ಸತ್ಯದ ತುಳುವೆರ್ ವತಿಡ್ದ್ ಕೊರಂಗ್ರಪಾಡಿಡ್ ಧರ್ಮಾರ್ಥ ಕಣ್ಣುದ ಚಿಕಿತ್ಸಾ ಶಿಬಿರ..

ಸತ್ಯ ದ ತುಳುವೆರ್ (ರಿ) ಉಡುಪಿ-ಮಂಗಳೂರು ಬೊಕ್ಕ ಜೂನಿಯರ್ ಫ್ರೆಂಡ್ಸ್ ಕೊರಂಗ್ರಪಾಡಿ, ಇವರ ನೇತೃತ್ವಡ್ ಪ್ರಸಾದ್ ನೇತ್ರಾಲಯ ಸೂಪರ್ ಸ್ಪೆಶಾಲಿಟಿ ಕಣ್ಣಿನ ಆಸ್ಪತ್ರೆ ಉಡುಪಿ, ನೇತ್ರ ಜ್ಯೋತಿ ಚಾರಿಟೇಬಲ್ ಟ್ರಸ್ಟ್ ಉಡುಪಿ,
ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಸೊಸೈಟಿ (ಅಂದತ್ವ ವಿಭಾಗ) ಉಡುಪಿ,
ಡಾಕ್ಟರ್ ಪಿ ದಯಾನಂದ ಪೈ ಬೊಕ್ಕ ಸತೀಶ್ ಪೈ ಚಾರಿಟೇಬಲ್ ಟ್ರಸ್ಟ್( ರಿ) ಮೊಕ್ಲೆನ ಸಹಕಾರಡ್ ತಾರೀಕು 21 -11 -2021 ನೇ ಐತಾರದಾನಿ ಕೊರಂಗ್ರಪಾಡಿ ಪೂರ್ಣಬೋಧ ಸಭಾಂಗಣೊಡ್ ಧರ್ಮಾರ್ಥ ಕಣ್ಣು ತಪಾಸಣಾ ಬೊಕ್ಕ ಚಿಕಿತ್ಸಾ ಶಿಬಿರ, ಕರ್ನಾಟಕ ರತ್ನ ಪುನೀತ್ ರಾಜಕುಮಾರ್ ಮೆರೆಗ್ ಶ್ರದ್ಧಾಂಜಲಿ ಸಭೆ, ತಂಡದ 50 ಸದಸ್ಯರೆಡ್ದ್ ನೇತ್ರದಾನ ನೊಂದಾವಣೆ, ದೀಪಾವಳಿ ಪ್ರಯುಕ್ತ ನಡತಿನ ಸೆಲ್ಫಿ ಫ್ಯಾಮಿಲಿದ ಇನಾಮು ವಿತರಣೆ ಬೊಕ್ಕ ಸಾಧಕರೆಗ್ ಸನ್ಮಾನ ಕಾರ್ಯಕ್ರಮ ನಡತುಂಡ್. ಕಾರ್ಯಕ್ರಮದ ಉದೀಪನ ಮಲ್ತಿನ ಮಾಜಿ ಸಚಿವೆರಾಯಿನ ಶ್ರೀ ವಿನಯ ಕುಮಾರ್ ಸೊರಕೆ ನೇತ್ರ ತಪಾಸಣಾ ಶಿಬಿರ, ನೇತ್ರದಾನ ನೊಂದಾವಣೆ ಬೊಕ್ಕ ಪುನೀತ್ ರಾಜಕುಮಾರ್ ಗ್ ಶ್ರದ್ಧಾಂಜಲಿ ಮೂಜಿ ಕಾರ್ಯಕ್ರಮ ಒಂಜೈಕೊಂಜಿ ಎಡ್ಡೆ ಸಂಬಂಧನ್ ಕಲ್ಪಿಸಾವುಂಡ್. ಈ ಸಂಸ್ಥೆ ಇಂಚಿನ ಸಮಾಜಮುಖಿ ಕಾರ್ಯೊಲೆಡ್ ತೊಡಗಿಸಾವೊಂದ್ ಸಮಾಜಗ್ ಮಾದರಿಯಾವಡ್ ಪಂಡುದ್ ಶುಭ ಹಾರೈಸಿಯೆರ್. ಸಭಾ ಅಧ್ಯಕ್ಷತೆನ್ ಕಾಪು ವಿಧಾನಸಭಾ ಕ್ಷೇತ್ರದ ಶಾಸಕರಾದುಪ್ಪುನ ಶ್ರೀ ಲಾಲಾಜಿ ಆರ್ ಮೆಂಡನ್ ಆರು ಪಾತೆರ್ದ್ ನೇತ್ರದಾನ ನೋಂದಾವಣಿ ಕಾರ್ಯಕ್ರಮ ಒಂಜಿ ಎಡ್ಡೆ ಕಾರ್ಯಕ್ರಮವಾದಿತ್ತುದ್ ಮಾತಾ ಸಂಘ ಸಂಸ್ಥೆಲು ಇಂಚಿನ ಕಾರ್ಯಕ್ರಮನ್ ಮಲ್ತುಂಡ ನಮ್ಮ ದೇಶಡುಪ್ಪುನ ಅಂಧತ್ವನ್ ದೂರ ಮಲ್ಪೊಲಿ ಪಂಡುದ್ ತಂಡೊಗ್ ಶುಭ ಹಾರೈಸಿಯೆರ್.

ಸತ್ಯದ ತುಳುವೆರ್ ತಂಡದ ದೀಪಾವಳಿ ವಿಶೇಷ ಸೆಲ್ಫೀ ವಿಥ್ ಫ್ಯಾಮಿಲಿ ಬಹುಮಾನ ವಿತರಣಾ ಕಾರ್ಯಕ್ರಮನ್ ಜ್ಯೋತಿಷ್ಯರು ವಿದ್ವಾನ್ ಕೆ ಪಿ ಶ್ರೀ ಕುಮಾರ್ ಗುರು ತಂತ್ರಿ ಮೇರ್ ಮಲ್ತೆರ್. ಸೆಲ್ಫೀ ವಿಥ್ ಫ್ಯಾಮಿಲಿದ ಸುರುತ್ತ ಇನಾಮುನ್ ಪ್ರಸನ್ನ ಭಟ್ ಪೆರಡೂರು ಕುಟುಂಬ, ದ್ವಿತೀಯ ಇನಾಮುನ್, ಗೋಪಾಲ ಪೂಜಾರಿ ಕುಟುಂಬ ಮಡುಂಬು, ಇನ್ನಂಜೆ, ದೆತೊಂಡೆರ್. ಸಮಾಧಾನಕರ 5 ಇನಾಮು ಇತ್ತುಂಡ್. ಸತ್ಯದ ತುಳುವೆರ್ ತಂಡದ ಸಮಾಜಮುಖಿ ಕಾರ್ಯವನ್ನು ಮೆಚ್ಚಿ ಕಾರ್ಯಕ್ರಮದ ಮುಖ್ಯ ಅತಿಥಿಯಾದ್ ಪಾಲ್ ಪಡೆಯಿನ ಮಲಬಾರ್ ಗೋಲ್ಡ್ ಉಡುಪಿ ನೆತ್ತ ಮುಖ್ಯಸ್ಥರಾದುಪ್ಪುನ ಶ್ರೀ ಹಫೀಜ್ ರೆಹಮಾನ್ ಮೆರೆಗ್ ತಂಡದ ವತಿಡ್ದ್ ಅಭಿನಂದನಾ ಪತ್ರ ಕೊರಿಯೆರ್. ವೇದಿಕೆಡ್ ವಿದ್ವಾನ್ ಜ್ಯೋತಿಷ್ಯರಾದುಪ್ಪುನ ಕೆ ಎ ಶ್ರೀ ರಮಣ್ಣ ಗುರು ತಂತ್ರಿ,
ಆಕಾಶವಾಣಿ ಕಲಾವಿದೆ ಶ್ರೀಮತಿ ಭಾರತಿ ಟಿ ಕೆ,
ಶಂಕರ್ ಪಾಲನ್, ಮಾಜಿ ಗ್ರಾಮ ಪಂಚಾಯತ್ ಸದಸ್ಯೆರ್ ಅಲೆವೂರು.
ರಾಜೇಶ್ ಶರ್ಮ ಅಂಬಲಪಾಡಿ, ಜೂನಿಯರ್ ಫ್ರೆಂಡ್ಸ್ ಕೊರಂಗ್ರಪಾಡಿ,
ಕೊರಂಗ್ರಪಾಡಿ ರಿಕ್ಷಾ ಚಾಲಕರ ಮಾಲಕರ ಸಂಘದ ಅಧ್ಯಕ್ಷರಾಯಿನ ಸೋಮನಾಥ ಕುಂದರ್,
ಲೇಖಕಿ ಸೌಮ್ಯ ಪುತ್ರನ್,
ಕಾಳಿಕಾಂಬ ಜ್ಯುವೆಲ್ಲರ್ಸ್ ಬೈಲೂರು ನೆತ್ತ ಮಾಲಕರಾಯಿನ ಪ್ರಸಾದ್ ಆಚಾರ್ಯ,
ಮಹಾ ವಿಷ್ಣುಮೂರ್ತಿ ಬಾಲ ಭಜನಾ ಮಂಡಳಿ ನೆತ್ತ
ಅಧ್ಯಕ್ಷರಾಯಿನ ಶೇಖರ ಅಮೀನ್,
ಸತ್ಯದ ತುಳುವೆರ್ ತಂಡದ ಸಂಸ್ಥಾಪಕರಾಯಿನ ,ಶಿವಪ್ರಕಾಶ್ ಎಸ್ ಮಲ್ಪೆ,
ಪ್ರಸಾದ್ ನೇತ್ರಾಲಯದ ವೈದ್ಯಾಧಿಕಾರಿ ಡಾಕ್ಟರ್ ಫರಿನ್ ಉಪಸ್ಥಿತರಿತ್ತೆರ್.
ಪ್ರಾಸ್ತಾವಿಕವಾದ್ ತಂಡದ ಸಂಸ್ಥಾಪಕರಾಯಿನ ಪ್ರವೀಣ್ ಕುರ್ಕಾಲ್ ಪಾತೆರಿಯೆರ್. ತಂಡದ ಉಪಾಧ್ಯಕ್ಷರಾಯಿನ ವಿನುತ ಹಿರಿಯಡ್ಕ ಸ್ವಾಗತ ಮಲ್ತೆರ್. ತಂಡದ ಸಾಂಸ್ಕೃತಿಕ ಕಾರ್ಯದರ್ಶಿ ಚೇತನ್ ಸುಭಾಷ್ ನಗರ ಧನ್ಯವಾದ ಮಲ್ತುದ್, ರಾಜಶೇಖರ್ ನಿರೂಪಣೆ ಮಲ್ತೆರ್. ಈ ಚಿಕಿತ್ಸಾ ಶಿಬಿರಡ್ 160 ಜನ ಪಾಲ್ ಪಡೆದ್ ಕಣ್ಣು ತಪಾಸಣೆ ಮಲ್ತೊಂಡೆರ್. ತಂಡದ 50 ಜನ ಸದಸ್ಯೆರು ನೊಂದಾವಣೆ ಮಲ್ತೆರ್.