ಸನ್ಮತಿ ಪತ್ರಿಕೆ ಬುಡುಗಡೆ

*ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ*
*‘ಸನ್ಮತಿ’ ಪತ್ರಿಕೆ ಬುಡುಗಡೆ – ‘ತಿಂಗಳ ಅಂಗಳ’ ಸಂವಾದ ಕಾರ್ಯಕ್ರಮ*

ಉಡುಪಿ: ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿಡ್ದ್  ಉಡುಪಿ ಪತ್ರಿಕಾ ಭವನ ಸಮಿತಿದ ಸಹಯೋಗಡ್ ಸಂಘದ ಮಾಸಿಕ ಪತ್ರಿಕೆ ‘ಸನ್ಮತಿ’ ಮಾರ್ಚ್ ತಿಂಗಳ ಸಂಚಿಕೆದ ಬುಡುಗಡೆ ಬೊಕ್ಕ 2025–28ನೇ ಸಾಲುದ  ಗಣ್ಯೆರೆನೊಟ್ಟುಗ್ ಸಂವಾದ ‘ತಿಂಗಳ ಅಂಗಳ’ ಕಾರ್ಯಕ್ರಮದ ಉದ್ಘಾಟನೆ ಗುರುವಾರ ಉಡುಪಿ ಪತ್ರಿಕಾ ಭವನಡ್  ನಡತುಂಡ್..

ಪತ್ರಿಕೆ ಬುಡುಗಡೆ ಮಲ್ತುದ್ ಸಂವಾದ ಕಾರ್ಯಕ್ರಮಡ್ ಪಾತೆರಿನ ಕರಾವಳಿ ಅಭಿವೃದ್ಧಿ ಮಂಡಳಿ ಅಧ್ಯಕ್ಷ ಎಂ.ಎ. ಗಫೂರ್, ಕೇರಳದ ಕೊಚ್ಚಿ ವಾಟರ್ ಮೆಟ್ರೋ ಮಾದರಿನ್ ಆಧಾರ ಮಲ್ತೊಂದ್ ಕರ್ನಾಟಕದ ಕರಾವಳಿ ನಗರಲೆಡ್  ಸಮಾನ ವ್ಯವಸ್ಥೆಲೆನ್  ಅಭಿವೃದ್ಧಿ ಮಲ್ಪುನ  ಪ್ರಸ್ತಾವನೆ ಇತ್ತುದ್, ಈ ಸಂಬಂಧ ಕೊಚ್ಚಿ ವಾಟರ್ ಮೆಟ್ರೋ ತಂಡ ಕರಾವಳಿದ  ಮೂಜಿ  ಜಿಲ್ಲೆಲೆಗ್  ಭೇಟಿ ಕೊರ್ದು ಅಧ್ಯಯನ ನಡಪಾದುಂಡ್ .ತಂಡ  ಶೀಘ್ರಡೇ  ಪ್ರಾಥಮಿಕ ವರದಿ ಕೊರ್ಪಿನ  ನಿರೀಕ್ಷೆ ಉಂಡು ಪಂಡೆರು.

ಈ ಯೋಜನೆ ಸಂಬಂಧ ದುಂಬು ದ  ಹಂತೊಡ್ ತಾಂತ್ರಿಕವಾದ್ ಟ್ರಾಫಿಕ್ ಸರ್ವೆ ಮಲ್ತುದ್, ವಿಸ್ತೃತ ಯೋಜನಾ ವರದಿ ತಯಾರ್ ಮಲ್ಪುಂಡ್ .ಈ ಬಗ್ಗೆ ಮೂಜಿ  ಜಿಲ್ಲೆದ ಜಿಲ್ಲಾಧಿಕಾರಿಲೆನೊಟ್ಟುಗ್  ಸತತ ಸಂಪರ್ಕಡಿತ್ತುದ್ ಯೋಜನೆ ಜಾರಿ ಕನಪಿನ ನಿಟ್ಟುಡ್  ಪ್ರಯತ್ನಲೆನ್ ಮಲ್ತೊಂದುಂಡ್ ಪಂಡುದು ತೆರಿಪಾಯೆರು.
ಉಡಾನ್ ಯೋಜನೆಯಡಿ ಮಂಗಳೂರು–ಮರವಂತೆ–ಗೋವಾ ಕರಾವಳಿ, ಮಂಗಳೂರು–ಕೊಚ್ಚಿ ಬೊಕ್ಕ ಮಂಗಳೂರು–ಮೈಸೂರು (ಕಬಿನಿ ಪ್ರದೇಶ) ಸಂಪರ್ಕ ಮಲ್ಪುನ ವಾಟರ್ ಏರೋಡ್ರೋಮ್‌ ಲೆಗ್ ಅನುಮೋದನೆ ಕೊರ್ತುಂಡ್.. ಭಾರೀ ವಾಹನದ  ಸಂಚಾರಡಾದ್  ಆಪಿನ ನಗರ ಸಂಚಾರ ದಟ್ಟಣೆ ಕಡಿಮೆ ಮಲ್ಪರೆಗ್ ಟ್ರಕ್‌ ಲೆನ್  ನದಿ/ಸಮುದ್ರ ಮಾರ್ಗದ ಮೂಲಕ ಸಾಗಿಸಾವುನ ರೋ-ರೋ ಫೆರ್ರಿ ಸೇವೆಲೆನ್ ಪರಿಚಯಿಸಾವುನ ಯೋಜನೆ ಉಂಡು ಪಂಡುದು  ಆರು ಮಾಹಿತಿ ಕೊರಿಯೆರು.

ಕರಾವಳಿ ಅಭಿವೃದ್ಧಿ ಮಂಡಳಿ ದಕ್ಷಿಣ ಕನ್ನಡ, ಉಡುಪಿ ಬೊಕ್ಕ ಉತ್ತರ ಕನ್ನಡ ಜಿಲ್ಲೆಲೆನ  ಸಮಗ್ರ ಅಭಿವೃದ್ಧಿಗಾದ್  ಬೇತೆ ಬೇತೆ ಕೇಂದ್ರ ಬೊಕ್ಕ ರಾಜ್ಯ ಸರ್ಕಾರದ  ಯೋಜನೆಲೆನ್ ಸಮನ್ವಯ ಮಲ್ಪುನ ನಿಟ್ಟುಡ್  ರೂಪುರೇಷೆ ಸಿದ್ಧಪಡಿಸಾವೊಈದುಂಡ್. ಬಹುಸಂಪರ್ಕ ವ್ಯವಸ್ಥೆ, ಪ್ರವಾಸೋದ್ಯಮ, ಮೀನುಗಾರಿಕೆ, ಕೈಗಾರಿಕೆ ಬೊಕ್ಕ ಪರಿಸರಗ್ ಸಂಬಂಧ ಪೆಟ್ಟಿನ  ಯೋಜನೆಲೆನ್  ಮಲ್ತೊಂದುಂಡ್ ಪಂಡುದು ಆರು ಪಂಡೆರು.

ಕರಾವಳಿದ  ಮೂಜಿ  ಜಿಲ್ಲೆಲೆಡ್  ರಾಷ್ಟ್ರಿಯ ಸಾದಿಗ್ ಪರ್ಯಾಯವಾದ್ ರಸ್ತೆ ನಿರ್ಮಾಣ ಮಲ್ಪುನ ಯೋಜನೆ ಮಲ್ತೊಂದಿತ್ತುದ್ , ಉಂದೆನ್ ರಾಷ್ಟ್ರೀಯ ಹೆದ್ದಾರಿ ಇಲಾಖೆದ ಮೂಲಕ ಮಲ್ಪರೆಗ್ ಮಾಸ್ಟರ್ ಪ್ಲಾನ್ ಮಲ್ದುಂಡ್ ಪಂಡುದು ದು ಎಂ.ಎ. ಗಫೂರ್ ತೆರಿಪಾಯೆರು.

ಮಂಡಳಿಗ್  100–500 ಕೋಟಿ ರೂ. ವಿಶೇಷ ಅನುದಾನ ಕೊರ್ರೆಗ್  ಮುಖ್ಯಮಂತ್ರಿಲೆಗ್  ಪ್ರಸ್ತಾಪ ಕೊರ್ತುಂಡ್.. ಕರಾವಳಿ ಅಭಿವೃದ್ಧಿ ಮಂಡಳಿ ಅಧ್ಯಕ್ಷೆ  ಆದ್ ಅಧಿಕಾರ ಸ್ವೀಕಾರ ಮಲ್ಪುನ ಸಂದರ್ಭಡ್  ಮಂಡಳಿಡಿತ್ತಿನ  10 ಕೋಟಿ ರೂ. ಅನುದಾನೊನ್  ಸಮರ್ಪಕವಾದ್  ವಿನಿಯೋಗ ಮಲ್ದುಂಡ್.. ಈ ಬಾರಿದ  ಬಜೆಟ್‌ ಡ್  ಕುಡ 10 ಕೋಟಿ ರೂ. ಅನುದಾನ ಒದಗಿಸಾದುಂಡ್  ಪಂಡೆರು.

ಕಾರ್ಯಕ್ರಮದ ಅಧ್ಯಕ್ಷತೆಡ್   ಸಂಘದ ಉಡುಪಿ ಜಿಲ್ಲಾ ಅಧ್ಯಕ್ಷ ಸುಬ್ರಹ್ಮಣ್ಯ ಜಿ. ಕುರ್ಯ ಇತ್ತೆರು. ರಾಜ್ಯ ಸಮಿತಿ ಸದಸ್ಯ ಅಸ್ಟೋ ಮೋಹನ್ ಉಪಸ್ಥಿತರಿತ್ತೆರು. ಸಂಘದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಸ್ವಾಗತ ಮಲ್ತುದ್,. ಪತ್ರಿಕಾ ಭವನ ಸಮಿತಿದ  ನಿಕಟಪೂರ್ವ ಸಂಚಾಲಕ ಅಜಿತ್ ಆರಾಡಿ ಸೊಲ್ಮೆ ಸಂದಾಯ್ತ ಮಲ್ತೆರು. ಪತ್ರಕರ್ತ ರಹೀಂ ಉಜಿರೆ ಕಾರ್ಯಕ್ರಮ ನಿರೂಪಣೆ ಮಲ್ತೆರು.