ತುಳು ರಡ್ಡನೇ ಭಾಷೆ:ಸಿ. ಎಮ್.

????ಕಂಬುಲ ಕ್ರೀಡೆ ಬೊಕ್ಕ  ಕಲೆಕ್ ಜಾತಿ-ಧರ್ಮದ ಬೇಲಿ ಇಜ್ಜಿ. ಉಂದು ಸರ್ವೆರೆನ ಸಂಭ್ರಮ: ಸಿ.ಎಂ.ಬಣ್ಣನೆ

????ತುಳು ರಡ್ಡನೇ ಭಾಷೆ: ಸರ್ಕಾರ ಪರಿಗಣನೆ ಮಲ್ಪುಂಡ್

ಕಂಬಳ ಬಾರೀ ಜನಪ್ರಿಯ ಗ್ರಾಮೀಣ ಕ್ರೀಡೆ: ಸಿ.ಎಂ.ಸಿದ್ದರಾಮಯ್ಯ

ಮಂಗಳೂರು :
ಕಂಬಳ ಕ್ರೀಡೆ ಬೊಕ್ಕ  ಕಲೆಕ್ ಜಾತಿ-ಧರ್ಮದ ಬೇಲಿ ಇಜ್ಜಿ. ಉಂದು ಸರ್ವೆರೆನ ಸಂಭ್ರಮ.‌ ನಮ್ಮ ದೇಶ ಬಹುತ್ವದ ದೇಶ‌  ಪಂಡುದು ಮುಖ್ಯಮಂತ್ರಿ ಸಿದ್ದರಾಮಯ್ಯ  ಪಂಡೆರು.

ಉಳ್ಳಾಲ ನರಿಂಗಾನದ ಮೂಜನೇ ವರ್ಷದ ಲವ-ಕುಶ ಜೋಡುಕೆರೆ ಕಂಬಳೋತ್ಸವನ್  ಉದಿಪನ ಮಲ್ತುದ್  ಆರು ಪಾತೆರಿಯೆರು.

ಜನಪದ ಕ್ರೀಡೆ ಕಂಬಳ ಸರ್ವ ಜಾತಿ ಧರ್ಮದ ಜನಸಮುದಾಯನ್ ಬೆಸೆಯುಲೆಕ್ಕ  ಮಲ್ಪುಂಡ್

ವಿವಿಧತೆಡ್ ಏಕತೆನ್  ತೂಪಿನ ಭಾರತ ಸಂಸ್ಕೃತಿದ ಒಂಜಿ ಭಾಗ ಕರಾವಳಿ ಜಿಲ್ಲೆದ ಸಂಸ್ಕೃತಿಯಾದುಂಡ್. ನಮ್ಮ ಸರ್ಕಾರಲಾ  ಮಾತಾ ಜಾತಿ, ಮಾತಾ ಧರ್ಮದ ಪರವಾದ್ ಕಾರ್ಯಕ್ರಮಲೆನ್  ರೂಪಿಸಾವುಂಡ್. ಮಹಿಳೆಯೆರೆಗ್ ಆರ್ಥಿಕ ಶಕ್ತಿ ಕೊರ್ಪಿನ ಮೂಲಕ‌ ಕುಟುಂಬದ ಬೊಕ್ಕ ಮಹಿಳಾ ಸಮಾಜದ ಆರ್ಥಿಕ‌ ಶಕ್ತಿನ್ ಹೆಚ್ಚಿಸಾವುನ ಕಾರ್ಯಕ್ರಮಲೆನ್ ಇಡೀ ದೇಶಡ್ ಸುರುತ ತಾನೊ ಕೊರ್ತಿನಿ ನಮ್ಮ ಸರ್ಕಾರ. ಆಶಾ ಕಾರ್ಯಕರ್ತೆಯೆರೆನ ಬೇಡಿಕೆ ಈಡೇರಿಸಾದ್  ಅಕುಲು ಪ್ರತಿಭಟನೆ ಪಿರ ದೆತೊಂಬಿಲೆಕ್ಕ  ಮಲ್ದಿನಿ ನಮ್ಮ ಸರ್ಕಾರ. ಆಶಾ ಕಾರ್ಯಕರ್ತೆಯೆರೆಗ್  ತಿಂಗೊಲುಗ್  10 ಸಾವಿರ ಸಿಕ್ಕುಲೆಕ್ಕ ಮಲ್ಪುನ  ಜವಾಬ್ದಾರಿನ್  ನಮ್ಮ ಸರ್ಕಾರ ದೆತೊಂದುಂಡ್ ಪಂಡೆರು.

ಸುಪ್ರೀಂಕೋರ್ಟ್ ನಿಷೇಧ ಮಲ್ದಿನ  ಕಂಬುಲಗ್ ಮರು ಚಾಲನೆ ಕೊರ್ಪಾದ.. ಉಂದು ಕರಾವಳಿದ ಜನಪದ ಸಂಸ್ಕೃತಿಗ್ ನಮ್ಮ ಸರ್ಕಾರ ಕೊರಿನ ಕೊಡುಗೆ ಪಂಡೆರು.

ತನ್ನ ಇಲ್ಲದ ಜೋಕ್ಲೆನಲೆಕ್ಕ  ಎರುಕುಲೆನ್  ತಾಂಕುವೆರ್. ಕಂಬುಲ ಕ್ರೀಡೆ ಜಿಲ್ಲೆದ  ಜನಪದ ಸಂಸ್ಕೃತಿದ ಅವಿಭಾಜ್ಯ ಅಂಗವಾದುಂಡ್. ಅಂಚಾದ್  ಈ ಸಾಂಪ್ರದಾಯಿಕ ಕ್ರೀಡೆನ್  ಒರಿಪಾವರೆಗ್  ನಮ ಏಪೊಲ ತಯಾರಾದುಲ್ಲ ಪಂಡೆರು.

24 ಕಂಬುಲ  ನಡಪಾವರೆಗ್  ಪ್ರತೀ ಕಂಬುಲಗ್  ತಲಾ 5 ಲಕ್ಷ ರೂಪಾಯಿ ನೆರವುನ್   ಸರ್ಕರಡ್ದ್ ಕೊರ್ಪುಂಡ್.

ಕರ್ನಾಟಕ ವಿಧಾನಸಭೆತ್ತ  ಸ್ಪೀಕರ್ ಯು.ಟಿ.ಖಾದರ್, ಜಿಲ್ಲಾ ಉಸ್ತುವಾರಿ ಸಚಿವ ದಿನೇಶ್ ಗುಂಡೂರಾವ್, ಸಚಿವ ರಹೀಂ ಖಾನ್ ಸೇರಿನಂಚ  ಪ್ರಮುಖೆರು, ಜಿಲ್ಲೆದ ಶಾಸಕೆರು, ವಿಧಾನ ಪರಿಷತ್ ಸದಸ್ಯೆರು, ಸ್ಥಳೀಯ ಮುಖಂಡೆರು ಉಪಸ್ಥಿತರಿತ್ತೆರು.

—

ಕರ್ನಾಟಕ ವಿಧಾನಸಭೆ  ಸ್ಪೀಕರ್ ಯು.ಟಿ.ಖಾದರ್ ನ ಬೇಡಿಕೆದಂಚ  ತುಳು ಭಾಷೆನ್  ರಡ್ಡನೇ ರಾಜ್ಯ ಭಾಷೆಯಾದ್ ಪರಿಗಣಿಸಾವುನ  ಬಗ್ಗೆ ಗಂಭೀರವಾದ್ ಚಿಂತನೆ ಮಲ್ಪುಂಡ್ ಪಂಡೆರು.