ಗಾಂಧಿ ಶತಾಬ್ದಿ ಶಾಲೆಡ್ ಯೋಗ

ವಿಶ್ವ ಯೋಗ ದಿನ: ಗಾಂಧಿ ಶತಾಬ್ದಿ ಶಾಲೆಡ್  ಯೋಗ ತರಬೇತಿ ಶಿಬಿರ
ಯೋಗ ಗುರು ಸತೀಶ್ ಕುಂದರ್ ಗ್  ಸನ್ಮಾನ.
ಮಲ್ಪೆ: ವಿಶ್ವ ಯೋಗ ದಿನದ ಅಂಗವಾದ್  ಗಾಂಧಿ ಶತಾಬ್ದಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ, ಮಲ್ಪೆ ಬೊಕ್ಕ ರೋಟರಿ ಮಲ್ಪೆ ಕರಾವಳಿದ  ಜಂಟಿ ಆಶ್ರಯಡ್  ಯೋಗ ತರಬೇತಿ ಶಿಬಿರ ಶಾಲಾ ಆವರಣಡ್  ಯಶಸ್ವಿಯಾದ್  ನಡತುಂಡ್..
ಕಾರ್ಯಕ್ರಮಡ್  ಯೋಗ ಗುರು ಸತೀಶ್ ಕುಂದರ್ ಅರೆನ್ ಸನ್ಮಾನ ಮಲ್ತೆರ್. ಬೊಕ್ಕ ಪಾತೆರಿನ ಆರು, “ಮನಸ್ಸು ನ್ ಸ್ವಚ್ಛ ಮಲ್ತುದ್ ಆರೋಗ್ಯಕರ ಜೀವನ ನಡಪಾವರೆಗ್ ಯೋಗಾಸನ  ಸಹಾಯ ಆಪುಂಡ್. ಯೋಗ ದೈಹಿಕ ಬೊಕ್ಕ ಮಾನಸಿಕ ಆರೋಗ್ಯನ್  ವೃದ್ಧಿ ಮಲ್ಪುನ ಅಮೂಲ್ಯ ಸಾಧನೆಯಾದುಂಡ್. ಪಂಡುದು ತೆರಿಪಾಯೆರು.
ಶಾಲಾಡಳಿತ ಮಂಡಳಿದ  ಅಧ್ಯಕ್ಷೆರಾಯಿನ ಶ್ರೀ ರವಿರಾಜ್ ಸಾಲ್ಯಾನ್ ಸ್ವಾಗತ ಬೊಕ್ಕ ಪ್ರಾಸ್ತಾವಿಕ ಪಾತೆರಿಯೆರು. ಸಹಶಿಕ್ಷಕಿ ಪೂರ್ಣಿಮಾ  ಸೊಲ್ಮೆ ಸಂದಾಯ್ತ ಮಲ್ತೆರು.ದೈಹಿಕ ಶಿಕ್ಷಕೆರಾಯಿನ  ಪ್ರೇಮಾನಂದ್ ಕಾರ್ಯಕ್ರಮದ ನಿರೂಪಣೆ ಮಲ್ತೆರು.
ಕಾರ್ಯಕ್ರಮಡ್  ಶಾಲಾಡಳಿತ ಮಂಡಳಿದ ಉಪಾಧ್ಯಕ್ಷೆರಾಯಿನ ಮಂಜುನಾಥ್ ಸಾಲ್ಯಾನ್, ಮುಖ್ಯ ಶಿಕ್ಷಕಿ ಶ್ರೀಮತಿ ರತ್ನ, ರೋಟರಿ ಮಲ್ಪೆ ಕರಾವಳಿದ ಅಧ್ಯಕ್ಷೆರಾಯಿನ  ಶ್ರೀ ಸುರೇಶ್ ಕರ್ಕೇರ, ಕಾರ್ಯದರ್ಶಿ ಯಶೋದಾ ಕೇಶವ್, ಜಿ.ಎಸ್.ಆರ್. ಮಹೇಶ್ ಕುಮಾರ್ ಬೊಕ್ಕ ಗಣೇಶ್ ಕುಂದರ್ ಉಪಸ್ಥಿತರಿತ್ತೆರು.
ಸಭಾ ಕಾರ್ಯಕ್ರಮಡ್  ಬೊಕ್ಕ ಯೋಗ ಗುರು ಸತೀಶ್ ಕುಂದರ್  ಶಾಲಾ ವಿದ್ಯಾರ್ಥಿಲೆಗ್   ಯೋಗಾಸನ ತರಬೇತಿ ಮಲ್ತುದ್ ಯೋಗದ ಮಹತ್ವನ್  ತೆರಿಪಾಯೆರು