ಹಾಸ್ಯ ರತ್ನೆ ಶೋಭಾ ಕಲ್ಮಾಡಿ

ಕರಿನ  ಕೆಲವು ದಶಕಡಿಂಚಿ ಹಾಸ್ಯ ಕಲಾವಿದೆಯಾದ್ ಕನ್ನಡ,ತುಳು ರಂಗಭೂಮಿ  ಸಾಂಸ್ಕೃತಿಕ ಕ್ಷೇತ್ರಡ್  ತನ್ನದೇ ಆಯಿನ ವಿಶಿಷ್ಟ ಛಾಪು ಮೂಡಿಸಾದಿನ  ವಿಶೇಷ ಕಲಾ  ಸಾಧಕಿ  ಶೋಭಾ ಕಲ್ಯಾಡಿ ಮೇರು, ತನ್ನ  ಅದ್ಭುತ ಅಭಿನಯ ಬೊಕ್ಕ ಹಾಸ್ಯಪ್ರಜ್ಞೆದ  ಮೂಲಕ ಜನಮನ ಗೆಂದುದೆರ್. ಸುಮಾರು 22 ವರ್ಷ ಕಾಲ ಮನೋರಂಜನಾ ಮಾಧ್ಯಮ ಕ್ಷೇತ್ರಡ್  ಸಕ್ರಿಯವಾದ್  ಸೇವೆ ಮಲ್ಜಿನ ಆರು ಮಸ್ತ್  ಸಾಂಸ್ಕೃತಿಕ ಕಾರ್ಯಕ್ರಮಲೆಡ್  ಪಾಲ್ ಪಡೆದ್ ಪ್ರೇಕ್ಷಕೆರೆನ ಮೆಚ್ಚುಗೆ ಪಡೆತುದೆರ್.ಉಡುಪಿ ಜಿಲ್ಲೆದ ಮಲ್ಪೆ ಕಲ್ಮಾಡಿ ನಿವಾಸಿ ಶೋಭಾ ಕಲ್ಮಾಡಿ ಮೇರ್
ಆಕಾಶವಾಣಿ ಬೊಕ್ಕ ದೂರದರ್ಶನ ಕಾರ್ಯಕ್ರಮಡುಲಾ ತನ್ನ  ಪ್ರತಿಭೆನ್ ಪ್ರದರ್ಶನ  ಮಲ್ದಿನ ಆರು, ಹಾಸ್ಯ ಕ್ಷೇತ್ರದ ಬುಲೆಚ್ಚಿಲ್ ಗ್  ಮಹತ್ವದ ಕೊಡುಗೆ ಕೊರ್ತೆರ್.. ಗಣೇಶೋತ್ಸವ ,ಮಾರ್ಣಮಿ ಉಚ್ಚಯ, ಯುವ ಸಂಘದ ವೇದಿಕೆದ ನಾಟಕಡ್  ಅರೆನ  ಹಾಸ್ಯ ಪ್ರದರ್ಶನ ಜನಪ್ರಿಯತೆ ಪಡೆದಿತ್ತುದ್, ಕಲಾ ಕ್ಷೇತ್ರಡ್  ವಿಶಿಷ್ಟ ಸ್ಥಾನಮಾನೊನ್ ಕನದುಂಡ್.
ಸುಮಾರು 40 ವರ್ಷಡಿಂಚಿ  ಹಾಸ್ಯ ಕಲಾವಿದೆಯಾದ್ ಸೇವೆ ಮಲ್ತೊಂದುಪ್ಪುನ  ಶೋಭಾ ಕಲ್ಯಾಡಿ ಅರೆನ  ಸಾಧನೆನ್ ಗುರುತಿಸಾದೊ ಗೋಪಾಲ  ಬಂಗೇರ ಫ್ಯಾಮಿಲಿ ಚಾರಿಟೇಬಲ್ ಟ್ರಸ್ಟ್ ವತಿಡ್ದ್  ಹಾಸ್ಯ ಕಲಾ ರತ್ನ ಪ್ರಶಸ್ತಿ  ಪ್ರದಾನ ಮಲ್ದೆರ್. ಅರೆನ  ಈ ಸಾಧನೆ ಯುವ ಕಲಾವಿದರೆಗ್ ಪ್ರೇರಣೆಯಾದಿತ್ತುದ್, ಹಾಸ್ಯ ಕ್ಷೇತ್ರದ ಅಭಿವೃದ್ಧಿಗ್ ಕುಡಲಾತ್ ಉತ್ತೇಜನ ಕೊರ್ಪಿಲೆಕ್ಕ ಆತುಂಡ್.
ಶ್ರೀಮತಿ ಶೋಭಾ ಕಲ್ಯಾಡಿ ಅರೆನ ನಾಟಕ ತೂವರೆಗ್ ಅರೆನ ಕಲಾಭಿಮಾನಿಲು ಕಾತೊಂದ್ ಕುಲ್ಲುವೆರ್.ಇದಮುಟ್ಟ ಸುಮಾರು ನೂದೆಕುಲಾ ಜಾಸ್ತಿ ತುಳು ಕನ್ನಡ ನಾಟಕಲೆಡ್ ಅಭಿನಯ ಮಲ್ತಿನ ಶೋಭಾ ಕಲ್ಮಾಡಿ ಮೆರೆಗ್ ರಂಗಭೂಮಿಡ್ ನನಲಾತ್ ಸೇವೆ ಮಲ್ಪುನ ಅವಕಾಶ ತಿಕ್ಕಡ್.ಅರೆನ ಕಲಾಸೇವೆಗ್ ನನಲಾತ್ ಪ್ರಶಸ್ತಿಲು ಅರೆನ್ ನಾಡೊಂದ್ ಬರಡ್ ಪಂಡುದ್ ತುಳುನಾಡ ಧ್ವನಿತ್ತ ಆಶಯ.