ತುಳು ಕಾಲಕೋಂದೆ ಬುಡುಗಡೆ.

ಭಾಷಾ ಸಂಸ್ಕ್ರತಿದ ಬಗೆಟ್ ಒಂಜಿ ಪೊಸ ಪ್ರಯತ್ನವಾದ್ ತುಲುಲಿಪಿಟ್  ತುಳುಕಾಲಕೋಂದೆ ಇನಿ ಲೋಕಾರ್ಪಣೆ ಆತುಂಡ್. ಉಂದು ದುಂಬುದ ಪೀಳಿಗೆಗ್ ತುಳುಬಾಸೆದ ಒರಿಪುಗ್ ಒಂಜಿ ಮಾದರಿಯಾವಡ್ ಪಂಡುದ್ ತುಳುಸಾಹಿತ್ಯ ಅಕಾಡೆಮಿದ ಮಾಜಿ ಪದುಕೆರ್ ಆಳುಪ ರಾಜ ವಂಶಸ್ಥೆರಾಯಿನ ಡಾ. ಆಕಾಶ್ ರಾಜ್ ಜೈನ್ ಪಂಡೆರ್. ಆರ್ ಇನಿ ಬಿಸುಪರ್ಬದ ವಿಶೇಷ ದಿನತ್ತಾನಿ ಒಡಿಪು ಪ್ರೆಸ್ ಕ್ಲಬ್ ಡ್ ಜೈ ತುಳುನಾಡ್ ಸಂಘಟನೆದ ವತಿಡ್ದ್ ನಡತಿನ ತುಳುಕಾಲಕೋಂದೆನ್ ಬುಡುಗಡೆ ಮಲ್ತುದ್ ಪಾತೆರಿಯೆರ್. ಪತ್ರಿಕಿಗೋಷ್ಠಿಡ್ ಜೈ ತುಲುನಾಡ್ ಸಃಘಟನೆ ಒಡಿಪು ಎಗ್ಗೆದ ಗುರ್ಕಾರ್ದಿ ಸುಶೀಲ ಜಯಕರ್, ಶರತ್ ಕೊಡವೂರು, ಸಂತೋಷ್ ಕಟಪಾಡಿ, ಪ್ರಶಾಂತ್ ಕುಂಜೂರು, ರಾಕೇಶ್ ಬಂಗೇರ, ಸುಪ್ರೀತಾ  ಉಪಸ್ಥಿತರಿತ್ತೆರ್.

ಈ ತುಲು ಕಾಲಮಾನದ ಪ್ರಕಾರ ತಯಾರ್ ಮಲ್ದಿನ ‘ಕಾಲಕೋಂದೆ” ಕ್ಯಾಲೆಂಡರ್ ದವಿಶೇಷತೆ ಪಂಡ ನೆತ್ತ ಕಾಲಮಾನ ಎಪ್ರಿಲ್ ತಿಂಗೊಲ್ದ ಮಧ್ಯಭಾಗಡ್ ಶುರುವಾಪುಂಡ್. ತಿಂಗೊಲುದ ಆರಂಭದ ದಿನ ಸಂಕ್ರಾಂದಿದ ಮರುದಿನವಾದುಪ್ಪುಂಡ್. ಆ ಸುರುತ್ತ ದಿನೊನ್  “ಸಿಂಗೊಡೆ” ಅತ್ತುಂಡ “ಸಿಂಗ್ ಡೆ ” ಪಂಡುದ್ ಲೆಪ್ಪುವೆರ್. ತುಳು ತಿಂಗೊಲು ಒವ್ವ್ ಪಂಡ, ಪಗ್ಗು , ಬೇಶ, ಕಾರ್ತೆಲ್,ಆಟಿ, ಸೋಣ, ನಿರ್ನಾಲ್(ಕನ್ಯಾ), ಬೊಂತೆಲ್, ಜಾರ್ದೆ, ಪೆರಾರ್ದೆ, ಪುಯಿಂತೆಲ್(ಪೊನ್ನಿ), ಮಾಯಿ, ಸುಗ್ಗಿ. ಅತ್ತಾವಂದೆ ಈ ಕಾಲಕೋಂದೆಡ್ ಕೆಲವು ಮುಖ್ಯವಾಯಿನ ದಿನೊಕ್ಲೆನ್  ಗುರ್ತ ಮಲ್ದುಂಡ್. ಕಾಲಕೋಂದೆನ್  ಆಕರ್ಷಕವಾದ್  ಮಲ್ದುಂಡ್. ಉಂದೆಟಾದ್  ಇನಿತ್ತ  ಯುವ ಪೀಳಿಗೆಗ್ ಬೊಕ್ಕ ತೌಳವ ಸಮಾಜಗ್  ತಮ್ಮ ಸಂಸ್ಕಾರದ ಅರಿವು ಬೊಕ್ಕ ತುಳು ತಿಂಗೊಲುದ ಮೂಲಕ ತಮ್ಮ ಸಂಸ್ಕೃತಿದ  ಒಲವುನ್  ಬುಲೆಪಾವರೆಗ್  ಪೂರಕವಾದುಂಡ್. ಈ ಕಾಲಕೋಂದೆನ್  ಪ್ರಶಾಂತ್ ಕುಂಜೂರು ಡಿಸೈನ್ ಮಲ್ದೆರ್. ನೆತ್ತ  ಹಿಂದೆ  ಪರಿಶ್ರಮ ಎದ್ದು ಕಾಣುತ್ತದೆ. ಈ ಕಾಲಕೋಂದೆನ್  ಖರೀದಿ ಮಲ್ತುದ್  ನಿತ್ಯ ಜೀವನಡ್  ಅಳವಡಿಸಾವೊಂದ್ ತುಳುಬಾಸೆ ಲೀಪಿಕ್ ಮಾನಾದಿಗೆ ತಿಕ್ಕೊಡ್ ಪನ್ಪಿನವ್ವೇ ಈ ಸಂಘಟನೆದ ಉದ್ದೇಶ ಆದುಂಡ್.