ತುಳುವ ಮಹಾಸಭೆ..

ತುಳುವ ಮಹಾಸಭೆ ಮೂಲ್ಕಿ ತಾಲೂಕು ಸಂಚಾಲಕಿಯಾದ್ ಭಾನುಮತಿ ಶೆಟ್ಟಿ ಕಕ್ವಗುತ್ತು ನೇಮಕ

ಮೂಲ್ಕಿ, ಜೂನ್ 14:
ತುಳುನಾಡುದ ಅಸ್ಮಿತೆ ಚಳುವಳಿಯಾಯಿನ ತುಳುವ ಮಹಾಸಭೆ ತನ್ನ ಶತಮಾನೋತ್ಸವದ ಸಂಧರ್ಭಡ್ ಪೊಸ ಚಟುವಟಿಕೆಲೆಗ್ ಪುನಶ್ಚೇತನ ಕೊರೊಂದುಂಡ್.. ಇಂಚಿನ ಸಂಧರ್ಭಡ್, ಶ್ರೀಮತಿ ಭಾನುಮತಿ ಶೆಟ್ಟಿ ಕಕ್ವಗುತ್ತು ಅರೆನ್ ತುಳುವ ಮಹಾಸಭೆ ಮೂಲ್ಕಿ ತಾಲೂಕು ಸಂಚಾಲಕಿಯಾದ್ ನೇಮಕ ಮಲ್ದುಂಡ್..

ಶ್ರೀಮತಿ ಭಾನುಮತಿ ಶೆಟ್ಟಿ ಮೇರು ಜರ್ಮನಿದ ಕೋಲೋನ್ ವಿಶ್ವವಿದ್ಯಾನಿಲಯಡ್ ಉನ್ನತ ಶಿಕ್ಷಣ ಪಡೆತುದು, ಪ್ರವಾಸೋದ್ಯಮಡ್  ಡಿಪ್ಲೋಮಾ ಪೂರೈಸಾದ್ 39 ವರ್ಷ ಕಾಲ ಜರ್ಮನಿಡಿತ್ತುದ್ ,  ಟ್ರಾವೆಲ್ ಏಜೆನ್ಸಿನ್ ಯಶಸ್ವಿಯಾದ್ ಮಲ್ತುದೆರು. ವಿದೇಶಡಿತ್ತುಂಡಲಾ, ಆರು ತುಳು ಭಾಷೆ ಬೊಕ್ಕ ಸಂಸ್ಕೃತಿಗ್  ಪ್ರಾಮುಖ್ಯತೆ ಕೊರೊಂದ್, “ಅಟಿಲ್ ಮಲ್ಪುಲೆ ತುಳು ಕಲ್ಪುಲೆ” ಪನ್ಪಿನ ಯೂಟ್ಯೂಬ್ ಚಾನೆಲ್ ಡ್ ತುಳುನಾಡುದ ಪರಂಪರೆನ್ ಜಾಗೃತ ಮಲ್ತೊಂದುಲ್ಲೆರ್..

ಕಡಲಾಯೆರೆಡ ತುಳುವೆರು ಸಂಘದ ಸದಸ್ಯೆಯಾದುಪ್ಪುನ ಆರು, ನಿವೃತ್ತಿಯಾಯಿನೇಡ್ ಬೊಕ್ಕ ಇತ್ತೆ ಮುಲ್ಕಿ ತಾಲೂಕುದ  “ಸಂಜೀವಿನಿ ಒಕ್ಕೂಟ (ರಿ)”ದ ಅಧ್ಯಕ್ಷೆ ಆದ್ ಸಮಾಜಮುಖಿ ಚಟುವಟಿಕೆಡ್ ತೊಡಗಿಸಾವೊಂದೆರ್..  ಲಯನ್ಸ್ ಕ್ಲಬ್, ರೋಟರಿ ಕ್ಲಬ್ ಮುಲ್ಕಿ ಡುಲಾ ಸಕ್ರಿಯವಾದುಲ್ಲೆರ್

ತುಳು ಸಮೂಹದಲ್ಲಿ ಮಹಿಳಾ ನಾಯಕತ್ವಕಗ್  ಪೊಸ ಬಾಕಿಲು  ದೆಪ್ಪುನ  ಅರೆನನೇಮಕ, ಸಮಸ್ತ ತುಳುವೆರೆನ ಹೆ ಪೆರ್ಮೆ ಬೊಕ್ಕ  ಪ್ರೇರಣೆಗ್ ಕಾರಣ ಆಪುಂಡ್..