ಉದ್ಯೋಗ ಮೇಳ

ಕುಂತಳ ನಗರ ಸ್ಕಿಲ್ ಡೆವಲಪ್ಮೆಂಟ್ ಸೆಂಟರ್ -ನವೆಂಬರ್ 16 ಬೊಕ್ಕ  17 ತಾರೀಕುಗ್  2 ದಿನತ್ತ  3 ನೇ ಬಾರಿ ನಡಪರೆಗುಪ್ಪುನ ಬೃಹತ್ ಉದ್ಯೋಗ ಮೇಳ –

ಉಡುಪಿ ಗ್ರಾಮೀಣ ಬಂಟರ ಸಂಘ ದ ಚಾರಿಟೇಬಲ್ ಟ್ರಸ್ಟ್, ಕುಂತಳ ನಗರ ಮಣಿಪುರ, ಉಡುಪಿ ಮೊಕ್ಲೆನ  ಸ್ಕಿಲ್ ಡೆವಲಪ್ಮೆಂಟ್ ಸೆಂಟರ್ ನ ವತಿಡ್ದ್
ಸತತವಾದ್  3 ನೇ ಬಾರಿ ಬೃಹತ್ ರಡ್ಡ್  ದಿನತ್ತ  ಉದ್ಯೋಗ ಮೇಳ ನವೆಂಬರ್  16 ಬೊಕ್ಕ  17 ಗ್  MRG ಗ್ರೂಪ್ ನ ಪ್ರಯೋಜತತ್ವಡ್  ನಡಪರೆಗುಂಡ್.

ಕರಿನ ರಡ್ಡ್  ಬಾರಿ ನಡತಿನ  ಉದ್ಯೋಗ ಮೇಳಡ್  1300 ಕ್ಕ್ ಲಾ ಜಾಸ್ತಿ  ಅಭ್ಯರ್ಥಿ ಲೆಗ್  ಎಡ್ಡೆ  ಕಂಪನಿ ಲೆಡ್ ಉದ್ಯೋಗ ಸಿಕ್ಕುದುಂಡ್.

ಈ ಸರ್ತಿ  ಇತ್ತೆನೇ  ಸುಮಾರು 1500 ಅಭ್ಯರ್ಥಿಲು online ಮೂಲಕ ರಿಜಿಸ್ಟರ್ ಮಲ್ದಿತ್ತುದ್  ಒಟ್ಟಾರೆ ಸ್ಪಾಟ್ ರಿಜಿಸ್ಟ್ರೇಷನ್  16 ತಾರೀಕುಗ್  ಮಲ್ಪುನ ಮೂಲಕ 2500 ದಾತ್ ಅಭ್ಯರ್ಥಿ ಲು  ಉದ್ಯೋಗ ಮೇಳಡ್  ಪಾಲ್ ಪಡೆಯೊಲಿ  ಪನ್ಪಿನ ನೀರೀಕ್ಷೆ ಉಂಡು.

ಪ್ರತಿ ಸಲವು  30 ಕಂಪನಿಲೆಗ್  ರಿಜಿಸ್ಟರ್ ಮಲ್ತುದ್  ಎಡ್ಡೆ ಉದ್ಯೋಗ ಅವಕಾಶ ಸೃಷ್ಟಿ ಮಲ್ತುದ್  ಅಭ್ಯರ್ಥಿ ಲೆಗ್  ಮಲ್ಪುವಾ ಪಂಡುದು ಉಡುಪಿ ಗ್ರಾಮೀಣ ಬಂಟರ ಸಂಘ ದ ಚಾರಿಟೇಬಲ್ ಟ್ರಸ್ಟ್ ನ ಅಧ್ಯಕ್ಷೆರು ಆಯಿನ ಅಶೋಕ ಕುಮಾರ ಶೆಟ್ಟಿ ತೆರಿಪಾದ್  ಈ ಬಾರಿ 30 ಕಂಪನಿಲೆಡ್ 1500 ಕ್ ಲಾ  ಮೀರ್ದ್ ಉದ್ಯೋಗ ಅವಕಾಶ ಉಂಡು ಪಂಡುದು ತೆರಿದುಂಡ್  ಪಂಡೆರು.ಅಂಚಾದ್ ಬರ್ಪಿನ  ಎಡ್ಡೆ  ಅಭ್ಯರ್ಥಿಲೆಗ್  ಉದ್ಯೋಗ ಸಿಕ್ಕುನ ನೀರೀಕ್ಷೆ ಉಂಡು.

ಈ  ಸರ್ತಿ ಬೃಹತ್ ಉದ್ಯೋಗ ಮೇಳ ದ ಉದ್ಘಾಟನಾ ಕಾರ್ಯಕ್ರಮ ನವೆಂಬರ್ ತಾ. 16 ರಂದು ಶನಿವಾರ -ಉಡುಪಿ ಗ್ರಾಮೀಣ ಬಂಟರ ಸಂಘ ದ ಚಾರಿಟೇಬಲ್ ಟ್ರಸ್ಟ್, ಕುಂತಳ ನಗರ, ಮಣಿಪುರ, ಉಡುಪಿ ಇವರ ಸ್ಕಿಲ್ ಡೆವಲಪ್ಮೆಂಟ್ ಸೆಂಟರ್, ಆಶಾ ಪ್ರಕಾಶ್ ಶೆಟ್ಟಿ ಕನ್ವೆನ್ಷನ್ ಸೆಂಟರ್ ಡ್ ಡಾ. ಕೆ.ಪ್ರಕಾಶ್ ಶೆಟ್ಟಿ, ಛೇರ್ಮನ್, MRG ಗ್ರೂಪ್ ಮೇರು ಉದ್ಘಾಟನೆ ಮಲ್ಪರೆಗಿತ್ತುದ್, ಮಣಿಪಾಲ ಮಹೇ ದ ಪ್ರೊ – ಚಾನ್ಸೆಲ್ಲೂರ್ ಡಾ. ಎಚ್. ಎಸ್. ಬಲ್ಲಾಳ್ ದಿಕ್ಸೂಚಿ ಭಾಷಣ ಮಲ್ಪರೆಗುಲ್ಲೆರ್.

ಮಲ್ಲ ಬಿನ್ನೆರಾದ್ ಉಡುಪಿ ಜಿಲ್ಲಾಧಿಕಾರಿ ಡಾ. ವಿದ್ಯಾ ಕುಮಾರಿ, ಲೋಕಸಭಾ ಸದಸ್ಯೆರಾಯಿನ  ಶ್ರೀ ಕೋಟ ಶ್ರೀನಿವಾಸ್ ಪೂಜಾರಿ ಬೊಕ್ಕ  ಬ್ರಜೇಶ್ ಚೌಟ,ಎಂ. ಎಲ್. ಎ.  ಶ್ರೀ ಗುರ್ಮೆ ಸುರೇಶ ಶೆಟ್ಟಿ, ಯಶ್ಪಾಲ್ ಸುವರ್ಣ, ಐವನ್ ಡಿಸೋಜಾ, ಗುರುರಾಜ್ ಶೆಟ್ಟಿ ಗಂಟಿಹೊಳೆ, ಮಾಜಿ ಸಚಿವೆರಾಯಿನ ಪ್ರಮೋದ್ ಮಧ್ವರಾಜ್, ಮಾಜಿ ಶಾಸಕೆರಾಯಿನ  ರಘುಪತಿ ಭಟ್ ಮುಖಂಡೆರಾಯಿನ  ಶ್ರೀ ಮಟ್ಟಾರ್ ರತ್ನಕರ್ ಹೆಗ್ಡೆ, ಕಾಪು ವಾಸುದೇವ ಶೆಟ್ಟಿ, ಮನೋಹರ್ ಶೆಟ್ಟಿ, ಸಾಯಿ ರಾಧಾ ಗ್ರೂಪ್, ಶ್ರೀ ಪ್ರಸಾದ್ ರಾಜ್ ಕಾಂಚನ್, ಉದಯ್ ಕುಮಾರ ಶೆಟ್ಟಿ, ಮುನಿಯಲ್, ಸಂತೋಷ್ ಶೆಟ್ಟಿ ಪೂನಾ, ಸುಗ್ಗಿ ಸುಧಾಕರ್ ಶೆಟ್ಟಿ,, ಪ್ರೊ ಶರತ್ ಆಳ್ವ ಪಾಲ್ ಪಡೆಯರೆಗುಲ್ಲೆರ್.
ಪ್ರೊ. ದಿವ್ಯಾರಾಣಿ ಪ್ರದೀಪ್ ಮೇರು ಉದ್ಯೋಗ ಮೇಳ ಡ್  ಭಾಗವಹಿಸುನ ಕಂಪನಿದ  ರಿಜಿಸ್ಟ್ರೇಷನ್ ಬೊಕ್ಕ ನಿರ್ವಣೆ ಮಲ್ಪರೆಗಿತ್ತುದ್,, ಗುರುಪ್ರಶಾಂತ್ ಭಟ್ ಮೇರು ಅಭ್ಯರ್ಥಿ ಲೆನ  ರಿಜಿಸ್ಟ್ರೇಷನ್ ಪ್ರೋಸೆಸ್ ನ ನಿರ್ವಣೆ ಮಲ್ಪರೆಗಿತ್ತುದ್  2 ದಿನತ್ತ  ಇಂಟರ್ವ್ಯೂ ಪ್ರೋಸೆಸ್  ಅಚ್ಚು ಕಟ್ಟಾದ್  ನಡಪರೆಗುಂಡ್.

ಸಮಾರೋಪ ಸಮಾರಂಭ ನವೆಂಬರ್ 17ಗ್  ಮದ್ಯಾಹ್ನ 12 ಗ್  ನಡಪರೆಗಿತ್ತುದ್ ಮಾಜಿ ಕಾಪು ಶಾಸಕೆರಾಯಿನ ಲಾಲಾಜಿ R ಮೆಂಡನ್ ಮಲ್ಪುವೆರ್. ವಿವಿಧ ಕ್ಷೇತ್ರ ದ ಗಣ್ಯ ಮುಖಂಡೆರು,ಬೊಕ್ಕ  ಸಮಾಜದ ಮುಖಂಡೆರು ಪಾಲ್ ಪಡೆವೆರ್.

ಉದ್ಯೋಗ ಮೇಳ ದ ಪ್ರಯೋಜನನ್ ಮಾತೆರ್ಲ  ಪಡೆತೊಂದು ನಿರುದ್ಯೋಗ ಸಮಸ್ಸೆ ನ್  ನಿವಾರಣೆ ಮಲ್ಪುನವ್ವೇ  ನಮ್ಮ ಟ್ರಸ್ಟ್ ನ ಬೊಕ್ಕ  MRG ಗ್ರೂಪ್ ನ ಉದ್ದೇಶ ವಾದಿತ್ತುದ್, ಈ ಸರ್ತಿ  ಸುಮಾರು 1200 ಡ್ದ್  1500 ಅಭ್ಯರ್ಥಿ ಲೆಗ್  ಈ ಉದ್ಯೋಗ ಮೇಳ ಡ್  ಉದ್ಯೋಗ ಸಿಕ್ಕುಂಡ್ ಪನ್ಪಿನ ನೀರೀಕ್ಷೆ ದೀತ  ಪಂಡುದು ಪಂಡೆರು.

ಒವ್ವೇ  ಜಾತಿ ಮತ ಬೇಧ ಇಪ್ಪಂದೆ ಮಾತಾ  ಸಮುದಾಯದ ಯುವಕೆರೆಗ್ ಬೊಕ್ಕ  ಮಹಿಳೆಯೆರೆಗ್  ಅವಕಾಶ ಇತ್ತುದ್ದು ರಿಜಿಸ್ಟ್ರೇಷನ್ ಫೀ ಇಜ್ಜಿ  ಪಂಡೆರು.

ಪ್ರೊ! ದಿವ್ಯ ರಾಣಿ ಪ್ರದೀಪ್, ಸ್ಕಿಲ್ ಡೆವಲಪ್ಮೆಂಟ್ ಸೆಂಟರ್ ನ ಪ್ರೋಗ್ರಾಮ್ ಡೈರೆಕ್ಟರ್ ಮೇರು ಪಾತೆರ್ದ್  ಬರ್ಪಿನ  ಮಲ್ಲ ಮಲ್ಲ ಕಂಪನಿದ  ವಿವರ ಕೊರೊಂದು ಒವ್ವ್  ಕಂಪನಿಲು  ಇತ್ತೆ  ರಿಜಿಸ್ಟರ್ ಮಲ್ದುಂಡ್ , ಒವ್ವ್ ಮಾತಾ ಉದ್ಯೋಗ ಇಂಜಿನಿಯರಿಂಗ್, ಡಿಪ್ಲೋಮ ಬೊಕ್ಕ ಐ. ಟಿ. ಐ ಬೊಕ್ಕ  ಬಾಕಿದ ಕ್ಷೇತ್ರಲೆಡ್  ಬಿಬಿಎಂ, Bsc, Bcom, BBA, MA, Mcom, Msc, MBA, MCA ಬೊಕ್ಕ  ಬಾಕಿದ   ಕಲ್ತೊಂದುಪ್ಪುನ ಬೊಕ್ಕ ಅಂತಿಮ ವರ್ಷ ಡ್  ಕಲ್ಪುನ  ವಿದ್ಯಾರ್ಥಿಲೆಗ್ ಇಂಟರ್ವ್ಯೂಡ್  ಪಾಲ್ ಪಡೆಯೆರೆಗ್  ಅವಕಾಶ ಉಂಡು ಪಂಡುದು ವಿವರ ಕೊರಿಯೆರು.
Teachers ಪೋಸ್ಟ್ ಗ್  ಸುಮಾರು 65 ಹುದ್ದೆ ಇತ್ತುದ್  B ED MSC ಮಲ್ತಿನಕ್ಲೆಗ್  ಅವಕಾಶ ಉಂಡು . ಒಟ್ಟು 1630 ಇಂಜಿನಿಯರಿಂಗ್ ಬೊಕ್ಕ  ಬಾಕಿದ  ಬೇತೆ ಬೇತೆ ಫೀಲ್ಡ್ ಡ್  30 ಕಂಪನಿ ಲೆಡ್ ಬೇತೆ ಬೇತೆ ಬೇಲೆದ ಅವಕಾಶ ಉಂಡು  ಪಂಡುದು ತೆರಿಪಾಯೆರು

ಪ್ರತಿಯೊರಿ  ಅಭ್ಯರ್ಥಿಲೆಗ್  5 ಕಂಪನಿಲೆಡ್ ಇಂಟರ್ವ್ಯೂ ಡ್  ಪಾಲ್ ಪಡೆಯೆರೆಗ್ ಅವಕಾಶ ಕೊರ್ದಿತ್ತುದ್ ಪ್ರತಿಯೊರಿಲಾ  5 ಸೆಟ್ ಬಯೋ ಡಾಟಾ ಕನವೊಡ್ ಪಂಡೆರು. ಈ ಸರ್ತಿ  ಲೋಕಲ್, ಕರ್ನಾಟಕ, ಬೇತೆ ರಾಜ್ಯ ಮಾತ್ರ ಅತ್ತಾವಂದೆ ಇಂಟರ್ನ್ಯಾಷನಲ್ ಕಂಪನಿಲು ರಿಜಿಸ್ಟ್ರೇಷನ್ ಮಲ್ದೆರ್. ಅಂಚಾದ್  ಮಾತಾ  ಫೀಲ್ಡ್ ಲೆಡ್ ಉದ್ಯೋಗ ಅವಕಾಶ ಉಂಡು ಪಂಡುದು ತೆರಿಪಾಯೆರು.

ಇಂಟರ್ವ್ಯೂ ಪ್ರೋಸೆಸ್ ಬಾರೀ ವಿನೂತನ ರೀತಿಡ್  ನಡಪರೆಗ್  ಮಾತಾ  ವ್ಯವಸ್ಥೆ ಮಲ್ದುಂಡ್  ಪಂಡುದು
ಶ್ರೀ ಗುರುಪ್ರಶಾಂತ್, ಛೇರ್ಮನ್, ಇಂಟರ್ವ್ಯೂ ಸಮಿತಿ ತೆರಿಪಾಯೆರು. ಮಾತ್ರ ಅತ್ತಾವಂದೆ ಸುಮಾರು 200 ಉದ್ಯೋಗೊಲು  ಪರ ದೇಶಲೆಡ್  ಮುಖ್ಯವಾದ್ ಗಲ್ಫ್ ಡ್ ಅವಕಾಶ ಉಂಡು ಪಂಡುದು ತೆರಿಪಾಯೆರು. ಒಟ್ಟಾರೆ ಸುಮಾರು 1500 ಡ್ದ್  2000 ಉದ್ಯೋಗ ಅವಕಾಶ ಬೇತೆ ಬೇತೆ ಕಂಪನಿಲೆಡ್  ಉಂಡು ಪಂಡುದು ತೆರಿಪಾಯೆರು.

ಅಭ್ಯರ್ಥಿ ಲೆನ ರಿಜಿಸ್ಟ್ರೇಷನ್ ಕಾಂಡೆ  9 ಗಂಟೆಗ್  ಪ್ರಾರಂಭ ಆಪುಂಡ್ ಪಂಡುದು ತೆರಿಪಾಯೆರು.

ನಮ್ಮ ಉಡುಪಿ ಬೊಕ್ಕ ದಕ್ಷಿಣ ಕನ್ನ್ನಡ ಜಿಲ್ಲೆ ಡುಪ್ಪುನ ನಿರುದ್ಯೋಗಿ ಯುವಕೆರು, ಮಹಿಳೆಯರು ಈ ಉದ್ಯೋಗ ಮೇಳಡ್  ಹೆಚ್ಚಿನ ಪ್ರಯೋಜನ ಪಡೆತೊನೊಡ್ ಪಂಡುದ್  ಲೆಪ್ಪು ಕೊರಿಯೆರ್.

ಟ್ರಸ್ಟಿ ಲಾಯಿನ  ಗೋಪಾಲ್ ಶೆಟ್ಟಿ ಬೆಳ್ಳೆ, , ಹರೀಂದ್ರ ಹೆಗ್ಡೆ ಕೊರಂಗ್ರಪಾಡಿ, ದಯಾನಂದ ಶೆಟ್ಟಿ, ಕಲ್ಮoಜೆ, ರಂಜನಿ ಹೆಗ್ಡೆ, ಬೆಳ್ಳೆ ಟ್ರಸ್ಟ್ ನ ಕೋಶಧಿಕಾರಿ ಶ್ರೀ ವಿಜಿತ್ ಶೆಟ್ಟಿ , ಟ್ರಸ್ಟ್ ದ coordinator ಟ್ರಸ್ಟಿ  ಲಾಯಿನ  ಶ್ರೀ ಪದ್ಮನಾಭಉಪಸ್ಥಿತರಿತ್ತೆರು.