75. ನೇ ವಿದ್ಯಾರ್ಥಿ ದಿನೊ ಆಚರಣೆ ಮಲ್ತಿನ ಕಾರ್ಲ ಎಬಿವಿಪಿ…

:ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಕಾರ್ಕಳ ನೆತ್ತ ವತಿಡ್ದ್ 75ನೇ ವಿದ್ಯಾರ್ಥಿ ದಿನತ್ತ ಅಂಗವಾದ್ ದ್ವಜಾರೋಹಣ ಬೊಕ್ಕ ಗಿಡ
ನಡ್ಪಿನ ಕಜ್ಜೊನ್ ಸ್ವಚ್ಛ ಬ್ರಿಗೇಡ್ ಕಾರ್ಲದ ಪದುಕೆರೆನ ಸಹಯೋಗಡ್ ಶ್ರೀ ಗುರು ರಾಘವೇಂದ್ರ ಮಠ ಅಂಗಣೊಡ್ ನಡತುಂಡ್.
ದ್ವಜಾರೋಹಣ ಸ್ವಚ್ಛ ಬ್ರಿಗ್ರೆಡ್ ನ ಹಿರಿಯ ಸದಸ್ಯರಾಯಿನ ಪೆಲಿಕ್ಸ್ ವಾಜ್ ಪಾತೆರ್ದ್ ಕಜ್ಜೊಗ್ ಎಡ್ಡೆಪ್ಪು ಬಯಕಿಯೆರ್.
ಜೋಕ್ಲೆನ್ ಉದ್ದೇಶಿಸಾದ್ ಪಾತೆರಿನ ಎಬಿವಿಪಿ ಕಾರ್ಯಕರ್ತೆರಾಯಿನ ಅಭಿನಂದನ್ ಮೇರು 1949ಡ್ ಸುರುವಾತಿನ ಎಬಿವಿಪಿ ಪ್ರಸ್ತುತ ಕಾಲ ಘಟ್ಟೊ್ ಮಸ್ತ್ ಶೈಕ್ಷಣಿಕ ಸಮಸ್ಯೆದ ಒಟ್ಟುಡ್ ಸಾಮಾಜಿಕ ಸಮಸ್ಯೆಲೆಗಾದ್ ಪೊರಂಬಾಟ ಮಲ್ಪುನ ಮುಖೇನ ಜಗತ್ತುಡೇ ಮಲ್ಲ ವಿದ್ಯಾರ್ಥಿ ಸಂಘಟನೆ ಯಾದ್ ಬುಲೆದುಂಡ್.. ಇನಿ ಜೋಕ್ಲೆಡ ದೇಶ ಪ್ರೇಮ ಪುಟ್ಟಾವುನ ಕಜ್ಜೊಡ್ ಮುಂಚೂಣಿಡುಪ್ಪುನ ಸಂಘಟನೆಯಾತುಂಡ್ ಪಂಡೆರ್.
ಈ ಪೊರ್ತುಡ್ ಎಬಿವಿಪಿ ಹಿರಿಯ ಕಾರ್ಯಕರ್ತೆರಾಯಿನ ರಾಜೇಂದ್ರ ಅಮಿನ್, ತಾಲೂಕು ಸಂಚಲಕೆರಾಯಿನ ಶ್ರೇಯಸ್ ಅಂಚನ್, ನಗರ ಕಾರ್ಯದರ್ಶಿ ಅಕ್ಷಯ್ ಪೂಜಾರಿ ಬೊಕ್ಕ ಪ್ರಮುಖ ಎಬಿವಿಪಿ ಕಾರ್ಯಕರ್ತೆರು ಬೊಕ್ಕ ಸ್ವಚ್ಛ ಬ್ರಿಗೇಡ್ ದ ಪದುಕೆರ್ ಉಪಸ್ಥಿತರಿತ್ತೆರು.