ಬೆಂಗಳೂರು ತುಳುವೆರೆ ಚಾವಡಿದ ಪೊಸ ಗುರ್ಕಾರೆರಾದ್ ಉಮೇಶ್ ಪೂಂಜ ಆಯ್ಕೆ..

ತುಳುವೆರೆ ಚಾವಡಿಡ್ ಪೊಸ ಸಮಿತಿ ರಚನೆ-ಪೊಸ ಗುರ್ಕಾಲ್ ಆದ್ ಆಯ್ಕೆ ಉಮೇಶ್ ಪೂಂಜ

ತುಳುವೆರೆ ಚಾವಡಿ ಬೆಂಗಳೂರುದ ಸಂಘಟನೆ ಸುಮಾರು 25ನೇ ವರ್ಷದಿಂಜಿ ತುಳುಗೋಸ್ಕರ ಪುಣೆವೊಂದುಂಡು ಪನ್ಪೀನ ಮಲ್ಲ ಪೆರ್ಮೆ, ಅಂಚೆನೇ ಮಾಹಮಾರಿ ಕೊರೊನ ಸಂದರ್ಬೊಡು ಆನ್ ಲೈನ್ ಮುಖಾಂತರ ಏತೋ ಕಜ್ಜ ಕೂಟಲೆನ್ ಮಂತ್ಂದ್ ತುಳುವೆರೆನ ಉಡಲ್ನ್ ಗೆಂದಾಂದಿನ ಪೆರ್ಮೆ ತುಳು ಸಂಘಟನೆಗ್ ಸಂದುಂಡು, ತುಳು ಓರಿಪುಗೊಸ್ಕರ ಜೋಕುಲೇ ಸಾಹಿತ್ಯ ಬೋಡು ನಮ್ಮ ತುಳುವೆರೆಗ್ ‌ಅದಗ ಮಾತ್ರ ಜೋಕುಲೆಗ್ ತುಳು ಭಾಸೆದ ಬಗ್ಗೆ ಪೊಲಬು ಪುಟ್ಟುಂಡ್ ಅದಗನೇ ಜೋಕುಲುಲ ಕಲ್ಪುವೆರ್ ಪನ್ಪೀನ ಉದ್ದೇಶೊಡ್ ಜೋಕುಲೆ ಸಾಹಿತ್ಯದ ಕಜ್ಜಕೂಟನೊ ತುಳು ಲಿಪಿ ಕಲ್ಪಾವುನ ಗುರುಕುಲಾಯಿನ ಸತೀಶ್ ಅಗ್ಪಲ್ ಮೆರೆನ ಸಾರಥ್ಯೊಡ್ ನಮ್ಮ ತುಳುನಾಡುದ ಏತೋ ವಿದ್ವಾಂಸೆರೆನ್, ಕವಿಕುಲೆನ್ ಒಂಜೇ ಚಾವಡಿಡ್ ಸೆರ್ಪಾದ್ ಜೋಕುಲೆ ಪದ ಸಾಹಿತ್ಯ ಕೂಟ ಶುರು ಮಂತೆರ್, ಅಂಚೆನೇ ಮಾನಾದಿಗೆದ ಗುರ್ಕಾಲಾಯಿನ ಪುರುಷೋತ್ತಮ ಚೇಂಡ್ಲ, ಗುರ್ಕಾಲಾಯಿನ ಆಶಾನಂದ ಕುಲಶೇಖರ್, ಕಾರ್ಯೆಂತೆರ್ ಯೋಗೀಶ್ ಶೆಟ್ಟಿ ಬೊಕ್ಕ ಸಮಿತಿದ ಮಾತಾ ಸದಸ್ಯೆ ರ್ ಈ ಕಜ್ದಕೂಟೊಗ್ ಬೆರಿಬಲ ಕೊರ್ತೆರ್.

ತಾ.12-06-22 ಐತಾರದಾನಿ ತುಳುವೆರೆ ಚಾವಡಿ ರಿ.ಬೆಂಗಳೂರುದ ಪೊಸ ಗುರ್ಕಾಲ್ ಆದ್ ಉಮೇಶ್ ಪೂಂಜ, ಕಾರ್ಯೆಂತೆರ್ ಆದ್ ರಘುವೀರ್ ನಾಯ್ಕ್, ಖಚಾಂಚಿ ಆದ್ ವಸಂತ್ ಬಂಗೇರ ಮೊಕುಲು ಪುರ ಆಯ್ಕೆ ಆಯೆರ್ ಅಂಚೆನೇ ಪೊಸ ಪೊಸ ಉಮೇದ್ ದ ಜವನೆರ್ಲ ತುಳುವೆರೆ ಚಾವಡಿದ ಪೊಸ ಸಮಿತಿಗ್ ಆಯ್ಕೆ ಆತೆರ್, ತುಳುವೆರೆ ಚಾವಡಿದ ಒಂಜಿ ಮಹಾಮಲ್ಲ ಶಕ್ತಿ , ತುಳುವ ಮನಸ್ಸುಲೆನ್ ಪುರ ಒಮ್ಮೊತೊಡು ಕೊನ್ಪಿನ ಪುರುಷೊತ್ತಮ್ ಚೇಂಡ್ಲ ಮೆರೆ ಚಾವಡಿದ ಮಾನಾದಿಗೆದ ಗುರ್ಕಾಲ್ ಆವೊಡ್ ಪಂಡ್ದ್ ಚಾವಡಿದ ಸಭೆಟ್ ತೀರ್ಮಾನ ಆಂಡ್.ಕುಡರ ಮಾತಾ ಪೊಸ ಸಮಿತಿದ ಸದಸ್ಯೆರೆಗ್ ತುಳುನಾಡುದ ಮಾತಾ ದೈವ ದೇವೆರ್ ತುಳು ಅಪ್ಪೆನ ಚಾಕಿರಿ ಮಲ್ಪುನ ಶಕ್ತಿ, ಆರೋಗ್ಯ ಭಾಗ್ಯ ನೆಮ್ಮದಿ ಕೊರಡ್ ಪಂಡ್ದ್ ಟೀಂ ತುಳುವೆರೆ ಚಾವಡಿ ಪರವಾದ್ ಮಾತೆರೆಗ್ಲಾ ಎಡ್ಡೆಪ್ಪು ಬಯಕುವ.💐

ಟೀಂ ತುಳುವೆರೆ ಚಾವಡಿ