ವಿಷ್ಣು ಪಾದ ಸೇರಿನ ವಿನಯ್ ಹೆಗ್ಡೆ

ನಿಟ್ಟೆ ಸಮೂಹ ಶಿಕ್ಷಣ ಸಂಸ್ಥೆಲೆನ ಸಂಸ್ಥಾಪಕೆ, ಶಿಕ್ಷಣ ತಜ್ಞ ಎನ್. ವಿನಯ್ ಹೆಗ್ಡೆ (86) ನಿಧನ

ನಿಟ್ಟೆ ಸಮೂಹ ಶಿಕ್ಷಣ ಸಂಸ್ಥೆಲೆನ ಸಂಸ್ಥಾಪಕೆ, ಶಿಕ್ಷಣ ತಜ್ಞ,ಕೆ.ಎಸ್.ಹೆಗ್ಡೆ ಚಾರಿಟೇಬಲ್ ಹಾಸ್ಪಿಟಲ್ ವ್ಯವಸ್ಥಾಪಕ ನಿರ್ದೇಶಕ ಎನ್. ವಿನಯ್ ಹೆಗ್ಡೆ ಇನಿ ಕಾಂಡೆ ದೇವೆರೆನ ಪಾದ ಸೇರಿಯೆರ್.

ವಿನಯ್ ಹೆಗ್ಡೆ ಅರೆನ ಸಾವುಗ್ ಗಣ್ಯೆರು, ಶಿಕ್ಷಣ ಪ್ರೇಮಿಲು ಬೊಕ್ಕ ಕಾರ್ಕಳದ ಸಾರ್ವಜನಿಕೆರು ಸಂತಾಪ ಸೂಚನೆ ಮಲ್ದೆರ್.

ಸುಪ್ರೀಂಕೋರ್ಟ್ ನಿವೃತ್ತ ನ್ಯಾಯಮೂರ್ತಿ ಕೆ. ಎಸ್ . ಹೆಗ್ಡೆ ಅರೆನ ರಡ್ಡನೇ ಮಗೆ ವಿನಯ್ ಹೆಗ್ಡೆ ಮೇರು ಕರಾವಳಿ ಭಾಗಡ್  ಶಿಕ್ಷಣ ಬೊಕ್ಕ ಆರೋಗ್ಯ ಕ್ಷೇತ್ರಡ್  ಕ್ರಾಂತಿಕಾರಿ ಬದಲಾವಣೆ ಮಲ್ದಿನಾರು, ನಿಟ್ಟೆ ಪರಿಗಣಿತ ವಿಶ್ವವಿದ್ಯಾಲಯದ ಮೂಲಕ ಸಾರಗಟ್ಟಲೆ ವಿದ್ಯಾರ್ಥಿಲೆನ ಭವಿಷ್ಯ ರೂಪಿಸಾದೆರು.

ಗ್ರಾಮೀಣ ಪ್ರದೇಶವಾದಿತ್ತಿನ ನಿಟ್ಟೆನ್  ಅಂತಾರಾಷ್ಟ್ರೀಯ ಮಟ್ಟದ ಶೈಕ್ಷಣಿಕ ಕೇಂದ್ರವಾದ್  ಪರಿವರ್ತಿಸಾಯಿನ ಕೀರ್ತಿ ಮೆರೆನವ್.

ಶಿಕ್ಷಣ ಮಾತ್ರ ಅತ್ತಾವಂದೆ, ಆರೋಗ್ಯ ಕ್ಷೇತ್ರಡುಲಾ ಸಾಧನೆ ಮಲ್ದಿನಾರು. ಧಾರ್ಮಿಕ, ಸಾಮಾಜಿಕ ಸೇವೆಡುಲಾ ಅಪಾರ ಖ್ಯಾತಿ ಪಡೆದೆರು.