ಶಾಸಕೆರ್ ಮೀನುಗಾರೆರೆನ ಸಮಸ್ಯೆ ಗ್ ಸ್ಪಂದನೆ ಕೊರೊಂದಿತ್ತೆರ್ : ದಯಾನಂದ ಸುವರ್ಣ..

ಮಲ್ಪೆ ಮೀನುಗಾರರ ಸಂಘ ರಾಜಕೀಯ ರಹಿತವಾದುಂಡ್.ಆಂಡ ವಾಟ್ಸಾಪ್ ಡ್ ಸುವರ್ಣ ತ್ರಿಭುಜ ಬೋಟ್ ದ ಬಗ್ಗೆ ಬತ್ತಿನ ಅವಮಾನದ ಸಂದೇಶೊನ್ ತೂದ್ ಸಂಘೊದ ಮಿತ್ತ್ ಪಾಡ್ದಿನ ಅವಮಾನೊಗ್ ಸರಿಯಾಯಿನ ಉತ್ತರ ಕೊರೊಡಾಯಿನ ಸಂದರ್ಭ ಇನಿ ಬೈದುಂಡ್ ಪಂಡುದ್ ಮಲ್ಪೆ ಮೀನುಗಾರರ ಸಂಘದ ಅಧ್ಯಕ್ಷೆರಾಯಿನ ದಯಾನಂದ ಕೆ.ಸುವರ್ಣ ತೆರಿಪಾಯೆರ್.

ಆರು ಇನಿ ಕಾರ್ತಿಕ್ ಹೋಟೆಲ್ ಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿಯೆರ್.

ಮಲ್ಪೆ ಮೀನುಗಾರ ಸಂಘ ರಾಜಕೀಯ ರಹಿತವಾಯಿನ ಸಂಸ್ಥೆ… ಮೀನುಗಾರ ಸಮಸ್ಯೆ ಗ್ ಸ್ಪಂದಿಸಾವುನ ಸಂಘದ ಕರ್ತವ್ಯ..ಕಾರಣಾಂತರಡಾದ್ ಇನಿ ರಾಜಕೀಯ ವಿಚಾರವಾದ್ ಪಾತೆರೊಡಾಪುಂಡ್. .ವಾಟ್ಸಾಪ್ ಡ್ ಅಪವಾದ ರೀತಿಡ್ ಕಡಪುಡಿನ ಸಂದೇಶದ ಬಗ್ಗೆ ಸತ್ಯಾಸತ್ಯತೆನ್ ತೆರಿಪಾವುನ ಅನಿವಾರ್ಯ ಉಂಡು…ಈ ಘಟನೆ ಆಯಿನಪಗ ಮಾತೆರೆಗುಲಾ ಪ್ರಶ್ನಾರ್ಥಕವಾದ್ ಒರಿದಿತ್ತುಂಡ್..ಈ ಬಗ್ಗೆ ಸಂಬಂಧಪಟ್ಟ ಅಧಿಕಾರಿಲೆಗ್ ಮನವಿ ಮಲ್ತಿನಪಗ ಮೀನುಗಾರೆರೆನ ಇಲ್ಲಗ್ ಪೋದ್ ಆಶ್ವಾಸನೆ ಕೊರ್ದ್ ಪೋತೆರ್..ಉಡುಪಿದ ಆನಿದ ಎಸ್ ಪಿ ಲಕ್ಷ್ಮಣ್ ನಿಂಬರ್ಗಿ ಮಸ್ತ್ ಕಷ್ಟಬತ್ತುದ್ ಹುಡುಕಾಟ ನಡಪಾವರೆಗ್ ಸಹಕಾರ ಕೊರ್ತೆರ್.ನಿರ್ಮಲಾ ಸೀತಾರಾಮನ್ ನೇತೃತ್ವಡ್ ಹುಡುಕಾಟ ಆತುಂಡ್…ತಾಂಡೇಲ ತಂಡದ ಅಧ್ಯಕ್ಷೆರೆನ್ ಸೇರ್ದ್ ಶಾಸಕೆರ್ ತನಿಖೆಗ್ ಪೋದಿತ್ತೆರ್..ಡೆಲ್ಲಿಡ್ ಮೀಟಿಂಗ್, ಕಾರವಾರಡುಲಾ ಕಾರ್ಯಾಚರಣೆ ಆತುಂಡ್…ಬೋಟ್ ಸಿಕ್ಕುಂಡ್ ಪಂಡುದ್ ಗೊತ್ತಾಯಿನಪಗ ಅಯಿಕ್ ಸರಿಯಾಯಿನ ಪರಿಹಾರಲಾ ಸಿಕ್ಕುದುಂಡ್ ..
ಘಟನೆ ಆಯಿನ 4 ವರ್ಷ ಆಯಿನೆಡ್ ಬೊಕ್ಕ ಒಂಜಿ ವಿಡಿಯೋ ವೈರಲ್ ಆತುಂಡ್..ಅಯಿಕ್ಕೋಸ್ಕರ ಸತ್ಯಾಸತ್ಯತೆನ್ ತೆರಿಪಾವರೆಗಾದ್ ಮಾಧ್ಯಮದಕ್ಲೆನ ಮುಖೇನ ತೆರಿಪಾವೊಂದುಲ್ಲ ಪಂಡುದ್ ಆರು ಪಂಡೆರ್.

ಮಲ್ಪೆ ಮೀನುಗಾರ ಸಂಘದ ನಿಕಟಪೂರ್ವ ಅಧ್ಯಕ್ಷೆರಾಯಿನ ಸತೀಶ್ ಕುಂದರ್ ಪಾತೆರ್ದ್ ಸುವರ್ಣ ತ್ರಿಭುಜ ಬೋಟ್ ದ ಪಾಲುದಾರೆರಾಯಿನ ದಾಮೋದರ್ ಸಾಲ್ಯಾನ್ ಮೆರೆನ ಮೆಗ್ಗೆ ಗಂಗಾಧರ ಸಾಲ್ಯಾನ್ ವಾಟ್ಸಾಪ್ ಡ್ ಪಂತಿನ ಮಾಹಿತಿದ ಪ್ರಕಾರ ಉಡುಪಿ ಶಾಸಕೆರ್ ಸುವರ್ಣ ತ್ರಿಭುಜ ಬೋಟ್ ನಾಪತ್ರೆ ಆಯಿನಪಗ ದಾಲ ಸಪೋರ್ಟ್ ಮಲ್ದುಜೆರ್.ಆರ್ ಮಲ್ದಿನ ಪೂರಾ ಸಹಾಯಲಾ ನಾಟಕ ಪಂಡುದ್ ಪಂತೆರ್.ಮಲ್ಪೆ ಮೀನುಗಾರ ಸಂಘದಕುಲು ಒವ್ವೇ ರೀತಿದ ಸಹಕಾರ ಕೊರ್ತುಜೆರ್ ಪಂಡುದ್ ಪಂತೆರ್…ಅರ್ ಪಂಡಿಲೆಕ್ಕ ಸುವರ್ಣ ತ್ರಿಭುಜ ಬೋಟ್ ನಾಪತ್ತೆ ಆಯಿನಪಗ ಮಲ್ಪೆದ ಮೀನುಗಾರ ಸಂಘ ಮಾನ್ಯ ಶಾಸಕೆರಾಯಿನ ರಘುಪತಿ ಭಟ್ರೆನ ಸಹಕಾರೊಡ್ ವಿಶೇಷವಾಯಿನ ತಂಡೊನ್ ರಚನೆ ಮಲ್ತುದ್ ಕಾರ್ಯಾಚರಣೆ ಮಲ್ದುಂಡ್. ಅರೆನ ಮುತಾಲಿಕೆಡ್ ಆನಿದ ರಕ್ಷಣಾ ಸಚಿವೆರಾದಿತ್ತಿನ ನಿರ್ಮಲಾ ಸೀತಾರಾಮನ್ ಮೆರೆನ ಸಹಕಾರೊಡ್ ಪ್ರಧಾನಿ ಮೋದಿನಡೆಗುಲಾ ಪೋದ್ ತನಿಖೆ ಮಲ್ಪರೆಗ್ ಆಗ್ರಹ ಮಲ್ತುದೆರ್..ಈತ್ ಪೂರಾ ಮಲ್ತುದುಲಾ ಇನಿ ಶಾಸಕೆರ್ ಬೊಕ್ಕ ಮೀನುಗಾರರ ಸಂಘ ದಾಲಾ ಮಲ್ದುಜಿ ಪನ್ಪಿನವ್ ಬಾರೀ ಬೇಜಾರುದ ಸಂಗತಿ..ಪಂಡೆರ್.

ಪತ್ರಿಕಾ ಗೋಷ್ಠಿಡ್ ಉಪಸ್ಥಿತರಿತ್ತಿನ ತಾಂಡೇಲ ಬೋಟ್ ದ ಅಧ್ಯಕ್ಷೆರಾಯಿನ ರವಿರಾಜ್ ಸುವರ್ಣ ಪಾತೆರ್ದ್ ಶಾಸಕೆರ್ ಶೋಕಿಗ್ ಬೈದಿನತ್ತ್,.ಎಂಕುಲು ಅರೆನ್ ಲೆಸೊಂದ್ ಪೋತಿನಿ…ಐಎನ್ ಎಸ್ ಕೊಚ್ಚಿಡ್ ಪೋಯಿನ ಬೋಟುಡ್ …ಕ್ಯಾಪ್ಟನ್ ಜಯಪ್ರಕಾಶ್ ಒಟ್ಟುಡ್ ಪೋದಿತ್ತ.ಗೋವಾಡ್ದ್ ಮಹಾರಾಷ್ಟ್ರ ಮುಟ್ಟ ನಾಡೊಂದ್ ಪೋತ ಪಂಡೆರ್..

ಪತ್ರಿಕಾಗೋಷ್ಠಿಡ್ ಕರುಣಾಕರ್ ಸಾಲ್ಯಾನ್,ನಿತ್ಯಾನಂದ ಕೋಟ್ಯಾನ್,ಸುರೇಶ್ ಸುವರ್ಣ,ರಮೇಶ್ ಕೋಟ್ಯಾನ್,ಕಿಶೋರ್ ಸುವರ್ಣ, ಮೊಕುಲು ಉಪಸ್ಥಿತರಿತ್ತೆರ್.