ರಾಜ್ಯ ಮಟ್ಟದ ಬುಲ್ ಬುಲ್ ಉತ್ಸವ

ರಾಜ್ಯಮಟ್ಟದ ಕಬ್-ಬುಲ್ ಬುಲ್ ಉತ್ಸವ – 2025

ಉಡುಪಿ : ಪಾಜಕ ಕುಂಜಾರುಗಿರಿತ ಆನಂದತೀರ್ಥ ವಿದ್ಯಾಲಯಡ್  ರಾಜ್ಯಮಟ್ಟದ ಕಬ್-ಬುಲ್ ಬುಲ್ ಉತ್ಸವ ಸೆ. 20 ಡ್ದ್  23ಮುಟ ನಡಪುಂಡ್.

ರಾಜ್ಯದ ಬೇತೆ ಬೇತೆ ಜಿಲ್ಲೆಡ್ದ್  ೭೫೦ ಕ್ಕ್ ಲಾ ಜಾಸ್ತಿ ಜೋಕುಲು ಬೊಕ್ಕ ಸುಮಾರು ೨೫೦ ಶಿಕ್ಷಕೆರು, ಸಿಬ್ಬಂದಿ ಬೊಕ್ಕ ಫ್ಲಾಕ್ ಮಾಸ್ಟರ್‌ ನಕುಲು ಪಾಲ್ ಪಡೆಯರೆಗುಲ್ಲೆರ್.

ಈ ಉತ್ಸವ  ಜೋಕ್ಲೆನ ಕೌಶಲ್ಯ ಪ್ರದರ್ಶನಗ್  ಸೀಮಿತ ಅತ್ತ್  ಬದಲುಗ್  ನಮ್ಮ ಕರಾವಳಿ ಸಂಸ್ಕೃತಿ, ಸ್ಥಳೀಯ ಪಾಕಕಲೆ, ಕಲಾ-ಕೈಗಾರಿಕೆ, ಹೊರಾಂಗಣ ಜೀವನ ಶೈಲಿನ್ ಜೋಕ್ ಲೆಗ್  ಪರಿಚಯ ಮಲ್ಪುನ  ವಿಶೇಷ ಪ್ರಯತ್ನವಾದುಂಡ್.. ಒಟ್ಟುಡ್ ಜಿಲ್ಲೆದ ಐತಿಹಾಸಿಕ ಬೊಕ್ಕ ಧಾರ್ಮಿಕ ಜಾಗೆಗ್  ಜೋಕ್ಲೆನ್  ಲೆಸೊಂದ್ ಪೋದ್  ಅಲ್ಪ  ಸಾಂಸ್ಕೃತಿಕ ಅರಿವು ಬೊಕ್ಕ ಸಾಮಾಜಿಕ ಜವಾಬ್ದಾರಿದ ಅರಿವು ನ್ ಬುಲೆಪಾವುನವ್ ಮುಖ್ಯ ಉದ್ದೇಶವಾದುಂಡ್.

ರಾಜ್ಯಮಟ್ಟದ ಈ ಉತ್ಸವ ಜೋಕ್ಲೆಡ ತಂಡಭಾವನೆ, ಸೇವಾ ಮನೋಭಾವ, ಸಾಹಸಪ್ರಿಯತೆ ಬೊಕ್ಕ ಸಂಸ್ಕೃತಿ ಅರಿವು ಬುಲೆಪಾವುನ ಸುವರ್ಣಾವಕಾಶವಾದುಂಡ್.. ಕರ್ನಾಟಕದ ಬೇತೆ ಬೇತೆ  ಕಡೆಟ್ ಬರ್ಪಿನ  ಕಬ್ – ಬುಲ್ ಬುಲ್ ಜೋಕುಲು ಒಂಜೇ ವೇದಿಕೆಡ್  ಸೇರುನೆಡ್ದಾವರ ‘ಏಕತೆಡ್ ವೈವಿಧ್ಯತೆ’ ಪನ್ಪಿನ ಸಂದೇಶನ್ ಬಲಪಡಿಸಾವುನವ್ ನೆತ್ತ ವಿಶೇಷತೆ.

ಆನಂದತೀರ್ಥ ವಿದ್ಯಾಲಯ  ತನ್ನ ಆತಿಥ್ಯ ಬೊಕ್ಕ ಸಾಂಸ್ಕೃತಿಕ ವೈವಿಧ್ಯತೆದ  ಮೂಲಕ ಈ ಮಹೋತ್ಸವನ್  ಸ್ಮರಣೀಯ ಮಲ್ಪರೆಗ್  ಸಜ್ಜಾತುಂಡ್. ಪಂಡುದು ಆನಂದ ತೀರ್ಥ ವಿದ್ಯಾಲಯದ ಪ್ರಾoಶುಪಾಲೆ ಗೀತಾ ಶಶಿಧರ್ ಪ್ರಕಟನೆಡ್  ತೆರಿಪಾದೆರ್..