ಸೆಟ್ ಅಪ್ ಬಾಕ್ಸ್ ಬದಲಾವಣೆ

ಇತ್ತೆ ಕೇಬಲ್ ಆಪರೇಟರ್ ನಕುಲು ಅಕ್ಲೆನ ಸೆಟ್ ಟಾಪ್ ಬಾಕ್ಸ್ ನ್ 2 ವರ್ಸೊಗು ಒರ ಬದಲಾವೊಂದುಲ್ಲೆರ್, ಉಂದೆಡ್ದ್ ಗಿರಾಕಿಲೆಗ್ ಮಸ್ತ್ ತೊಂದರೆ ಆವೊಂದುಂಡು. ಕೆಲವು ಕೇಬಲ್ ಆಪರೇಟರ್ ಬಾಸ್ ಲು ಬೇತೆ ಕೇಬಲ್ ಆಪರೇಟರ್ ಲೆಗ್ ಅಕ್ಲೆನ ಲಾಭೊಗು ಪೊಸ ಸೆಟ್-ಟಾಪ್ ಬಾಕ್ಸ್ ಲೆನ್ ಸ್ಥಾಪನೆ ಮಲ್ಪೆರೆ ಒತ್ತಾಯ ಮಲ್ತೊಂದುಲ್ಲೆರ್. ಪೊಸ ಕಂಪೆನಿಲು ಕೇಬಲ್ ಉದ್ಯಮೊಗು ಬತ್ತ್ದ್ ಗ್ರಾಹಕೆರೆಗ್ ಪೊಸ ಯೋಜನೆಲೆನ್ ಕೊರ್ದು ಮೋಸ ಮಲ್ತೊಂದುಲ್ಲೆರ್. ಇತ್ತೆ ಉಡುಪಿಗ್ ಪ್ರವೇಶ ಮಲ್ತಿನ ಗುಜರಾತ್ ಮೂಲದ ಒಂಜಿ ಕಂಪೆನಿ ಗಿರಾಕಿಲೆಗ್ ತಿಂಗೊಲ್ದ ಶುಲ್ಕದ ಒಟ್ಟುಗು ಉಚಿತ ಸೆಟ್ ಟಾಪ್ ಬಾಕ್ಸ್ ಲೆನ್ ಕೊರ್ಪುಂಡು ಪನ್ಪಿನ ಸುದ್ದಿ ಬತ್ತ್ಂಡ್. ಆಂಡ ಆಪರೇಟರ್ ನಕುಲು ಈ ಸೌಕರ್ಯ ಕೊರಂದೆ ಗಿರಾಕಿಲೆನ್ ಮೋಸ ಮಲ್ತೊಂದುಲ್ಲೆರ್. ಈ ಆಗಾಗ್ಗೆ ಬದಲಾವಣೆದ ಪ್ರಕ್ರಿಯೆ ಹಿರಿಯೆರ್ ಬೊಕ್ಕ ಗ್ರಾಮೀಣ ಜನಕುಲೆಗ್ ಮಸ್ತ್ ಸಮಸ್ಯೆ ಬೊಕ್ಕ ಅನಾನುಕೂಲ ಆವೊಂದುಂಡು. ಚಾನೆಲ್ ಲೆನ ಸಂಖ್ಯೆ ಬೇತೆ ಬೇತೆ ಉಂಡು ಬೊಕ್ಕ ಚಾನೆಲ್ ಲೆನ ಪ್ರಸಾರ ದುಂಬುದಲೆಕ ಕೆಟ್ಟಾದ್ ಉಂಡು. ಗ್ರಾಹಕೆರ್ ಹೆಚ್ಚಿನ ಭಾಗೊಡು ಅಯಿನ್ ನಿರಾಕರಣೆ ಮಲ್ತ್ಂಡಲಾ ಬಲವಂತೊಡು ಅನುಸ್ಥಾಪನೆ ಮಲ್ಪುನ ಬಗ್ಗೆ ದೂರುಲು ಬರ್ಪುಂಡು. ಮಸ್ತ್ ಆಪರೇಟರ್ ನಕುಲು ಗ್ರಾಹಕೆರೆಗ್ ಕೊರ್ತಿನ ಮೂಜಿ ತಿಂಗೊಲುದ ಉಚಿತ ಮಾಸಿಕ ಶುಲ್ಕದ ಸೌಲಭ್ಯೊನು ಒದಗಿಸೊಡು ಪನ್ಪಿನ ಬೇಡಿಕೆನ್ ಮಲ್ಪುನಗ ಅಸಮರ್ಪಕವಾದ್ ವರ್ತನೆ ಮಲ್ತೊಂದುಲ್ಲೆರ್. ಸಂಬಂಧಿತ ಇಲಾಖೆ ತಕ್ಷಣ ಸೂಕ್ತ ಕ್ರಮ ದೆತೊನೊಡು ಪಂದ್ ಗ್ರಾಹಕೆರ್ ಒತ್ತಾಯ ಮಲ್ತೊಂದುಲ್ಲೆರ್.