ಮಧುಶ್ರೀ ಪ್ರಕಾಶನ

ಕಿದಿಯೂರು ಮಧುಶ್ರೀ ಪ್ರಕಾಶನದ ನಲ್ಪನೇ ವರ್ಷದ ಸಂಭ್ರಮ
ಉಡುಪಿಃ ತುಳುಕೂಟ ಉಡುಪಿ (ರಿ.) ಬೊಕ್ಕ ವಿಶ್ವಪ್ರಭ ಪ್ರತಿಷ್ಠಾನ ಜಂಟಿ ಸಹಯೋಗಡ್  ಮಧುಶ್ರೀ ಪ್ರಕಾಶನ ಕಿದಿಯೂರುದ  ವತಿಡ್ದ್  ಮಧುಶ್ರೀ ಪ್ರಕಾಶನದ ನಲ್ಪನೇ ವರ್ಷದ ಸಂಭ್ರಮಗ್  ಐತಾರ ಬಯ್ಯಗ್ ಉಡುಪಿ ಕಿದಿಯೂರು ಹೋಟೇಲುದ ಅನಂತಶಯನ ಸಭಾಂಗಣಡ್  ಚಾಲನೆ ಕೊರಿಯೆರ್.             ಉಡುಪಿ ತುಳುಕೂಟದ ಅಧ್ಯಕ್ಷೆರಾಯಿನ ಬಿ.ಜಯಕರ್ ಶೆಟ್ಟಿ ಇಂದ್ರಾಳಿ ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತುದ್ ಪಾತೆರ್ದ್, ತುಳು ಸಾಹಿತ್ಯ ಕ್ಷೇತ್ರಡ್  ಮುಂಚೂಣಿಡುಪ್ಪುನತುಳುಕೂಟದ ಕಾರ್ಯದರ್ಶಿ, ಸಾಹಿತಿ ಗಂಗಾಧರ್ ಕಿದಿಯೂರು ಮೇರು 40 ವರ್ಷಡ್ ಮಧುಶ್ರೀ ಪ್ರಕಾಶನದ ಮೂಲಕ 40 ಪುಸ್ತಕಲೆನ್ ಪ್ರಕಟಿಸಾವುನ ಮೂಲಕ ವಿವಿಧ ಬರಹಗಾರೆರೆನ್ ಬುಲೆಪಾವುನ ಕೆಲಸಮಲ್ದೆರ್ ಪಂಡೆರು. ಮಲ್ಲ ಬಿನ್ನೆರಾದ್ ಉಡುಪಿದ  ಹಿರಿಯ ಉದ್ಯಮಿ ಯು. ವಿಶ್ವನಾಥ ಶೆಣೈ ಮೇರು ಪಾಲ್ ಪಡೆದಿತ್ತೆರು. ಈ ಸಂದರ್ಭ ಮೀರ್‌ಮಾರ್ ಗೋವಾದ ನಿವೃತ್ತ ಉಪಪ್ರಾಂಶುಪಾಲೆರಾಯಿನ   ಎಸ್.ಎನ್.ಡಿ. ಪೂಜಾರಿ ಮೇರು ಬರೆತಿನ  ‘ತುಳುವ ದೈವ ಸಂಪ್ರದಾಯ’ ಅಧ್ಯಯನ ಗ್ರಂಥೊನ್  ಉಡುಪಿ ತುಳುಕೂಟದ ಸ್ಥಾಪಕಾಧ್ಯಕ್ಷ ಡಾ. ಭಾಸ್ಕರಾನಂದ ಕುಮಾರ್ ಬುಡುಗಡೆ ಮಲ್ತೆರು. ಜಾನಪದ ವಿದ್ವಾಂಸ ಡಾ.ಗಣನಾಥ ಎಕ್ಕಾರ್ ಮೇರು ಪುಸ್ತಕ ಪರಿಚಯ ಮಲ್ತೆರು.
ತುಳುಕೂಟದ ಪ್ರಧಾನ ಕಾರ್ಯದರ್ಶಿ ಬೊಕ್ಕ ಮಧುಶ್ರೀ ಪ್ರಕಾಶನದ ಮುಖ್ಯಸ್ಥ, ಸಾಹಿತಿ ಗಂಗಾಧರ ಕಿದಿಯೂರು ಮೇರು ಬರೆತಿನ ಟ ‘ಪಿಂಗಾರದ ಬಾಲೆ ಸಿರಿ’ ತುಳು ನಾಟಕದ ಕೃತಿತ್ತ  ಇಂಗ್ಲಿಷ್ ಆವೃತ್ತಿನ್  ಜಾನಪದ ವಿದ್ವಾಂಸೆರಾಯಿನ  ಡಾ. ಗಣೇಶ್ ಅಮಿನ್ ಸಂಕಮಾರ್ ಮೇರು  ಬುಡುಗಡೆ ಮಲ್ತೆರು. ಈ ಕೃತಿನ್  ಎಸ್.ಎನ್.ಡಿ. ಪೂಜಾರಿ ಮೇರು ಇಂಗ್ಲೀಷಿಗ್  ಅನುವಾದ ಮಲ್ದೆರು. ನಿವೃತ್ತ ಇಂಗ್ಲೀಷ್ ಪ್ರಾಧ್ಯಾಪಕಿ,ಲೇಖಕಿ ಡಾ.ಪಾರ್ವತಿ ಜಿ.ಐತಾಳ್ ಪುಸ್ತಕ ಪರಿಚಯ ಮಲ್ತೆರು. ಈ ಸಂದರ್ಭಡ್ ನಿವೃತ್ತ ಪ್ರಾಂಶುಪಾಲ ಪ್ರೊ. ಎಂ. ಎಲ್. ಸಾಮಗ, ನಿವೃತ್ತ ಶಿಕ್ಷಕೆರಾಯಿನ  ಸರಳಾ ಶೆಟ್ಟಿ, ಧನಲಕ್ಷ್ಮೀ, ಮುತ್ತಕ್ಕ ಮೊಕ್ಲೆಗ್ ಗುರುವಂದನೆ ಕಾರ್ಯಕ್ರಮ ನಡತುಂಡ್… ಪ್ರತಿಭಾವಂತ ವಿದ್ಯಾರ್ಥಿಲಾಯಿನ ತನುಶ್ರೀ ಪಿತ್ರೋಡಿ, ಸಂಹಿತಾ ಜಿ. ಪಿ., ಯಶಸ್ ಪಿ.ಸುವರ್ಣ ಕಟಪಾಡಿ, ಶಾರ್ವರಿ ಯು. ಅಂಚನ್, ಆದ್ಯ ಶ್ರೀನಾಥ್, ಅದಿತಿ ಶ್ರೀನಾಥ್, ಸಮರ್ಥ ಎಂ. ಸಿ, ತನ್ವಿ ಎಂ. ಕಿದಿಯೂರು, ವೈಷ್ಣವಿ ವಿಶ್ವನಾಥ್ ಮೊಕ್ಲೆಗ್  ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮ ನಡತುಂಡ್.. ಈ ಸಂದರ್ಭಡ್ ಮಧುಶ್ರೀ ಪ್ರಕಾಶನದೊಟ್ಟುಗ್  ಬೆರಿಬಲ  ಆದಿತ್ತಿನ  ಸಂಘ ಸಂಸ್ಥೆಲಾಯಿನ ರಂಗಭೂಮಿ (ರಿ.) ಉಡುಪಿ, ಸುಮನಸಾ ಕೊಡವೂರು, ಕಲಾಕಿರಣ್ ಕ್ಲಬ್ ಬೈಲೂರು, ನವಸುಮ ರಂಗಮಂಚ ಕೊಡವೂರು, ಯೂತ್ ಸ್ಪೋರ್ಟ್ಸ್ ಅಂಡ್ ಕಲ್ಬರಲ್ ಕ್ಲಬ್ ಅಂಬಲಪಾಡಿ, ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ ಉಡುಪಿ, ವಿಠೋಬ ಭಜನಾ ಮಂದಿರ ಅಂಬಲಪಾಡಿ, ತುಳುಕೂಟ ಉಡುಪಿ (ರಿ.) ನಂದಗೋಕುಲ ಯುವಕ ಮಂಡಲ ಮಾರ್ಪಳ್ಳಿ, ಬೈದಶ್ರೀ ಸಂಶೋಧನಾ ಕೇಂದ್ರ ಆದಿ ಉಡುಪಿ ಮೊಕ್ಲೆಗ್ ಗೌರವಾರ್ಪಣೆ ನಡತುಂಡ್.
ಮಧುಶ್ರೀ ಪ್ರಕಾಶನದ     ಮುಖ್ಯಸ್ಥ ಗಂಗಾಧರ ಕಿದಿಯೂರು ಸ್ವಾಗತ ಮಲ್ತೆರು.. ಪ್ರಭಾಕರ ತುಮುರಿ ಕಾರ್ಯಕ್ರಮ ನಿರೂಪಣೆ ಮಲ್ತೆರು.