ಕಂದಾಯ ಅಧಿಕಾರಿ

ಲೋಕಾಯುಕ್ತದಕ್ಲೆನ ಕೈಕ್ಕ್ ತಿಕ್ ದ್ ಬೂರಿನ ಮುಲ್ಕಿ ಕಂದಾಯ ಅಧಿಕಾರಿ

#

ಸುರತ್ಕಲ್ : ಆಸ್ತಿ ಪಹಣಿಡ್ ವಾರಸ್ದಾರೆರ್ನ ಪುದರ್ ಸೇರ್ಪಡೆ ಮಲ್ಪರೆ ಲಂಚ ದೆತೊನೊಂದಿತ್ತಿನ ಮುಲ್ಕಿ ತಹಶೀಲ್ದಾರ್ ಕಚೇರಿದ ಅಧಿಕಾರಿ ಒರಿ ಲೋಕಾಯುಕ್ತ ಪೊಲೀಸೆರ್ನ ಕೈಕ್ ತಿಕ್ ದ್ ಬೂರ್ದೆರ್.

ಮುಲ್ಕಿ ಕಂದಾಯ ನಿರೀಕ್ಷಕೆ ಜಿ.ಎಸ್ ದಿನೇಶ್ ತಿಕ್ ದ್ ಬೂರ್ದಿನ ಅಧಿಕಾರಿ.
ದೂರುದಾರೆರ್ನ ಅಜ್ಜಿ ಪದ್ಮಾವತಿ ತೀರ್ ಪೋತಿನ ನಿಲೆಟ್ಟ್ ಅರೆನ ಪುದರ್ ಡಿತ್ತಿನ ಆಸ್ತಿದ ಪಹಣಿಡ್ ವಾರಿಸ್ದಾರೆರ್ನ ಪುದರ್ ಸೇರ್ಪಾವರೆ ಕರಿನ ವರ್ಷ ಮುಲ್ಕಿ ತಾಲೂಕು ತಹಶೀಲ್ದಾರ್ ಕಚೇರಿಗ್ ಅರ್ಜಿ ಕೊರ್ದಿತ್ತೆರ್. ಆ ಬಗೆಟ್ಟ್ ಮುಲ್ಕಿ ಕಂದಾಯ ನಿರೀಕ್ಷಕೆ ಜಿ.ಎಸ್ ದಿನೇಶ್ ಡ್ ಕೇನ್ನಗ ಆರ್ 4 ಲಕ್ಷ ರೂಪಾಯಿ ಲಂಚ ಕೇಂಡ್ ದಿತ್ತೆರ್. ಆಂಡ ಕಾನೂನು ಬದ್ಧವಾದ್ ಕೆಲಸ ಮಲ್ಪುನ ಬದಲ್ ಲಂಚ ಕೊರ್ದು ಮಲ್ಪಾವುಜಿ ಪಂದ್ ದೂರುದಾರೆರ್ ಮಂಗಳೂರು ಲೋಕಾಯುಕ್ತ ಪೊಲೀಸ್ ಠಾಣೆಗೆ ದೂರು ಕೊರ್ದಿತ್ತೆರ್.
ಅವೆತ್ತ ಪ್ರಕಾರ ಡಿ. 19 ಗುರುವಾರ ಕಾಂಡೆ ಕಂದಾಯ ನಿರೀಕ್ಷಕೆ ಜಿ.ಎಸ್ ದಿನೇಶ್ ಪಿರ್ಯಾದಿದಾರೆರೆರ್ದ್ 4 ಲಕ್ಷ ರೂ. ಲಂಚದ ದುಡ್ಡುನು
ಸುರತ್ಕಲ್ ಜಂಕ್ಷನ್ ಕೈತಲ್
ದೆತೊನ್ನಗ ಲೋಕಾಯುಕ್ತ ಪೊಲೀಸೆರೆಗ್ ತಿಕ್ ದ್ ಬೂರಿಯೆರ್.
ಈ ಕಾರ್ಯಾಚರಣೆಡ್ ಕರ್ನಾಟಕ ಲೋಕಾಯುಕ್ತ, ಮಂಗಳೂರು ವಿಭಾಗದ ಪೊಲೀಸ್ ಅಧೀಕ್ಷಕೆರ್ ಎಂ.ಎ ನಟರಾಜ್ ಮೆರೆನ ಮಾರ್ಗದರ್ಶನಡ್ ಮಂಗಳೂರು ಲೋಕಾಯುಕ್ತ ಪೊಲೀಸ್ ಠಾಣೆದ ಪೊಲೀಸ್ ಉಪಾಧೀಕ್ಷಕೆರಾಯಿನ ಡಾ॥ ಗಾನ ಪಿ ಕುಮಾರ್, ಪೊಲೀಸ್ ನಿರೀಕ್ಷಕೆರ್ ಅಮಾನುಲ್ಲಾ.ಎ, ಸುರೇಶ್ ಕುಮಾರ್ ಪಿ, ಚಂದ್ರಶೇಖರ್ ಕೆ.ಎನ್ ಮೊಕುಲು ಸಿಬ್ಬಂದಿಲೆನ ಒಟ್ಟುಗು ಆರೋಪಿನ್ ವಶಕ್ಕ್ ದೆತೊಂಡೆರ್.