ಪರಿಸರ ದಿನಾಚರಣೆ

ಪರಿಸರ ಸಂರಕ್ಷಣೆಡ್  ಹಕ್ಕು ಬೊಕ್ಕ ಜವಾಬ್ದಾರಿನ್ ಮದಪರೆ ಬಲ್ಲಿ: ಡಿಸಿಎಫ್‌ ರುಥ್ರನ್ ಪಿ

ಕುಂದಾಪುರ: ಪರಿಸರದ ಮಿತ್ತ್  ಪ್ರತಿಯೊರಿಗುಲಾ ಹಕ್ಕು ಉಪ್ಪುನಂಚ ಅವ್ವೆನ್  ರಕ್ಷಣೆ ಮಲ್ಪುನ ಜವಾಬ್ದಾರಿಲಾ ಉಂಡು.. ಆ ಜವಾಬ್ದಾರಿಡ್  ಜಾರಿಯಡ ಪರಿಸರದ ಮಿತ್ತ್ ವ್ಯತಿರಿಕ್ತ ಪರಿಣಾಮ ಆಪುಂಡ್.. ಪರಿಸರ ಸಂರಕ್ಷಣೆದ ವಿಷಯಡ್  ನಮ ನಮನ ಹಕ್ಕು ಬೊಕ್ಕ ಜವಾಬ್ದಾರಿನ್ ಮದಪರೆ ಬಲ್ಲಿ ಪಂಡುದು  ಕುಂದಾಪುರ ವಿಭಾಗದ ಉಪ ಅರಣ್ಯ ಸಂರಕ್ಷಣಾಧಿಕಾರಿ ರುಥ್ರನ್ ಪಿ. ಪಂಡೆರು.

ಆರು ಬಸ್ರೂರುದ  ಶ್ರೀ ಶಾರದಾ ಕಾಲೇಜಿಡ್  ಕುಂದಾಪುರ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘ, ಅರಣ್ಯ ಇಲಾಖೆ ಬೊಕ್ಕ ಶ್ರೀ ಶಾರದಾ ಕಾಲೇಜು ಸಹಯೋಗಡ್  ವಿಶ್ವ ಪರಿಸರ ದಿನಾಚರಣೆ ಅಂಗವಾದ್  ಆಯೋಜನೆ ಮಲ್ದಿನ ಪರಿಸರ ಜಾಗೃತಿ ಕಾರ್ಯಕ್ರಮಗ್  ದೈ  ನಡ್ಪುನ ಮೂಲಕ ಚಾಲನೆ ಕೊರ್ದು ಪಾತೆರಿಯೆರು.

ವಿದ್ಯಾರ್ಥಿಲು ತಂಕ್ಲೆನ ಪ್ರತಿಯೊಂಜಿ  ಕಾರ್ಯಲಾ ಪರಿಸರದ ಮಿತ್ತ್  ಎಂಚ   ಪರಿಣಾಮ ಬೂರುಂಡ್  ಪನ್ಪಿನವ್ವೆನ್  ತೆರಿಯೊಂಡೆರಡ ನಿಜವಾಯಿನ  ಜಾಗೃತಿ ಪುಟ್ಟುಂಡ್ ಪಂಡುದು ಪ್ರಕೃತಿ ಸಂರಕ್ಷಣೆ ಮಲ್ತುಜಿಡ ದುಂಬು ದ  ಪೀಳಿಗೆ ನನಲಾತ್  ಸಂಕಷ್ಟ ಎದುರಿಸಾವೊಡಾಪುಂಡ್ . ಪ್ಲಾಸ್ಟಿಕ್ ಬಳಕೆನ್  ಹಂತ ಹಂತವಾದ್  ಕಡಿಮೆ ಮಲ್ಪುನ ಮೂಲಕ ಪರಿಸರದ ಸಮತೋಲನ ಕಾತೊನುಗ ಪಂಡುದು ಆರು ಪಂಡೆರು.

ಸಭಾ ಕಾರ್ಯಕ್ರಮಡ್  ಹಿರಿಯ ಪತ್ರಕರ್ತ ಜಾನ್ ಡಿಸೋಜ ಅರೆಗ್  ಗಿಡ ಹಸ್ತಾಂತರ ಮಲ್ಪುನ ಮೂಲಕ ಚಾಲನೆ ಕೊರಿನ ಆರ್‌ಎಫ್‌ಒ ರಾಘವೇಂದ್ರ ನಾಯ್ಕ್ ಪಾತೆರ್ದ್  ಪ್ರಕೃತಿದ ಪ್ರತಿಯೊಂಜಿ ಜೀವಿ ಬೊಕ್ಕ ಸಸ್ಯಗುಲಾ  ತನ್ನನೇ  ಆಯಿನ ಮಹತ್ವ ಉಂಡು.. ಅರಣ್ಯ ನಾಶಡಾದ್  ಪರಿಸರದ ಸಮತೋಲನ ಹಾಳಾವೊಂದಿತ್ತುದ್ , ಅವ್ವೇತೊ ಜೀವಸಂಕುಲದ ಅಳಿವುದ ಪರಿಣಾಮ ಮಾನವ ಜೀವನದ ಮಿತ್ತುಲಾ  ಬೂರೊಂದುಂಡ್.. ಪ್ಲಾಸ್ಟಿಕ್ ಬಳಕೆ ಕಡಿಮೆ ಮಲ್ತುದ್ ಪರಿಸರ ಸಂರಕ್ಷಣೆಗ್ ಹೆಚ್ಚಿಗೆ ಒತ್ತು ಕೊರೊಡಾತುಂಡ್ ಪಂಡೆರು.

ಶ್ರೀ ಶಾರದಾ ಕಾಲೇಜಿದ ಸಂಚಾಲಕಿ ಅನುಪಮಾ ಎಸ್. ಶೆಟ್ಟಿ ಪಾತೆರ್ದ್ , ದಿನನಿತ್ಯದ ಬದುಕುಡ್  ಸಾಧ್ಯವಾಯಿನಾತ್  ಪ್ಲಾಸ್ಟಿಕ್ ಬಳಕೆ ಕಡಿಮೆ ಮಲ್ಪುನಂಚ ಗಮನ ಕೊರೊಡು ಎಡ್ಡೆ  ಆರೋಗ್ಯ ಬೊಕ್ಕ ಸುಸ್ಥಿರ ಬದುಕುಗ್  ಪರಿಸರ ಸಂರಕ್ಷಣೆ ಅಗತ್ಯ ಪಂಡೆರು.

ಕಾಲೇಜಿದ  ಪ್ರಾಂಶುಪಾಲ ಡಾ. ದಯಾನಂದ ಎನ್. ಪಾತೆರ್ದ್ ಪ್ಲಾಸ್ಟಿಕ್ ಬಳಕೆನ್ ಸಂಪೂರ್ಣ ನಿಷೇಧ ಮಲ್ಪುನ ಕಷ್ಟ ಆಂಡಲಾ ಅಯಿತ್ತ  ಮರುಬಳಕೆ ಬೊಕ್ಕ ಸಮರ್ಪಕ ವಿಲೇವಾರುಗ್ ಆದ್ಯತೆ ಕೊರೊಡಾತುಂಡ್  ಪಂಡೆರು.

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಸುಬ್ರಹ್ಮಣ್ಯ ಭಟ್ (ಸುಜಿ ಕುರ್ಯ) ಪಾತೆರ್ದ್, ಹವಾಮಾನ ವೈಪರೀತ್ಯಗ್  ನಮ ಮಾತೆರ್ಲ ಕಾರಣ ಆವೊಂದುಲ್ಲ. ನಮ್ಮ ತಪ್ಪುದ  ಪರಿಣಾಮೊನ್  ಭವಿಷ್ಯದ ತಲೆಮಾರು ಅನುಭವಿಸರೆಗ್ ಬಲ್ಲಿ. ಭೂಮಿ, ಸಮುದ್ರ ಬೊಕ್ಕ ಬಾಹ್ಯಾಕಾಶಡುಲಾ ಪ್ಲಾಸ್ಟಿಕ್ ತ್ಯಾಜ್ಯದ ಪ್ರಮಾಣ ಹೆಚ್ಚಾವೊಂದಿತ್ತುದ್ ಅಯಿತ್ತ ಮರುಬಳಕೆ  ಬೊಕ್ಕ ವಿಲೇವಾರಿ ಬಗ್ಗೆ ಮಾತೆರ್ಲ ಕಾರ್ಯಪ್ರವೃತ್ತರಾವೊಡ್  ಪಂಡುದು ಲೆಪ್ಪು ಕೊರಿಯೆರು.

ಕುಂದಾಪುರ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ನಾಗರಾಜ್ ರಾಯಪ್ಪನಮಠ ಅಧ್ಯಕ್ಷತೆಡಿತ್ತೆರು. ಕಾಲೇಜು ಆಡಳಿತ ಮಂಡಳಿ ಸದಸ್ಯ ಸುಭಾಷ್ಚಂದ್ರ ಶೆಟ್ಟಿ ಬಾಂಡ್ಯ, ಜಿಲ್ಲಾ ಸಂಘದ ಕಾರ್ಯದರ್ಶಿ ಟಿ. ಲೋಕೇಶ್ ಆಚಾರ್ಯ ಉಪಸ್ಥಿತರಿತ್ತೆರು.

ಸಂಘದ ಪ್ರಧಾನ ಕಾರ್ಯದರ್ಶಿ ಗಣೇಶ್ ಬೀಜಾಡಿ ಸ್ವಾಗತ ಮಲ್ತೆರು. ಕೋಶಾಧಿಕಾರಿ ಶ್ರೀಕಾಂತ ಹೆಮ್ಮಾಡಿ ಸೊಲ್ಮೆ ಸಂದಾಯ್ತ ಮಲ್ತೆರು. ಉಪನ್ಯಾಸಕ ಅಕ್ಷಯ ಹೆಗ್ಡೆ ಮೊಳಹಳ್ಳಿ ಕಾರ್ಯಕ್ರಮ ನಿರೂಪಣೆ ಮಲ್ತೆರು.


ರಾಜ್ಯ ಬೊಕ್ಕ ಜಿಲ್ಲಾ ಸಂಘದ ನಿರ್ದೇಶನದಂಚ ಕುಂದಾಪುರ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘಗ್  33 ವರ್ಷ ಆಯಿನ  ಹಿನ್ನೆಲೆಡ್  ಕಾಲೇಜಿದ ಕ್ರೀಡಾಂಗಣದ ಸುತ್ತ 33 ಬಗೆತ್ತ ಫಲ ಕೊರ್ಪಿನ ದೈಕುಲೆನ್ ನಡ್ಪಿನ ಮೂಲಕ ವಿಶೇಷ ಪರಿಸರ ಅಭಿಯಾನ ಮಲ್ತೆರ್..