ಮಧುಶ್ರೀ ಪ್ರಕಾಶನ ಉಡುಪಿ

ಮೇ.೩೧ರಂದು ಕಿದಿಯೂರು ಮಧುಶ್ರೀ ಪ್ರಕಾಶನದ ನಲ್ಪನೇ ವರ್ಷದ ಸಂಭ್ರಮ
ಮಧುಶ್ರೀ ಪ್ರಕಾಶನದ ಬಗ್ಗೆ: ೪೦ವರ್ಷದ ಪಿರ  ಉಡುಪಿಡ್  ಆರಂಭ ಆಯಿನ  ಮಧುಶ್ರೀ ಪ್ರಕಾಶನ ಸಂಸ್ಥೆ ಉಡುಪಿ ತುಳುಕೂಟದ ಕಾರ್ಯದರ್ಶಿ ಗಂಗಾಧರ್ ಕಿದಿಯೂರು ಅರೆನ ಕನಸಾದಿತ್ತುಂಡ್. ತುಳು ರಂಗಭೂಮಿ, ಕಲೆ, ಸಾಹಿತ್ಯ ಬೊಕ್ಕ ಸಾಂಸ್ಕೃತಿಕ ಕ್ಷೇತ್ರಡ್  ಮೇರು ಅತೀವ ಆಸಕ್ತಿ ಇತ್ತಿನ ಕಾರಣ ಮಧುಶ್ರೀ ಪ್ರಕಾಶನನ್  ಪುಟ್ಟು ಪಾಡರೆಗ್  ಕಾರಣ ಆಂಡ್.. ೧೯೮೭ಡ್  ಅರೆನ ಮಿತ್ರೆರಾಯಿನ ಆರ್.ಕೆ.ಟೈಲರ್ ಅರೆನ  ಟೈಲರಿಂಗ್ ಅಂಗಡಿಡ್  ನಡತಿನ ಸರಳ ಸಮಾರಂಭಡ್   ಮಿತ್ರೆರಾಯಿನ ನ್ಯಾಯವಾದಿ ಭಾಸ್ಕರ್ ಮೇರು ಮಧುಶ್ರೀ ಪ್ರಕಾಶನನ್  ಉದಿಪನ ಮಲ್ತೆರು. ಈ ಸಂಸ್ಥೆದ  ಮೂಲಕ ಮೆರೆನ  ಕೆಲವು ನಾಟಕ ಕೃತಿಕುಲು ಪ್ರಕಟನೆ ಆತುಂಡ್.. ಅತ್ತಾವಂದೆ ಬೇತೆ ಬರವುದಕ್ಲೆನ ಒಟ್ಟು 40  ಬೇತೆ ಬೇತೆ ಪುಸ್ತಕಲೆನ್  ಪ್ರಕಾಶನಗ್  ಕನಪಿನ ಮೂಲಕ ಈ ಸಂಸ್ಥೆ  ಸಾಹಿತ್ಯ ಲೋಕಗ್  ತನ್ನನೇ ಆಯಿನ ಕೊಡುಗೆನ್  ಕೊರ್ತೆರ್.. ಗಂಗಾಧರ್ ಅರೆನ ಕೃತಿಕುಲು ಕನ್ನಡ ಸಾಹಿತ್ಯ ಸಮ್ಮೇಳನ, ವಿಶ್ವ ತುಳುಸಮ್ಮೇಳನ, ತುಳುಕೂಟ ಉಡುಪಿ, ಬೈದಶ್ರೀ ಸಂಶೋಧನಾ ಕೇಂದ್ರ ಆದಿಉಡುಪಿ ಮೂಲಕಲಾ ಪ್ರಕಟನೆ ಆತುಂಡ್.. ಮಧುಶ್ರೀ ಪ್ರಕಾಶನ ದಶಮಾನೋತ್ಸವ, ವಿಂಶತಿ ಉತ್ಸವ, ಬೆಳ್ಳಿಹಬ್ಬ, ತ್ರಿಂಶತಿ ಪರ್ಬೊನ್ ಉಡುಪಿ ಪೇಜಾವರ ಶ್ರೀ ವಿಶ್ವೇಶ್ವತೀರ್ಥ ಸ್ವಾಮೀಜಿ ಅರೆನ  ದಿವ್ಯಉಪಸ್ಥಿತಿಡ್  ಆಚರಣೆ ಮಲ್ದಿತ್ತುದ್, ಇತ್ತೆ 40ನೇ ವರ್ಷದ ಸಡಗರ ಸಂಭ್ರಮಡ್ ಉಂಡು.
ತುಳುಕೂಟ ಉಡುಪಿ (ರಿ.) ಬೊಕ್ಕ ವಿಶ್ವಪ್ರಭ ಪ್ರತಿಷ್ಠಾನ ಜಂಟಿ ಸಹಯೋಗಡ್ ಮಧುಶ್ರೀ ಪ್ರಕಾಶನ ಕಿದಿಯೂರುದ ವತಿಡ್ದ್  ಮಧುಶ್ರೀ ಪ್ರಕಾಶನದ ನಲ್ಪನೇ ವರ್ಷದ ಸಂಭ್ರಮ ಮೇ.31ಗ್ ಐತಾರ ಬಯ್ಯಗ್  3.30ಗಂಟೆಗ್  ಉಡುಪಿ ಕಿದಿಯೂರು ಹೋಟೇಲುದ  ಅನಂತಶಯನ ಸಭಾಂಗಣಡ್  ನಡಪರೆಗುಂಡ್. ಉಡುಪಿ ತುಳುಕೂಟದ ಅಧ್ಯಕ್ಷ ಬಿ.ಜಯಕರ್ ಶೆಟ್ಟಿ ಇಂದ್ರಾಳಿ ಕಾರ್ಯಕ್ರಮದ ಅಧ್ಯಕ್ಷತೆಡಿಪ್ಪುವೆರು. ಮುಖ್ಯ ಅತಿಥಿಲಾದ್  ಉಡುಪಿದ ಹಿರಿಯ ಉದ್ಯಮಿ ಯು. ವಿಶ್ವನಾಥ ಶೆಣೈ ಮೇರು ಪಾಲ್ ಪಡೆಯರೆಗುಲ್ಲೆರ್ . ಆ ಪೊರ್ತುಡ್  ಮೀರ್‌ಮಾರ್ ಗೋವಾದ ನಿವೃತ್ತ ಉಪಪ್ರಾಂಶುಪಾಲೆರಾಯಿನ ಎಸ್.ಎನ್.ಡಿ. ಪೂಜಾರಿ ಮೇರು ಬರೆತಿನ  ‘ತುಳುವ ದೈವ ಸಂಪ್ರದಾಯ’ ಅಧ್ಯಯನ ಗ್ರಂಥೊನ್  ಉಡುಪಿ ತುಳುಕೂಟದ ಸ್ಥಾಪಕಾಧ್ಯಕ್ಷ ಡಾ. ಭಾಸ್ಕರಾನಂದ ಕುಮಾರ್ ಬುಡುಗಡೆ ಮಲ್ಪುವೆರು. ಜಾನಪದ ವಿದ್ವಾಂಸ ಡಾ.ಗಣನಾಥ ಎಕ್ಕಾರ್ ಪುಸ್ತಕ ಪರಿಚಯ ಮಲ್ಪುವೆರು.
ತುಳುಕೂಟದ ಪ್ರಧಾನ ಕಾರ್ಯದರ್ಶಿ ಬೊಕ್ಕ ಮಧುಶ್ರೀ ಪ್ರಕಾಶನದ ಮುಖ್ಯಸ್ಥ, ಸಾಹಿತಿ ಗಂಗಾಧರ ಕಿದಿಯೂರು ಮೇರು ಬರೆತಿನ ‘ಪಿಂಗಾರದ ಬಾಲೆ ಸಿರಿ’ ತುಳು ನಾಟಕದ ಕೃತಿತ ಇಂಗ್ಲಿಷ್ ಆವೃತ್ತಿನ್  ಜಾನಪದ ವಿದ್ವಾಂಸೆರಾಯಿನ  ಡಾ. ಗಣೇಶ್ ಅಮಿನ್ ಸಂಕಮಾರ್ ಮೇರು ಬುಡುಗಡೆ ಮಲ್ಪುವೆರು. ಈ ಕೃತಿನ್  ಎಸ್.ಎನ್.ಡಿ. ಪೂಜಾರಿ ಮೇರು ಇಂಗ್ಲೀಷ್ ಗ್ ಅನುವಾದ ಮಲ್ದೆರ್.. ನಿವೃತ್ತ ಇಂಗ್ಲೀಷ್ ಪ್ರಾಧ್ಯಾಪಕಿ,ಲೇಖಕಿ ಡಾ.ಪಾರ್ವತಿ ಜಿ.ಐತಾಳ್ ಪುಸ್ತಕ ಪರಿಚಯ ಮಲ್ಪುವೆರ್. ಈ ಪೊರ್ತುಡ್ ನಿವೃತ್ತ ಪ್ರಾಂಶುಪಾಲ ಪ್ರೊ. ಎಂ. ಎಲ್. ಸಾಮಗ, ನಿವೃತ್ತ ಶಿಕ್ಷಕೆರಾಯಿನ ಸರಳಾ ಶೆಟ್ಟಿ, ಧನಲಕ್ಷ್ಮೀ, ಮುತ್ತಕ್ಕ ಮೊಕ್ಲೆಗ್  ಗುರುವಂದನೆ ಕಾರ್ಯಕ್ರಮ ನಡಪರೆಗುಂಡ್ .ಪ್ರತಿಭಾವಂತ ವಿದ್ಯಾರ್ಥಿಲಾಯಿನ  ತನುಶ್ರೀ ಪಿತ್ರೋಡಿ, ಸಂಹಿತಾ ಜಿ. ಪಿ., ಯಶಸ್ ಪಿ.ಸುವರ್ಣ ಕಟಪಾಡಿ, ಶಾರ್ವರಿ ಯು. ಅಂಚನ್, ಆದ್ಯ ಶ್ರೀನಾಥ್, ಅದಿತಿ ಶ್ರೀನಾಥ್, ಸಮರ್ಥ ಎಂ. ಸಿ, ತನ್ವಿ ಎಂ. ಕಿದಿಯೂರು, ವೈಷ್ಣವಿ ವಿಶ್ವನಾಥ್ ಮೊಕ್ಲೆಗ್  ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮ ನಡಪುಂಡು.. ಈ ಸಂದರ್ಭಡ್ ಮಧುಶ್ರೀ ಪ್ರಕಾಶನದೊಟ್ಟುಗ್  ಬೆರಿಕೋಲಾದ್  ಉಂತುದಿನ ಸಂಘಸಂಸ್ಥೆಲಾಯಿನ  ರಂಗಭೂಮಿ (ರಿ.) ಉಡುಪಿ, ಸುಮನಸಾ ಕೊಡವೂರು, ಕಲಾಕಿರಣ್ ಕ್ಲಬ್ ಬೈಲೂರು, ನವಸುಮ ರಂಗಮಂಚ ಕೊಡವೂರು, ಯೂತ್ ಸ್ಪೋರ್ಟ್ಸ್ ಅಂಡ್ ಕಲ್ಬರಲ್ ಕ್ಲಬ್ ಅಂಬಲಪಾಡಿ, ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ ಉಡುಪಿ, ವಿಠೋಬ ಭಜನಾ ಮಂದಿರ ಅಂಬಲಪಾಡಿ, ತುಳುಕೂಟ ಉಡುಪಿ (ರಿ.) ನಂದಗೋಕುಲ ಯುವಕ ಮಂಡಲ ಮಾರ್ಪಳ್ಳಿ, ಬೈದಶ್ರೀ ಸಂಶೋಧನಾ ಕೇಂದ್ರ ಆದಿ ಉಡುಪಿ ಮೊಕ್ಲೆಗ್  ಗೌರವಾರ್ಪಣೆ ನಡಪರೆಗುಂಡ್ ಪಂಡುದ್
ಪತ್ರಿಕಾಗೋಷ್ಠಿಡ್  – ಬಿ.ಜಯಕರ್ ಶೆಟ್ಟಿ ಇಂದ್ರಾಳಿ ಬೊಕ್ಕ ಗಂಗಾಧರ ಕಿದಿಯೂರು ತೆರಿಪಾದೆರ್., ವಿಶ್ವನಾಥ ಶೆಣೈ ಉಡುಪಿ, ಬಿ. ಪ್ರಭಾಕರ ಭಂಡಾರಿ, ಪ್ರಕಾಶ ಸುವರ್ಣ ಕಟಪಾಡಿ ಉಪಸ್ಥಿತರಿತ್ತೆರು.