ಪತ್ರಕರ್ತೆರೆಗ್ ಫೋಕ್ಸೊ ಕಾಯಿದೆ ಮಾಧ್ಯಮ ಕಾರ್ಯಾಗಾರ

ಉಡುಪಿ ಪತ್ರಕರ್ತರೆಗ್ ‘ಪೋಕ್ಸೊ ಕಾಯಿದೆ ಬೊಕ್ಕ ಮಾಧ್ಯಮ’ ಕಾರ್ಯಾಗಾರ

ಉಡುಪಿ, ಮೇ 21: ಪೋಕ್ಸೋ ಕಾಯಿದೆಯಡಿ ಮಾಧ್ಯಮಡ್  ವರದಿ ಮಲ್ಪುನಗ ಎಚ್ಚರೊಡುಪ್ಪೊಡ್. ಪ್ರಕರಣಡ್ ಸೋತು ಪೋಯಿನ  ಆನು ಅತ್ತುಂಡ ಪೊಣ್ಣನ ಪುದರು, ವಿಳಾಸ ಸಹಿತ ಗುರ್ತನ್ ಮಾಧ್ಯಮಲೆಡ್  ಪ್ರಕಟ ಮಲ್ಪುಲೆಕ್ಕ ಇಜ್ಜಿ. ಆ ರೀತಿದ ತಪ್ಪು ಮಲ್ತುಂಡ  ಮಾಧ್ಯಮದಕ್ಲೆನ ಮಿತ್ತುಲಾ  ಪ್ರಕರಣ ದಾಖಲೆ ಮಲ್ಪರೆಗ್  ಈ ಕಾಯ್ದೆ ಸೂಚಿಸಾವುಂಡ್  ಪಂಡುದು ಉಡುಪಿ ಜಿಲ್ಲಾ ಬೊಕ್ಕ  ಸತ್ರ ನ್ಯಾಯಾಲಯ ಎಫ್‌ಟಿಎಸ್‌ಸಿ-1(ಪೊಕ್ಸೋ) ನ್ಯಾಯಾಧೀಶ ಶ್ರೀನಿವಾಸ ಸುವರ್ಣ ಪಂಡೆರ್.

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಆಶ್ರಯಡ್  ಉಡುಪಿ ಪತ್ರಿಕಾ ಭವನ ಸಮಿತಿದ  ಸಹಯೋಗದೊಟ್ಟುಗ್  ಉಡುಪಿ ಜಿಲ್ಲೆದ  ಪತ್ರಕರ್ತರೆಗ್ ಮಂಗಳವಾರ ಉಡುಪಿ ಪತ್ರಿಕಾ ಭವನಡ್  ನಡತಿನ ‘ಪೋಕ್ಸೊ ಕಾಯಿದೆ ಬೊಕ್ಕ  ಮಾಧ್ಯಮ’ ದ ಬಗೆಟ್ ಕಾರ್ಯಾಗಾರನ್  ಉದಿಪನ ಮಲ್ತುದ್  ಆರು ಪಾತೆರಿಯೆರು.

ಪೋಕ್ಸೊ ಕಾಯಿದೆ 2012ರಲ್ಲಿ ಜಾರಿಗೆ ಬತ್ತಿತ್ತುದ್, 18ವರ್ಷದ ತಿರ್ತುದ   ಜೋಕ್ಲೆಗ್  ನೇಟ್  ವಿಶೇಷ ಸೌಲಭ್ಯಲೆನ್  ಕಲ್ಪಿಸಾವುಂಡ್. ವಿಶೇಷ ಪೋಲಿಸೆರು ಅಯಿಟುಲಾ  ಮಹಿಳೆಯೆರು ಮೊಕ್ಲೆನ್ ವಿಚಾರಣೆ ಮಲ್ಪೊಡ್ ಬೊಕ್ಕ  ಮಹಿಳಾ ವೈದ್ಯಾಧಿಕಾರಿಲೇ ವೈದ್ಯಕೀಯ ಪರೀಕ್ಷೆ ಮಲ್ಪೊಡ್. ಒವ್ವೇ  ಸಂದರ್ಭಡುಲಾ ಮೊಕ್ಲೆನ್ ಸಾರ್ವಜನಿಕ ಸಂಪರ್ಕಗ್  ಕನವರೆಗ್ ಅವಕಾಶ ಇಜ್ಜಿ  ಪಂಡುದು ಆರು ಮಾಹಿತಿ ಕೊರಿಯೆರು.

ವಿಶೇಷ ನ್ಯಾಯಾಲಯಡ್  ಪೊಕ್ಸೋ ಪ್ರಕರಣದ ವಿಚಾರಣೆಲಾ ಬೇತೆ ರೀತಿಡ್  ಉಪ್ಪುಂಡ್. ಅಪ್ರಾಪ್ತ ಬಾಲಕಿಯೆರು ಬಂಜಿನಕುಲಾಂಢ  ಆ ಬಗ್ಗೆ ವೈದ್ಯಾಧಿಕಾರಿಲು ಪೊಲೀಸೆರೆಗ್  ಮಾಹಿತಿ ಕೊರೊಡ್.. ಇಂಚಿನ  ದೌರ್ಜನ್ಯದ  ಬಗ್ಗೆ ಎರೆಗ್  ಮಾಹಿತಿ ಇಪ್ಪುಂಡ ಅಕುಲು ಸಂಬಂಧಪಟ್ಟಿನಕಲೆಗ್ ವಿಷಯ  ತೆರಿಪಾವೊಡ್. ಇಜ್ಜಾಂಡ  ಅಕುಲು  ಅಪರಾಧಿಲಾಪೆರ್  ಪಂಡೆರು.

ಪೋಕ್ಸೊ ಪ್ರಕರಣದ ಜೋಕ್ಲೆನ  ವಿಚಾರಣೆನ್  30 ದಿನತ್ತ ಉಲಾಯಿ  ಮುಗಿಪೊಡ್ ಬೊಕ್ಕ ಒಂಜಿ  ವರ್ಷದುಲಾಯಿ ಇಡೀ ಪ್ರಕರಣದ ಪೂರ್ಣ ವಿಚಾರಣೆನ್ ನಡಪಾವೊಡ್. ಗ್ರಾಮೀಣ ಪ್ರದೇಶ ಲೆಡ್ ಪೋಕ್ಸೊ ಪ್ರಕರಣಲು ಜಾಸ್ತಿ ವರದಿ ಆವೊಂದುಪ್ಪುನೆಡ್ದಾವರ ಮಾಧ್ಯಮಲು  ಈ ಬಗ್ಗೆ ಹೆಚ್ಚ  ಪ್ರಚಾರ ಮಲ್ಪೊಡ್  ಪಂಡುದು ಆರು ಅಭಿಪ್ರಾಯ ಪಂಡೆರ್.

ಸಂವಿಧಾನ ಜಾರಿಗೆ ಬತ್ತುದ್  ಕೆಲವು ದಶಕಲಾಂಡಲಾ ಮೂಲಭೂತ ಹಕ್ಕು  ಬೊಕ್ಕ  ಸೌಲಭ್ಯಲು  ಜನಕ್ಲೆಗ್  ನನಲಾ  ತಲುಪುದುಜಿ. ಕಾನೂನುಡ್ ಪೊಣ್ಣು ಜೋಕ್ಲೆಗ್   ವಿಶೇಷ ಸೌಲಭ್ಯ ಕಲ್ಪಿಸಾದುಂಡಲಾ  ಅಕ್ಲೆನ  ಮಿತ್ತ್ ನಿರಂತರವಾದ್  ದೌರ್ಜನ್ಯ ಲು ನಡತೊಂದುಪ್ಪುನ ದುರಂತ. ಕಾನೂನುದ  ತಿಳುವಳಿಕೆ ಕಡಿಮೆ ಇಪ್ಪುನೆಡ್ದಾವರ  ಪೋಕ್ಸೊ ಪ್ರಕರಣಲು  ಜಾಸ್ತಿಯಾದ್ ನಡತೊಂದುಃಡ್  ಪಂಡುದು ಆರು ತೆರಿಪಾಯೆರು.

ಮುಖ್ಯ ಅತಿಥಿಯಾದ್ ಉಡುಪಿ ಜಿಲ್ಲಾ ಕಾನೂನು ಸೇವೆದ  ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ ಬೊಕ್ಕ ನ್ಯಾಯಾಧೀಶೆ ಶರ್ಮಿಳಾ ಎಸ್. ಪಾತೆರ್ದ್ , ಪೋಕ್ಸೊ ಪ್ರಕರಣಗ್ ಮೂಲ ಕಾರಣ ಮೊಬೈಲ್ ಬಳಕೆ. ಜೋಕುಲು ಮೊಬೈಲ್ ಜಾಸ್ತಿ ಬಳಸೊಂದಿತ್ತುಂಡ  ಅಕ್ಲೆನ ಮಿತ್ತ್ ಗಮನ ಕೊರೊಡ್ ಪಂಡುದ್  ಪೋಷಕೆರೆನ  ಜವಾಬ್ದಾರಿಯಾತುಂಡ್. ಮೊಬೈಲ್‌ ಡ್  ಚಾಟಿಂಗ್ ಮೂಲಕ ಆರಂಭವಾಯಿನ  ಗೆಳೆತನ ಲೈಂಗಿಕ ದೌರ್ಜನ್ಯಡ್  ಅಂತಿಮ ಆಪುಂಡ್ ಪಂಡುದು ಪಂಡೆರು.

ಪೋಕ್ಸೋ ಪ್ರಕರಣದ ದುರುಪಯೋಗಲಾ  ನಡತೊಂದುಂಡ್. ಆ ರೀತಿ ದುರುಪಯೋಗ ಮಲ್ಪುನಲಾ ಅಪರಾಧ ಆಪುಂಡ್. ಮಾಧ್ಯಮ ಸಮಾಜದ ಕನ್ನಡಿಯಾದಿತ್ತುದ್,  ಈ ಮಾತಾ  ವಿಚಾರಲೆನ್  ತಮ್ಮ ಮಾಧ್ಯಮದ  ಮೂಲಕ ಜನಸಾಮಾನ್ಯರೆಗ್  ಮುಟ್ಟಾವುನ  ಕಾರ್ಯ ಮಲ್ಪೊಡ್. ಪ್ರಕರಣದ ಸೂಕ್ಷ್ಮತೆನ್  ಅರ್ಥ ಮಲ್ತೊಂದ್ ವರದಿ ಮಲ್ಪೊಡ್ ಪಂಡುದು ಆರು ತೆರಿಪಾಯೆರು.

ಪೋಕ್ಸೊ ನ್ಯಾಯಾಲಯದ ವಿಶೇಷ ಸರಕಾರಿ ಅಭಿಯೋಜಕ ವೈ.ಟಿ. ರಾಘವೇಂದ್ರ ವಿಚಾರ ಮಂಡಿಸಾದ್ , 2012ಡ್  ಅನುಷ್ಠಾನಗ್  ಬತ್ತಿನ ಪೋಕ್ಸೋ ಕಾಯಿದೆಯಡಿ 20ವರ್ಷ ಮುಟ್ಟ ಶಿಕ್ಷೆ ಕೊರೊಲಿ.. 2019ಡ್  ಆತಿನ  ತಿದ್ದುಪಡಿಡಾದ್  ಈ ಪ್ರಕರಣಡ್  ಮರಣ ದಂಡನೆಲಾ  ಕೊರೊಲಿ. ಈ ಕಾಯಿದೆದ  ಕಲಂ 23ನ್  ವಿಶೇಷವಾದ್ ಮಾಧ್ಯಮಗಾದೇ ರೂಪಿಸಾದುಂಡ್. ಈ ಪ್ರಕರಣದ ಸುದ್ದಿ ಮಲ್ಪನಗ ಸಂತ್ರಸ್ತೆನಕ್ಲೆನ ಪುದರು, ವಿಳಾಸಡ್ ಗೌಪ್ಯತೆ ಕಾಪಾಡೊಡ್ ಪಂಡುದು ತೆರಿಪಾಯೆರು.

ಮಾಧ್ಯಮಲೆಗುಲಾ  ಈ ಪ್ರಕರಣದ  ಬಗ್ಗೆ ಸುದ್ದಿ ಮಲ್ತುದ್  ಸಮಾಜಗ್ ಮಾಹಿತಿ ಕೊರೊಡಾಪುಂಡ್. ಅದಗ ಅಕುಲು ಸಂತ್ರಸ್ತೆನ  ಊರು, ವಿಳಾಸ ತೆರಿಪಾವುನ  ಬದಲು ಆಯಾ ಪೊಲೀಸ್ ಠಾಣಾ ವ್ಯಾಪ್ತಿಡ್  ನಡತಿನ ಘಟನೆ ಪಂಡುದ್ ಉಲ್ಲೇಖ ಮಲ್ಪೊಲಿ. ಕೆಲವೊಂಜಿ ಅನಿವಾರ್ಯ ಸಂದರ್ಭಡ್  ಸಂತ್ರಸ್ತೆರೆನ  ಆಸಕ್ತಿಡ್  ಪುದರುನ್ ಪ್ರಕಟಿಸಾವೊಡಾಂಡ ವಿಶೇಷ ನ್ಯಾಯಾಲಯದ ಅನುಮತಿ ದೆತೊನೊಡ್ ಪಂಡುದು ಆರು ಪಂಡೆರು.

ಪೋಕ್ಸೋ ಪ್ರಕರಣಡ್  ಸಂತ್ರಸ್ತೆರೆನ ಪುದರು ಉಲ್ಲೇಖ ಮಲ್ತುಂಡ  ವರದಿ ಮಲ್ತಿನ ವರದಿಗಾರ ಮಾತ್ರ ಅತ್ತಾವಂದೆ ಸುದ್ದಿ ವಾಚಕೆರು, ಸಂಪಾದಕೆರು ಬೊಕ್ಕ ಮಾಲಕೆರು  ಬಾದ್ಯರಾಪೆರ್. ಅಕಲ್ನ  ಮಿತ್ತುಲಾ ಪ್ರಕರಣ ದಾಖ ಲಾಪುಂಡ್ ಪಂಡಿನ ಆರು, ಈ ಕಾಯಿದೆಯಡಿ ಸುಳ್ಳು ಸುಳ್ಳು ದೂರು ಕೊರ್ಪಿನಲಾ   ಅಪರಾಧ ಆಪುಂಡ್. ಆ ಬಗ್ಗೆ ಸಮಾಜಗ್ ತೆರಿಪಾವುನ  ಮಾಧ್ಯಮಲೆನ ಜವಾಬ್ದಾರಿಯಾತುಂಡ್. ನೆತ್ತ  ಈ ಕಾಯಿದೆದ ದುರುಪಯೋಗ ತಡೆಪೊಲಿ  ಪಂಡೆರು.

ಸಂಘದ ಅಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು ಅಧ್ಯಕ್ಷತೆಡಿತ್ತೆರು. ಉಡುಪಿ ಪತ್ರಿಕಾ ಭವನ ಸಮಿತಿದ ಸಂಚಾಲಕ ಅಜಿತ್ ಆರಾಡಿ ಉಪಸ್ಥಿತರಿತ್ತೆರು. ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಸ್ವಾಗತ ಮಲ್ತುದ್ ಪ್ರಾಸ್ತಾವಿಕವಾದ್  ಪಾತೆರಿಯೆರು. ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ವಂದಿಸಾಯೆರು. ಕಾರ್ಯದರ್ಶಿ ರಾಜೇಶ್ ಅಚ್ಲಾಡಿ ಕಾರ್ಯಕ್ರಮ ನಿರೂಪಣೆ ಮಲ್ತೆರು