ವಿಪ್ರ ಮಹಿಳಾ ದಿನಾಚರಣೆ

ಮಹಿಳೆಯೆರು ದೈಹಿಕ ಸ್ವಾಸ್ಥ್ಯ ಬೊಕ್ಕ ಮಾನಸಿಕ ಸ್ವಾಸ್ಥ್ಯದ ಬಗ್ಗೆ ಹೆಚ್ಚಿಗೆ ಗಮನ ಕೊರೊಡು….
ಡಾ| ಅಂಜಲಿ ಸುನಿಲ್ ಮುಂಡ್ಕೂರು*

ಭಾರತೀಯ ಮಹಿಳೆಯರೆಡ್  ಹೆಚ್ಚಾದ್  ಸ್ತನ ಬೊಕ್ಕ ಗರ್ಭಕೋಶದ ಕ್ಯಾನ್ಸರ್ ತೋಜೊಂದುಂಡ್. ಅಯಿಕ್  ಮುಖ್ಯ ಕಾರಣ ತೊಂದರೆ ಆಯಿನಪಗ ಮಾತ್ರ ಅಕುಲು ವೈದ್ಯೆರೆನಡೆಗ್ ಪೋಪಿನತ್ತ್ . ಸಮಸ್ಯೆ  ಇಪ್ಪಂದಿನಪಗನೇ ಸಮಸ್ಯೆಲು  ಬರಂದಿಲೆಕ್ಕ  ಮುಂಜಾಗರೂಕತೆಗಾದ್ ಪ್ರತಿವರ್ಷ ಅತ್ತುಂಡ  ಕನಿಷ್ಠ ಮೂಜಿ ವರ್ಷಗೊರಾಂಡಲಾ ಪೊಂಜೊವುನಕುಲು ವೈದ್ಯೆರೆನ್  ಭೇಟಿ ಮಲ್ಪೊಡ್ ಪಂಡುದು ಐತಾರ ಬಯ್ಯಗ್   10.03.2024ಗ್  ಬ್ರಾಹ್ಮಿ ಸಭಾಭವನಡ್  ನಡತಿನ  ಉಡುಪಿ ಜಿಲ್ಲಾ ಯುವ ಬ್ರಾಹ್ಮಣ ಪರಿಷತ್ ಆಯೋಜನೆ ಮಲ್ದಿನ ಆರೋಗ್ಯ ಸುರಕ್ಷಾ ಕಾರ್ಡ್ ವಿತರಣೆ ಬೊಕ್ಕ  ವಿಪ್ರ ಮಹಿಳಾ ದಿನಾಚರಣೆದ  ಕಾರ್ಯಕ್ರಮಡ್  ಮಣಿಪಾಲದ ಕಸ್ತೂರ್ಬಾ ಮೆಡಿಕಲ್ ಕಾಲೇಜಿದ ರಿಪ್ರೊಡಕ್ಟಿವ್ ಮೆಡಿಸಿನ್ ನ ಅಸೋಸಿಯೇಟ್ ಪ್ರೊಫೆಸರ್ ಡಾ| ಅಂಜಲಿ ಸುನಿಲ್ ಮುಂಡ್ಕೂರು ಮೇರು ಮುಖ್ಯ ಅತಿಥಿಲೆನ  ನೆಲೆಟ್  ಆರೋಗ್ಯ ಮಾಹಿತಿ ಕೊರಿಯೆರು.ಉಂದುವೇ  ವೇದಿಕೆಡ್  ಮಹಿಳಾ ದಿನಾಚರಣೆದ  ಅಂಗವಾದ್  ಖ್ಯಾತ ಲೇಖಕಿ, ಸಾಹಿತಿ, ಎಂಜಿಎಂ ಕಾಲೇಜಿದ  ಕನ್ನಡ ಉಪನ್ಯಾಸಕಿ ಡಾ| ಕಾತ್ಯಾಯಿನಿ ಕುಂಜಿಬೆಟ್ಟು ರವರು ತಮ್ಮ ದಿಕ್ಸೂಚಿ ಭಾಷಣದಲ್ಲಿ ಸ್ತ್ರೀಯರನ್ನು ಪುರುಷ ಸಮಾಜ ದೇವೆರಾದ್ ಮಲ್ತುದ್  ಕಟ್ಟುಪಾಡುಲೆಡ್  ಬಂದಿ ಮಲ್ಪುನ  ಬಗೆಟ್ ಪಿರಾಕುದ  ಕಾಲದ ಚಿಂತನೆ ಬೊಕ್ಕದ ಸುಧಾರಣೆ, ಕಾಯ್ದೆದ  ಬಗ್ಗೆ ಪಾತೆರ್ದ್  ಇತ್ತೆಲಾ  ಅಂಚಿನ ಕೆಲವು ಮೂಢ ಆಚರಣೆಲು  ಹಳ್ಳಿದ  ಪ್ರದೇಶಡ್ ತೋಜುಂಡ್.  ಮಹಿಳೆಯೆರೆನ  ಅಭಿವ್ಯಕ್ತಿ ಸ್ವಾತಂತ್ರ್ಯದ ಬಗ್ಗೆ ತೆರಿಪಾಯೆರ್ . ಈ ಸಂದರ್ಭಡ್  ಬೇತೆ ಬೇತೆ  ಕ್ಷೇತ್ರಡ್ ಸಾಧನೆ ಮಲ್ತಿನ  ಮೂಜಿ  ಮಹಿಳೆಯೆರೆನ್  ಸನ್ಮಾನ ಮಲ್ತೆರ್. . ಭರತನಾಟ್ಯ ವಿಷಾರದೆ ವಿದುಷಿ ಶ್ರೀಮತಿ ಯಶಾರಾಮಕೃಷ್ಣ ಅಂಚೆ ಸಹಾಯಕಿ, ಸಾಹಿತಿ ಫಿಲಾಟಲಿ ಬೊಕ್ಕ  ಕಾರ್ಯಕ್ರಮ ನಿರ್ವಹಣೆ ಇಂಚ  ಸಾಮಾಜಿಕ ಕಾರ್ಯಕ್ಷೇತ್ರಲೆಡ್  ತೊಡಗಿಸಾವೊಂದಿನ ಪೂರ್ಣಿಮಾ ಜನಾರ್ಧನ್, ರಾಷ್ಟ್ರೀಯ ಈಜು ಪಟು- ವಾಣಿ ಬಾಲಚಂದ್ರ ಈ ಸನ್ಮಾನ ಪುರಸ್ಕೃತೆರು. ಅಂಚೆನೇ ಒಂಜಾತ್  ಸಾಧನೆ ಮಲ್ತಿನ ಸಂಸ್ಥೆದ  ವಿಪ್ರ ಮಹಿಳಾ ಸದಸ್ಯೆರೆನ್ ಈ ನಡುಟು ಗೌರವ ಮಲ್ತೆರ್. ಆರೋಗ್ಯ ಸುರಕ್ಷಾ ಕಾರ್ಡ್ ದ  ಪ್ರಯೋಜನ ಬೊಕ್ಕ  ಬಾಕಿದ  ಮಾಹಿತಿನ್  ಸಂಚಾಲಕ ಚೈತನ್ಯ ಎಂ ಜಿ  ಪ್ರಸ್ತಾವಿಕವಾದ್ ಪಾತೆರ್ದ್, ಅಯೋಧ್ಯೆದ  ಬಾಲರಾಮನ್ ತೂದ್ ಬೊಳ್ಳಿ ಕಲಶದೊಟ್ಟುಗ್  ಅಷ್ಟಾವಧಾನ ಸೇವೆ ಮಲ್ಪರೆಗ್ ಅನುವು ಮಲ್ತ್ ಕೊರಿನ  ಪರಿಷತ್ತುಗ್ ಬೊಕ್ಕ  ಸದಸ್ಯೆರೆಗ್  ಆಭಾರಿಯಾದುಲ್ಲ  ಪಂಡುದು ತೆರಿಪಾಯೆರು. ಕಾರ್ಯಕ್ರಮದ ಸಭಾಧ್ಯಕ್ಷತೆಡಿತ್ತಿನ    ರಾಧಿಕಾ ಚಂದ್ರಕಾಂತ್  ಮಹಿಳಾ ದಿನಾಚರಣೆದ  ಬಗ್ಗೆ ಪಾತೆರ್ದ್ ಈ ಬಗ್ಗೆ ಸಂಸ್ಥೆ ಗಿಪ್ಪುನ ಕಳಕಳಿನ್  ನೆನೆತೆರು.
ಸನ್ಮಾನಿತರೆನ ಪರವಾದ್  ವಿದುಷಿ ಯಶಾ ರಾಮಕೃಷ್ಣ  ಉಡುಪಿ ಜಿಲ್ಲಾ ಯುವ ಬ್ರಾಹ್ಮಣ ಪರಿಷತ್ ಸಮಾಜಡ್ ಸಾಧಕೆರೆನ್  ಗುರುತಿಸಾದ್  ಪ್ರೋತ್ಸಾಹ ಕೊರೊಂದ್ ಬರ್ಪಿನವ್  ಬಾರೀ  ಕುಷಿತ  ಸಂಗತಿ  ಪಂಡೆರು. ಈ ಸಂದರ್ಭಡ್  18 ಗ್ ಲಾ  ಜಾಸ್ತಿ  ಪೊಸ  ಮಹಿಳಾ ಸದಸ್ಯೆರು ಪರಿಷತ್ತುಗ್ ಸೇರಿಯೆರು. ಆರೋಗ್ಯ ಕಾರ್ಡುದ ನಿರ್ವಹಣೆ  ಮಲ್ತಿನ  ರಘುಪತಿ ರಾವ್, ಮುರಳಿ ಅಡಿಗ, ಜನಾರ್ದನ್ ಭಟ್ ಬೊಕ್ಕ  ಹರಿಪ್ರಸಾದ್ ಮೊಕ್ಲೆನ್   ಗೌರವ ಮಲ್ತೆರ್.
ಈ ಕಾರ್ಯಕ್ರಮಡ್  ಶ್ರೀಮತಿ ಆಶಾ ರಘುಪತಿ ರಾವ್ ಸ್ವಾಗತ ಮಲ್ತುದ್  ಶ್ರೀಮತಿ ಶಶಿಪ್ರಭ ಕಾರಂತ್ ವಂದಿಸಾಯೆರು. ಶ್ರೀಮತಿ ಅಮಿತಾ ಕ್ರಮಾಧಾರಿ ಬೊಕ್ಕ ಶ್ರೀಮತಿ ಜ್ಯೋತಿ ಲಕ್ಷ್ಮಿ  ಕಾರ್ಯಕ್ರಮ ನಿರ್ವಹಣೆ ಮಲ್ತೆರು. ಶ್ರೀಮತಿ ವಸುಧ ಕೃಷ್ಣರಾಜ , ಶ್ರೀಮತಿ ರೂಪಶ್ರೀ ರಾಜೇಶ್  ಬೊಕ್ಕ  ಶ್ರೀಮತಿ ಪದ್ಮಲತ ವಿಷ್ಣು, ಶ್ರೀಮತಿ ದಿವ್ಯ ವಿ ಪಾಡಿಗಾರು  ಬೊಕ್ಕ  ಸುನಿತಾ ಚೈತನ್ಯ ಸನ್ಮಾನಿತರೆನ್  ಬೊಕ್ಕ  ಅತಿಥಿಲೆನ್  ಸಭೆಕ್ ಪರಿಚಯ ಮಲ್ತೆರು. ಪರಿಷತ್ತುದ ಅಧ್ಯಕ್ಷೆರಾಯಿನ  ಶ್ರೀ ಚಂದ್ರಕಾಂತ ಕೆ.ಎನ್., ಪ್ರಧಾನ ಕಾರ್ಯದರ್ಶಿ ಶ್ರೀ ರಾಜೇಶ್ ಭಟ್ ಪಣಿಯಾಡಿ, ಕೋಶಾಧಿಕಾರಿ ಶ್ರೀ ಕುಮಾರಸ್ವಾಮಿ ಉಡುಪ ಬೊಕ್ಕ  ಆರೋಗ್ಯ ಕಾರ್ಡ್ ದ  ಸಂಚಾಲಕ ಶ್ರೀ ಚೈತನ್ಯ ಎಂ.ಜಿ. ವೇದಿಕೆಡ್  ಉಪಸ್ಥಿತರಿತ್ತೆರು. ಸಭಾ ಕಾರ್ಯಕ್ರಮಡ್ ಬೊಕ್ಕ  ಶ್ರೀಮತಿ ಸುಮನಾ ಕಕ್ಕುಂಜೆ ಮೆರೆನ  ನೇತ್ರತ್ವಡ್  ಮಹಿಳಾ ಸದಸ್ಯೆರೆಡ್ದ್  ಸಾಂಸ್ಕೃತಿಕ ಕಾರ್ಯಕ್ರಮ  ನಡತುಂಡ್.