ಕ್ರೀಡೆಡ್ ತೊಡಗಿಸಾವೊಂದ್ ನಮ್ಮ ದೈಹಿಕ ಸಾಮರ್ಥ್ಯೊನ್ ಜಾಸ್ತಿ ಮಲ್ತೊನೊಲಿ ಪಂಡುದ್ ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಶನ್ ಬ್ರಹ್ಮಾವರ ವಲಯಾಧ್ಯಕ್ಷೆರಾಯಿನ ಪ್ರಕಾಶ್ ಜತ್ತನ್ ಪಂಡೆರ್. ಆರು ಉಡುಪಿ ವಲಯದಕುಲು ಆಯೋಜನೆ ಮಲ್ದಿನ ನಗರಸಭೆತ್ತ ಬೂಡುದಗುಡ್ಡೆ ಕ್ರೀಡಾಂಗಣೊಡ್ ವಾರ್ಷಿಕ ಕ್ರೀಡಾಕೂಟನ್ ಉದಿಪನ ಮಲ್ತುದ್ ನಮ ಏಪೊಲಾ ಆರೋಗ್ಯರಾದಿಪ್ಪೊಡಾಂಡ ಕ್ರೀಡೆಗ್ ಹೆಚ್ಚ ಆದ್ಯತೆ ಕೊರೊಡು ಪಂಡುದ್ ತೆರಿಪಾಯೆರ್.
ಮಲ್ಲ ಬಿನ್ನೆರಾದ್ ಉಡುಪಿ ವಲಯದ ಮಾಜಿ ಅಧ್ಯಕ್ಷೆರಾಯಿನ ಅನಿಶ್ ಶೆಟ್ಟಿಗಾರ್ ಪಾತೆರ್ದ್ ಪ್ರತಿಯೊರಿಲಾ ವೃತ್ತಿದ ಒಟ್ಟುಗ್ ಕ್ರೀಡಾ ಚಟುವಟಿಕೆಡ್ ಜಾಸ್ತಿ ಪಾಲ್ ಪಡೆಯೊಡ್ ಪಂಡುದ್ ತೆರಿಪಾಯೆರ್.
ಈ ಸಂದರ್ಭೊಡ್ ಕೇಂದ್ರ ಸಮಿತಿದ ಸಂಘಟನಾ ಕಾರ್ಯದರ್ಶಿ ಸುಂದರ ಪೂಜಾರಿ ಕೊಳಲಗಿರಿ, ಕ್ರೀಡಾಕಾರ್ಯದರ್ಶಿಲಾಯಿನ ಅಶೋಕ್ ಪುತ್ರನ್, ಪ್ರವೀಣ್ ಖಂಡಿಗೆ, ಕೋಶಾಧಿಕಾರಿ ದಿವಾಕರ ಹಿರಿಯಡ್ಕ, ಉಪಾಧ್ಯಕ್ಷ ಸುರಭಿ ಸುದೀರ್ ಶೆಟ್ಟಿ, ಎಸ್ ಕೆಪಿಎ ಸೊಸೈಟಿ ಅಧ್ಯಕ್ಷ ಕೆ ವಾಸುದೇವ ರಾವ್, ಕಟ್ಟಡ ಸಮಿತಿ ಸಂಚಾಲಕ ಆಸ್ಟ್ರೋ ಮೋಹನ್ ಉಪಸ್ಥಿತರಿತ್ತೆರ್.
ವಲಯಾಧ್ಯಕ್ಷ ಜನಾರ್ದನ್ ಕೊಡವೂರು ಸ್ವಾಗತ ಮಲ್ತುದ್ ಪ್ರಧಾನ ಕಾರ್ಯದರ್ಶಿ ಪರ್ವೀನ್ ಕೊರೆಯ ಧನ್ಯವಾದ ಮಲ್ತೆರ್. ರಾಘವೇಂದ್ರ ಶೇರಿಗಾರ್ ನಿರೂಪಣೆ ಮಲ್ತೆರ್.
by 