ಈಶ್ವರ್ ಮಲ್ಪೆ ಆಳ್ವಾಸ್ ಅಂಬಾಸಿಡರ್.

ಉಡುಪಿ: ಆಳ್ವಾಸ್ ಕಾಲೇಜಿದ ಸಮಾಜ ಕಾರ್ಯ ವಿಭಾಗಗ್ ಈಶ್ವರ್ ಮಲ್ಪೆ 1 ವರ್ಷಗ್  ಅಂಬಾಸಿಡರ್- ವಿದ್ಯಾರ್ಥಿಲೆಗ್ ಜಾಗೃತಿ ಪುಟ್ಟಾವುನ ಕಾರ್ಯ

ಉಡುಪಿ: ಆಪದ್ಬಾಂಧವ ಈಶ್ವರ ಮಲ್ಪೆ ಮೆರೆನ್ ಮೂಡುಬಿದರೆದ ಆಳ್ವಾಸ್ ಶಿಕ್ಷಣ ಸಂಸ್ಥೆ ಅಂಬಾಸಿಡರ್ ಆದ್  ನೇಮಕ ಮಲ್ದುಂಡ್.. ಒಂಜಿ ವರ್ಷ ಕಾಲ ಆಳ್ವಾಸ್ ಬೊಕ್ಕ ಸುತ್ತಮುತ್ತಲ ಶಾಲಾ-ಕಾಲೇಜುದ  ವಿದ್ಯಾರ್ಥಿಲೆಗ್ ಜಾಗೃತಿ ಪುಟ್ಟಾವುನ ಕಾರ್ಯೊನ್ ಆಳ್ವಾಸ್ ಶಿಕ್ಷಣ ಸಂಸ್ಥೆ ಆಯೋಜನೆ ಮಲ್ದುಂಡ್..ಮುಖ್ಯವಾದ್ ಯುವಜನಕ್ಲೆಗ್ ಮೊಬೈಲ್ ಬಳಕೆ ಬಗ್ಗೆ ಪಂಡುದ್ ಕೊರ್ಪಿನ  , ತಮ್ಮ ಸುರಕ್ಷತೆ ಬಗ್ಗೆ , ಭವಿಷ್ಯದ ಬಗ್ಗೆ ಅವ್ವೆಡುಲಾ ಮುಖ್ಯವಾದ್  ನೀರುದಲ್ಪ ಪೋದ್ ಜೋಕುಲು  ತಮ್ಮ ಪ್ರಾಣ ಕಳೆಯೊಂಬಿನ ಬಗ್ಗೆ ಜಾಗೃತಿ ಪುಟ್ಟಾವುನ ಸಲುವಾದ್ ಈ ಕಾರ್ಯಕ್ರಮೊನ್ ಆಯೋಜನೆ ಮಲ್ದುಂಡ್ ಪಂಡುದು
ಆಳ್ವಾಸ್ ಕಾಲೇಜಿದ ಸಮಾಜ ಕಾರ್ಯ ವಿಭಾಗದ ಮುಖ್ಯಸ್ಥೆ ಡಾ. ಮಧುಮಾಲ ಕೆ, ಮಾಹಿತಿ ಕೊರ್ತೆರ್.

ಮೂಡುಬಿದರೆ ಆಳ್ವಾಸ್ ಶಿಕ್ಷಣ ಸಂಸ್ಥೆ ದೊಟ್ಟುಗ್ ಆಸುಪಾಸುದ 15 ಕಾಲೇಜುಲೆಡ್ ಈ ಜಾಗೃತಿ ಕಾರ್ಯಕ್ರಮೊನ್  ಆಯೋಜನೆ ಮಲ್ದಿತ್ತುದ್. ವರ್ಷದ ಕಡೇಕ್ ಮಲ್ಪೆ ಬೀಚ್ ಡುಲಾ ಅವೇರ್ನೆಸ್ ಕಾರ್ಯಕ್ರಮ ಆಯೋಜನೆ ಮಲ್ದುಂಡ್.. ಮಲ್ಪೆ ಬೀಚ್ ದ ಕಾರ್ಯಕ್ರಮಡ್ ಬೇತೆ ಬೇತೆ ಜಾಗೃತಿ ಪುಟ್ಟಾವುನ ಸ್ಪರ್ಧೆಲೆನ್ ಆಯೋಜನೆ ಮಲ್ತುದ್ ಜೋಕ್ ಲೆಗ್  ಇನಾಮುನ್  ಕೊರ್ಪುಂಡ್.. ಒಟ್ಟಾರೆ ಜೋಕುಲು ತಮ್ಮ ಅಮೂಲ್ಯ ಜೀವನ್ ಕಳೆಯೊನಂದೆ, ತಮ್ಮ ಭವಿಷ್ಯ ಬೊಕ್ಕ ಜೀವನದ ಬಗ್ಗೆ  ಜಾಗೃತಿ ಪುಟ್ಟೊಡು .ಕ್ಷುಲ್ಲಕ ಕಾರಣಲೆಗಾದ್ ತಮ್ಮ ಭವಿಷ್ಯ ಬೊಕ್ಕ ಜೀವೊನ್  ಕಳೆಯೊಂಬಿನ ವಿದ್ಯಾರ್ಥಿಲು ಬೊಕ್ಕ  ಯುವ ಜನತೆಗ್  ಕಾರ್ಯಕ್ರಮಡಾಧ್  ಅನುಕೂಲ ಆವಡ್  ಪನ್ಪಿನವ್ವೇ ನೆತ್ತ ಉದ್ದೇಶ. ಅಂಗವಾದ್   ಈಶ್ವರ ಮಲ್ಪೆ ಮೇರು ಆಳ್ಬಾಸ್ ಡ್ ಜಾಗೃತಿ ಉಪನ್ಯಾಸ ಕೊರ್ತೆರ್.. ದುಂಬಗುಲಾ ಆರು ಅತ್ತುಂಡ  ಅಕ್ಲೆನ ತಂಡದ ಸದಸ್ಯೆರು ಈ ಕಾರ್ಯಡ್ ಭಾಗಿಯಾಪೆರ್  ಪಂಡುದು ಆಳ್ವಾಸ್ ಕಾಲೇಜಿದ ಸಮಾಜ ಕಾರ್ಯ ವಿಭಾಗದ ಮುಖ್ಯಸ್ಥೆ ಡಾ. ಮಧುಮಾಲ ಕೆ, ಪಂಡೆರು.