ಸೂರು ದಾಂತಿನ ಕುಟುಂಬೊಗ್ ಮಲಬಾರ್ ಗೋಲ್ಡ್ ವತಿಡ್ದ್ 26 ಲಕ್ಷ ರೂ. ಪಣವುದ ಸಹಕಾರ

ಮಲಬಾರ್ ಗೋಲ್ಡ್ & ಡೈಮಂಡ್ಸ್ ಒಡಿಪು ಶಾಖೆದ ಸಿಎಸ್ ಆರ್ ಯೋಜನೆದಡಿಟ್ ಸೂರು ದಾಂತಿನ 29 ಕುಟುಂಬೊಲೆಗ್ ಒಟ್ಟು 26ಲಕ್ಷ ರೂ.ಪಣವುದ ಚೆಕ್ ಕೊರ್ಪಿನ ಸಮಾರಂಭ ಶುಕ್ರವಾರ ಮಲಬಾರ್ ಗೋಲ್ಡ್ ಉಡುಪಿದ ಮಳಿಗೆಡ್ ನಡತುಂಡ್.
ಫಲಾನುಭವಿಲೆಗ್ ಚೆಕ್ ಕೊರಿನ ಇಂಧನ,ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆರಾಯಿನ ಸುನಿಲ್ ಕುಮಾರ್ ಪಾತೆರ್ದ್ ಆರ್ಥಿಕ ವ್ಯವಹಾರದೊಟ್ಟುಗ್ ಸಮಾಜಸೇವೆಡ್ ತೊಡಗಿಸಾವೊಂದಿನ ಮಲಬಾರ್ ಸಂಸ್ಥೆ ಬಾಕಿದ ಸಂಸ್ಥಲೆಗ್ ಮಾದರಿಯಾದುಂಡ್.ಆರ್ಥಿಕ ,ಶೈಕ್ಷಣಿಕ ಸಾಮಾಜಿಕವಾದ್ ನೆರವು ಕೊರ್ಪಿನ ಮುಖೇನ ಸಂಸ್ಥೆ ಸಮಾಜಮುಖಿ ಬೇಲೆ ಮಲ್ತೊಂದುಂಡ್.ತಾನ್ ಪಡೆಯಿನ ಒಂಜಿ ಅಂಶೊನ್ ಸಮಾಜಮುಖಿ ಕೆಲಸೊಗ್ ಉಪಯೋಗ ಮಲ್ಪುನವ್ವೆನ್ ಮೆಚ್ಚೊಡಾಪುಂಡ್ ಪಂಡೆರ್.
ಪರ್ಕಳ ದೇವಿನಗರದ ಬಳಕೆದಾರ ವೇದಿಕೆದ ಗೌರವಾಧ್ಯಕ್ಷೆರಾಯಿನ ಹಾಜಿ ಕೆ.ಅಬೂಬಕರ್ ಪರ್ಕಳ,ಜೆಡಿಎಸ್ ಜಿಲ್ಲಾಧ್ಯಕ್ಷೆರಾಯಿನ ಯೋಗೀಶ್ ಶೆಟ್ಟಿ,ಸಾಮಾಜಿಕ ಕಾರ್ಯಕರ್ತೆರಾಯಿನ ವಿನುತಾ ಕಿರಣ್,ಸಮಾಜಸೇವಕೆ ವಿಲ್ಫ್ರೆಡ್ ಡಿಸೋಜ,ಕಿದಿಯೂರು ಉದಯ್ ಕುಮಾರ್ ಫ್ಯಾಮಿಲಿ ಟ್ರಸ್ಟ್ ದ ಉದಯ್ ಕುಮಾರ್ ಶೆಟ್ಟಿ,ಸಮಾಜಸೇವಜಕೆರಾಯಿನ ಲೀಲಾಧರ ಶೆಟ್ಟಿ,ಜಿ.ಪಂ.ಮಾಜಿ ಸದಸ್ಯೆರಾಯಿನ ಗೀತಾಂಜಲಿ ಸುವರ್ಣ,ಉಡುಪಿ ಜಿಲ್ಲಾ ಬಿಜೆಪಿ ಮಹಿಳಾಮೋರ್ಚಾದ   ಅಧ್ಯಕ್ಷೆರಾಯಿನ ವೀಣಾ ಎಸ್.ಶೆಟ್ಟಿ ಕಜ್ಜೊಡ್ ಉಪಸ್ಥಿತರಿತ್ತೆರ್.

ವೇದಿಕೆಡ್ ರಾಷ್ಟ್ರಪತಿ ಪ್ರಶಸ್ತಿ ವಿಜೇತ ಶಿಕ್ಷಕೆರಾಯಿನ ಸುರೇಶ್ ಮರಕಾಲ,ಶಿಕ್ಷಕೆರಾಯಿನ ಮನು ಹಂದಾಡಿ,ಅರ್ಪಿತಾ ಶೆಟ್ಟಿ ಕಟಪಾಡಿ,ವಂದನಾ ರೈ ಕಾರ್ಕಳ,ನಿರ್ಮಲ್ ಕುಮಾರ್ ಹೆಗ್ಡೆ ಕಾಪು,ಚಿತ್ರ ಕಲಾವಿದೆರಾಯಿನ ಅಕ್ಷಯ್ ಕೋಟ್ಯಾನ್ ಮೊಕ್ಲೆಗ್ ಮಾನಾದಿಗೆ ಮಲ್ತೆರ್.
ಶಾಖಾ ಮುಖ್ಯಸ್ಥೆರಾಯಿನ ಹಫೀಜ್ ರೆಹಮಾನ್,ಜಿ.ಆರ್ ಎಮ್ ರಾಘವೇಂದ್ರ ನಾಯಕ್,ಚಾರಿಟಿ ಉಸ್ತುವಾರಿ ತಂಝೀಮ್ ಶಿರ್ವ,ಶಾಖಾ ವ್ಯವಸ್ಥಾಪಕೆರಾಯಿನ ಪುರಂದರ್ ತಿಂಗಳಾಯ ಉಪಸ್ಥಿತರಿತ್ತೆರ್.
ಆರ್.ಜೆ.ಎರಾಲ್ ಕಜ್ಜೊದ ನಿರೂಪಣೆ ಮಲ್ತೆರ್