ಕರ್ನಾಟಕ ಸರಕಾರದ ವತಿಡ್ದ್ ಮಕ್ಕಳ ಮತ್ತು ಮಹಿಳಾ ಕಲ್ಯಾಣ ಅಭಿವೃದ್ಧಿ ಇಲಾಖೆ ಕೊರ್ಪಿನ ಹೊಯ್ಸಳ ಕೆಳದಿ ಚೆನ್ನಮ್ಮ ಪ್ರಶಸ್ತಿಗ್ ಉಡುಪಿ ಜಿಲ್ಲೆಡ್ದ್ ಕೃತಿ ಆರ್ ಸನಿಲ್ ಆಯ್ಕೆಯಾತೆರ್.. ಜನವರಿ 26ಗ್ ಉಡುಪಿ ಜಿಲ್ಲಾಡಳಿತ ವತಿಡ್ದ್ ನಡತಿನ ಗಣರಾಜ್ಯೋತ್ಸವ ಕಾರ್ಯಕ್ರಮಡ್ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ, ವಿಕಲಚೇತನರ ಹಾಗೂ ಹಿರಿಯ ನಾಗರೀಕರ ಸಬಲೀಕರಣ ಸಚಿವೆರು ಬೊಕ್ಕ ಉಡುಪಿ ಜಿಲ್ಲಾ ಉಸ್ತುವಾರಿ ಸಚಿವೆರಾಯಿನ ಲಕ್ಷ್ಮೀ ಹೆಬ್ಬಾಳ್ಕರ್ ಪ್ರಶಸ್ತಿ ಪ್ರಧಾನ ಮಲ್ತೆರು. ಈ ಸಂದರ್ಭಡ್ ಉಡುಪಿ ವಿಧಾನಸಭಾ ಕ್ಷೇತ್ರದ ಶಾಸಕ ಯಶ್ ಪಾಲ್ ಸುವರ್ಣ, ಜಿಲ್ಲಾಧಿಕಾರಿ ಡಾ.ವಿದ್ಯಾಕುಮಾರಿ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಡಾ.ಅರುಣ್.ಕೆ, ಜಿಲ್ಲಾ ಪಂಚಾಯತ್ ಸಿಇಒ ಪ್ರತೀಕ್ ಬಯಾಲ್, ಎಡಿಸಿ ಜಿ.ಎಸ್.ಮಮತಾ ದೇವಿ ಸೇರಿನಂಚ ಜಿಲ್ಲಾ ಮಟ್ಟದ ಅಧಿಕಾರಿಲು ಉಪಸ್ಥಿತರಿತ್ತೆರು.
ಕೃತಿ ಆರ್ ಸನಿಲ್ ಈ ಟಿವಿ ತೆಲುಗುದ ದೀ ಜೂನಿಯರ್ಸ್, ಸುವರ್ಣ ವಾಹಿನಿದ ಪುಟಾಣಿ ಪಂಟ್ರೂ, ಡಿಡಿ ಚಂದನದ ಡ್ಯಾನ್ಸ್ ಸಮರ ಇಂಚ ಕೆಲವು ರಿಯಾಲಿಟಿ ಶೋಕ್ಲೆಡ್ ಬೊಕ್ಕ ಹೆಜ್ಜನಾದ ಆಲ್ಬಮ್ ಸಾಂಗ್ ಡ್ ಕರ್ನಾಟಕ ಬೊಕ್ಕ ಕೇರಳ ತಮಿಳುನಾಡು ಆಂಧ್ರ ತೆಲಂಗಾಣ ರಾಜ್ಯಲೆಡ್ 1,500ಕುಲಾ ಜಾಸ್ತಿ ಸ್ಟೇಜ್ ಷೋ ಲೆನ್ ಕೊರ್ತೆರ್. ಮೆರೆನ ಈ ಸಾಧನೆಗ್ ಫ್ಯೂಚರ್ ಕಲಾಂಸ್ ಬುಕ್ ಆಫ್ ರೆಕಾರ್ಡ್, ಯುನಿವರ್ಸಲ್ ಅಚೀವರ್ಸ್ ಬುಕ್ ಆಫ್ ರೆಕಾರ್ಡ್, ಕರಾವಳಿ ಸಿರಿ, ವಿದ್ಯಾರ್ಥಿ ಶ್ರೀ ಬಿರುದು, ಕರ್ನಾಟಕ ಪ್ರತಿಭಾರತ್ನ, ಬೊಕ್ಕ ಕರುನಾಡ ರಾಜ್ಯೋತ್ಸವ ಪ್ರಶಸ್ತಿ ತಿಕ್ಕುದುಂಡ್. ಇಂಚಪ್ಪೊಗ್ ಕನ್ನಡ ಸಾಹಿತ್ಯ ಪರಿಷತ್ತು ಉಡುಪಿ ತಾಲೂಕು ವತಿಡ್ದ್ ನಡತಿನ 14ನೇ ಕನ್ನಡ ಸಾಹಿತ್ಯ ಸಮ್ಮೇಳನಡ್ ಮೆರೆನ ಸಾಧನೆನ್ ಗುರುತಿಸಾದ್ ಸನ್ಮಾನ ಮಲ್ದೆರ್. ವೆಸ್ಟರ್ನ್ ಫಾರ್ಮ್ಸ್ ಅತ್ತಾವಂದೆ ಭರತನಾಟ್ಯ ಬೊಕ್ಕ ಯಕ್ಷಗಾನಡುಲಾ ಪರಿಣಿತಿ ಪಡೆದೆರ್.
ಮೇರು ಎಂಜಿಎಂ ಕಾಲೇಜಿಡ್ ದ್ವಿತೀಯ ಪಿಯುಸಿ ವಿದ್ಯಾರ್ಥಿನಿಯಾದಿತ್ತುದ್ ಉಡುಪಿದ ರೂಪೇಶ್ ಬೊಕ್ಕ ರೋಹಿಣಿ ರೂಪೇಶ್ ದಂಪತಿಲೆನ ಮಗಲ್. ತನ್ನ ನೃತ್ಯಾಭ್ಯಾಸನ್ ಬ್ರಹ್ಮಗಿರಿತ್ತ ವಿ-ರಾಕ್ಸ್ ಡಾನ್ಸ್ ಕಂಪೆನಿಡ್ ವಸಂತ್ ನಾಯ್ಕ್ ಮೆರೆಡ ಮಲ್ತೊಂದುಲ್ಲೆರ್.
by 