ನೆತ್ತೆರ್ ದಾನ ಶಿಬಿರ

ಉಡುಪಿ: ಸಶಸ್ತ್ರ ಮೀಸಲು ಪೊಲೀಸ್ ಉಡುಪಿ 1999ರ ತಂಡ ಮೋಕ್ಲೆನ  ರಜತ ಸಂಭ್ರಮದ ಪ್ರಯುಕ್ತ, ಕೆ.ಎಂ.ಸಿ ಮಣಿಪಾಲದ  ಸಹಯೋಗದೊಟ್ಟುಗ್  ಡಿಎಆರ್ ಕೇಂದ್ರ ಕಛೇರಿಡ್  ಬೃಹತ್ ರಕ್ತದಾನ ಶಿಬಿರ ಏರ್ಪಿಡಾದಿತ್ತುಂಡ್. ನೆತ್ತೆರ್ ದಾನದ ಬಗ್ಗೆ ಮಾನ್ಯ ಪೊಲೀಸ್ ಅಧೀಕ್ಷಕೆರು ಡಾ. ಅರುಣ್ ಕೆ ಐಪಿಎಸ್ ಮೇರು ಉದಿಪನ  ಮಲ್ತುದ್, ರಕ್ತ ಸಂಗ್ರಹ ನೆತ್ತೆರುದ ಕೊರತೆ ನೀಗಿಸಾವುನ  ನಿಟ್ಟುಡ್ ನೆತ್ತೆರ್ ದಾನ ಶಿಬಿರಲು   ನಡಪೊಡ್ .ಮಾತ್ರ ಅತ್ತಾವಂದೇ ಪ್ರತಿ ಆಜಿ  ತಿಂಗೊಳುಗೊರ  ಇಲಾಖಾ ವತಿಡ್ದ್  ನೆತ್ತೆರ್ ದಾನ ಶಿಬಿರ ನಡಪರೆಗ್  ಸಲಹೆ ಕೊರಿಯೆರು‌‌ . ನೆತ್ತೆರ್ ದಾನ ಮಲ್ಪುನೇಟ್  ಒವ್ವೇ ತೊಂದರೆ ಆಪುಜಿ.ಒರಿ ವ್ಯಕ್ತಿಗ್ ಅತೀ ಅವಶ್ಯಕ ಸಂದರ್ಭಡ್ ನೆತ್ತೆರ್ ಕೊರುಂಡ ಮರುಜೀವನ ಕೊರಿಲೆಕ್ಕ ಆಪುಂಡ್  ಪಂಡೆರು. ಇಂಚ ಪೊಲೀಸ್ ಬೊಕ್ಕ ಸಾರ್ವಜನಿಕೆರೆನ ನಡುಟ್ ಎಡ್ಡೆ ಬಾಂಧವ್ಯ ವೃದ್ಧಿಸಾವುಂಡ್ ಪಂಡೆರು‌.
25 ವರ್ಷ ಪೊಲೀಸ್ ಸೇವೆ ಅಭಿನಂದಿಯವಾದಿತ್ತುದ್ ಸಮಾಜಗ್  ಕೊರ್ಪಿನ  ಸೇವೆದೊಟ್ಟುಗ್  ನೆತ್ತೆರ್ ದಾನದ ಕಾರ್ಯಡ್  ಕೈಜೋಡಿಸಾಯಿನವ್  ಶ್ಲಾಘನೀಯ. ರಕ್ತದಾನಡ್  ಆರೋಗ್ಯ ವೃದ್ಧಿಯಾಪಿನ  ಈ ಮೂಲಕ ಸಮಾಜಗ್ ಮಾದರಿಯಾಲೆ ಪಂಡೆರು.
ಕಾರ್ಯಕ್ರಮದ ಅಧ್ಯಕ್ಷತೆಡ್ ಜಿಲ್ಲಾ ಹೆಚ್ಚುವರಿ ಪೊಲೀಸ್ ಅಧೀಕ್ಷಕರಾಯಿನ  ಎಸ್, ಟಿ. ಸಿದ್ದಲಿಂಗಪ್ಪ ಇತ್ತೆರು.
ಕಾರ್ಯಕ್ರಮಡ್ ಕೆ.ಎಂ.ಸಿ ಮಣಿಪಾಲ ರಕ್ತನಿಧಿ ವಿಭಾಗದ ಮುಖ್ಯಸ್ಥ ಡಾ.ಶಮ್ಮಿ ಶಾಸ್ತ್ರೀ ಭಾಗವಹಿಸಾದ್ ನೆತ್ತೆರ್ ದಾನದ ಮಹತ್ವನ್  ವಿವರಿಸಾಯೆರು.
ಕಾರ್ಯಕ್ರಮಡ್  ಡಿಎಆರ್ ಡಿವೈಎಸ್ಪಿ ತಿಮ್ಮಪ್ಪ ಗೌಡ ಜಿ ಉಪಸ್ಥಿತರಿತ್ತೆರು.
ಡಿಎಆರ್ ಆರ್ ಪಿ ಐ ಎಸ ರವಿಕುಮಾರ್ ಸ್ವಾಗತ ಮಲ್ತುದ್  ಡಿ ಎ ಆರ್ ಎ ಆರ್ ಎಸ್ ಐ ಬಾಲಸುಬ್ರಹ್ಮಣ್ಯ ವಂದಿಸಾಯೆರು. ಯೋಗೇಶ ನಾಯ್ಕ ಕಾರ್ಯಕ್ರಮ ನಿರೂಪಣೆ ಮಲ್ತೆರು.
ಬೊಕ್ಕ  ಡಿ ಎ ಆರ್ ಸಿಬಂದಿಲು, ಪೊಲೀಸ್ ಸಿಬಂದಿಲು ನೆತ್ತೆರ್ ದಾನ ಮಲ್ತೆರು.ಈ ಶಿಬಿರಡ್  ಡಿಎಆರ್ ಕೇಂದ್ರ ಕಚೇರಿದ  ಸುಮಾರು 80 ಪೊಲೀಸ್ ಅಧಿಕಾರಿಲು ಬೊಕ್ಕ ಸಿಬ್ಬಂದಿಲೆಡ್ದ್  ನೆತ್ತೆರ್ ದಾನ ಮಲ್ತೆರ್.. ತಮ್ಮ ಇಪ್ಪತೈದು ವರುಷದ  ಸೇವೆದ  ಸಾರ್ಥಕತೆ ಮೆರೆಯುನ ನಿಟ್ಟುಡ್ ಇಂಚಿನ  ಸಮಾಜಮುಖಿ ಕಾರ್ಯ ಮಲ್ದಿನವ್ವ್  ಮಾತೆರೆನ ಪ್ರಶಂಸೆಗ್ ಪಾತ್ರ ಆತುಂಡ್.