ತ , ಸಿನಿ ನಿರ್ದೇಶಕ ಪ್ರಕಾಶ್ ಸುವರ್ಣ ಕಟಪಾಡಿ ತೀರ್ಪುಗಾರೆರಾದ್ ಕಾರ್ಯನಿರ್ವಹಣೆ ಮಲ್ತೆರು.
ಕಾರ್ಯಕ್ರಮಡ್  ಮಹಾಲಕ್ಷ್ಮೀ ಬ್ಯಾಂಕ್, ಹೆಜಮಾಡಿ ಶಾಖೆಯ ಮೆನೇಜರ್ ನಾಗರಾಜ್, ಸೊಸೈಟಿದ ಉಪಾಧ್ಯಕ್ಷ ಪ್ರಶಾಂತ್ ಎಸ್., ಪ್ರಧಾನ ವ್ಯವಸ್ಥಾಪಕಿ ಸರಿತ, ನಿರ್ದೇಶಕರಾಯಿನ ಅಶೋಕ್ ಶೇರಿಗಾರ್ (ಅಲೆವೂರು), ಮಾಧವ ಬೊಕ್ಕ ವಿಶ್ವನಾಥ್ ನಾಯಕ್ ಉಪಸ್ಥಿತರಿತ್ತೆರು.
ಮೆನೇಜರ್ ದಿವ್ಯ ಸ್ವಾಗತ ಮಲ್ತುದ್, ಚೈತ್ರ, ಪ್ರತೀಕ್ಷಾ, ಬೊಕ್ಕ ಅಶ್ಮಿತ ಕಾರ್ಯಕ್ರಮ ನಿರೂಪಣೆ ಮಲ್ತೆರು.ಹರೀಶ್ ಸೊಲ್ಮೆ ಸಂದಾಯ್ತ ಮಲ್ತೆರ್..