ಬಗ್ಗನ ಭಾಗ್ಯೊಗ್ ಸುರುತ ಇನಾಮು

ಬಿಲ್ಲವ ಅಸೋಸಿಯೇಷನ್ ಮುಂಬಯಿ ಸಾಂಸ್ಕೃತಿಕ ಉಪಸಮಿತಿದ ಆಶ್ರಯಡ್ ನಡತಿನ ಗುರು ನಾರಾಯಣ ತುಳುನಾಟಕೋತ್ಸವಡ್  ಮೀರಾ ರೋಡ್ ದ ಬಿಲ್ಲವ ಸೇವಾ ಸಂಘದಕುಲು ಗೊಬ್ಬುದಿನ ನಾಟಕ ಸಾಹಿತಿ ಶ್ರೀ ಗಂಗಾಧರ ಕಿದಿಯೂರು ಮೇರ್ ಬರೆತಿನ ತುಳುನಾಟಕ ಬಗ್ಗನ ಭಾಗ್ಯೊಗ್ ಸುರುತ ಇನಾಮು ಬೈದುಂಡ್.

ಗಂಗಾಧರ ಕಿದಿಯೂರು ಮೇರ್ 30 ನಾಟಕ ಬರೆದಿತ್ತುದ್,ಅಯಿಟ್ 14 ನಾಟಕ ಸಂಪುಟ ಆತುಂಡ್..ಮೆರೆನ ಪಿಂಗಾರದ ಬಾಲೆ ಸಿರಿ ನಾಟಕೊನ್ ತುಲು ಲಿಪಿಟ್ ಅಚ್ಚಿ ಆತುಂಡ್. ಮೆರೆನ ಪುಸ್ತಕ ಪ್ರಕಟ ಮಲ್ಪುನ ಸಂಸ್ಥೆ ಮಧುಶ್ರೀ ಪ್ರಕಾಶನದ 1987 ಡ್ ಉದಿಪನ ಆತುಂಡ್.ಅಯಿತ ಮುಖಾಂತರ ಬಗ್ಗನ ಭಾಗ್ಯ ನಾಟಕ 1997 ಡ್ ಅಚ್ಚಿ ಆತುಂಡ್. ಈ ನಾಟಕೊನ್ ಒಡಿಪುಡ್ ಕೆಮ್ತೂರು ತುಳು ನಾಟಕ ಪರ್ಬಡ್ ಕರಾವಳಿ ಕಲಾವಿದೆರ್ ತಂಡದಕುಲು ಗೊಬ್ಬುದೆರ್.ಕುಡ್ಲದ ಮಹಾಮ್ಮಾಯಿ ನಾಟಕ ತಂಡ ಬೋಳೂರು ದಕುಲು ಪ್ರದರ್ಶನ ಮಲ್ದೆರ್.ಅಂಚೆನೇ ಬೇತೆ ಬೇತೆ ಕೆಡೆಟ್ ಈ ನಾಟಕ ಪ್ರದರ್ಶನ ಆತುಂಡ್.ಈ ಸರ್ತಿ ಬೊಂಬಾಯಿದ ಬಿಲ್ಲವರ ಅಸೋಸಿಯೇಶನ್ ದ ನಾಟಕೋತ್ಸವಡ್ 15 ನಾಟಕ ಡ್ ಬಗ್ಗನ ಭಾಗ್ಯೊಗ್ ಸುರುತ ಇನಾಮು ಬೈದುಂಡ್..ಉಂದೆಕ್. ಮಲ್ಲ ವಿದ್ವಾಂಸೆರಾಯಿನ ಕೆದಂಬಾಡಿ ಜತ್ತಪ್ಪ ರೈ, ಬನ್ನಂಜೆ ಬಾಬು ಅಮೀನ್,ಕಯ್ಯಾರ ಕಿಞ್ಞಣ್ಣ ರೈ ಕುಲು,ಅಮ್ರತ ಸೋಮೇಶ್ವರ,ಡಾ.ಭಾಸ್ಕರಾನಂದ ಕುಮಾರ್,ಮೋಹನ್ ಕೋಟ್ಯಾನ್,ಮುದ್ದು ಮೂಡುಬೆಳ್ಳೆ ಮೊಕುಲು ಮಾತಾ ಓದುದ್ ಪುಗಾರುದ್ ಆಶೀರ್ವಾದ ಮಲ್ದೆರ್. ಗಂಗಾಧರ ಕಿದಿಯೂರು ಮೇರ್ ಉಡುಪಿ ತುಳುಕೂಟದ ಕಾರ್ಯಂತೆರಾದ್,ಬೈದ ಶ್ರೀ ಸಂಶೋಧನ ಕೇಂದ್ರ ದ ಟ್ರಸ್ಟಿಯಾದ್ ಅಂಚೆನೇ ಬೇತೆ ಬೇತೆ ಸಾಮಾಜಿಕ ಕ್ಷೇತ್ಲಡ್ ಸಮಾಜಸೇವೆ ಮಲ್ತೊಂದ್, ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ, ರತ್ನವರ್ಮ ಹೆಗ್ಗಡೆ ಪ್ರಶಸ್ತಿ ಇಂಚ ಕೆಲವ್ ಪ್ರಶಸ್ತಿ ಲೆನ್ ಪಡೆತೊಂದೆರ್.