ಭವಿಷ್ಯದ ಸವಾಲುನ್ ಎದುರಿಸಾವರೆಗ್ ಪತ್ರಕರ್ತೆರ್ ತಯಾರಾವೊಡ್: ಕೆ.ಪಿ.ರಾವ್

ಬದಲಾವೊಂದುಪ್ಪುನ ಇನಿತ್ತ ತಾಂತ್ರಿಕ ಯುಗಟ್ ಪತ್ರಕರ್ತೆರು ಕೆಲಸ ಕಳೆಯೊಂಬಿನ ಭೀತಿಡುಲ್ಲೆರ್. ಅಂಚಾದ್ ದುಂಬಗ್ ಬರ್ಪಿನ ಸವಾಲುಲೆನ್ ಎದುರಿಸಾವೊಡ್ ಪತ್ರಕರ್ತೆರು ಇನಿಯೇ ಸಿದ್ಧರಾವೊಡಾಯಿನ ಅಗತ್ಯ ಉಂಡು ಪಂಡುದು ಕೀಲಿಮಣೆ ತಜ್ಞ, ವಿಜ್ಞಾನಿ ನಾಡೋಜ ಕೆ.ಪಿ.ರಾವ್ ಪಂಡೆರ್

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ರಜತ ಮಹೋತ್ಸವ ಉದ್ಘಾಟನಾ ಸಮಾರಂಭದ ಲೆಪ್ಪೋಲೆನ್ ಬುಧವಾರ ಉಡುಪಿ ಪತ್ರಿಕಾ ಭವನಡ್ ಬುಡುಗಡೆ ಮಲ್ತುದ್ ಆರು ಪಾತೆರಿಯೆರ್.

ಇನಿ ಚಾಟ್-ಜಿಪಿಟಿದಂಚಿನ ತಂತ್ರಜ್ಞಾನಡ್ ನಮ ಉಲ್ಲ. . 10 ಸೆಂಕೆಂಡ್‌ ಡ್ 500 ಪದೊಕುಲೆನ್ ಬರೆಪಿನ ಮಟ್ಟೊಗ್ ತಂತ್ರಜ್ಞಾನ ಬುಳೆದು ಉಸುದುಂಡ್. ಇನಿ ಸಾಮಾನ್ಯ ಬುದ್ದಿಮತ್ತೆಡ್ ಕೃತಕ ಬುದ್ದಿಮತ್ತೆದ ಆದ್ಯತೆ ಕೊರೊಂದುಂಡ್.ಅಂಚಾದ್ ಪತ್ರಕರ್ತೆರು ಕೆಲಸ ಕಳೆಯೊಂಬಿನ ಅಪಾಯ ಉಂಡು. ಸುಸ್ಥಿರ ಅಭಿವೃದ್ಧಿದ ಬಗ್ಗೆ ಪ್ರತಿಯೊರಿಲಾ ತೆರಿಯೊನೊಡು. ಎಲ್ಲೆ ದಾದಾಪುಂಡ್ ಪನ್ಪಿನ ಸಾಮಾನ್ಯ ಕಲ್ಪನೆ ಪತ್ರಕರ್ತೆರೆಡ ಮೂಡಿಸಾವೊಡ್ ಪಂಡೆರು.

ಈ ಸಂದರ್ಭಡ್ ಈ ಬಾರಿ ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಹಿರಿಯ ಪತ್ರಕರ್ತ ಆರಾಮ ಪಡುಬಿದ್ರಿ ಅರೆನ್ ಮಾನಾದಿಗೆ ಮಲ್ತೆರ್. ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ಅಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು ಅಧ್ಯಕ್ಷತೆಡಿತ್ತೆರ್.

ರಜತ ಮಹೋತ್ಸವ ಸಮಿತಿದ ಸಂಚಾಲಕೆರಾಯಿನ ಮುಹಮ್ಮದ್ ಶರೀಫ್ ಕಾರ್ಕಳ ಪ್ರಾಸ್ತಾವಿಕವಾದ್ ಪಾತೆರಿಯೆರ್. ಸಂಘದ ರಾಜ್ಯ ಸಮಿತಿ ಸದಸ್ಯ ಕಿರಣ್ ಮಂಜನಬೈಲು, ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಉಪಸ್ಥಿತರಿತ್ತೆರು. ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಸ್ವಾಗತ ಮಲ್ತುದ್,. ಸಮಿತಿದ ಪ್ರಧಾನ ಕಾರ್ಯದರ್ಶಿ ಜಯಕರ ಸುವರ್ಣ ವಂದಿಸಾಯೆರ್. ಸದಸ್ಯೆರಾಯಿನ ಚೇತನ್ ಮಟಪಾಡಿ ಕಾರ್ಯಕ್ರಮ ನಿರೂಪಣೆ ಮಲ್ತೆರ್