ಯೋಗಡ್ 18 ವರ್ಷದ ಸಾರ್ಥಕ ಪಯಣ: ಸತೀಶ್ ಕುಂದರ್

ಯೋಗ ಸೇವೆಡ್  18 ವರ್ಷದಸಾರ್ಥಕ ಪಯಣ – ಸತೀಶ್ ಕುಂದರ್

ಮಲ್ಪೆದ  ನಿವಾಸಿಯಾಯಿನ ಶ್ರೀ ಸತೀಶ್ ಕುಂದರ್ ಮೇರು ಸುಮಾರು 18 ವರ್ಷದ ಪಿರ ಬೆಂಗಳೂರುದ ಜಿಗಣಿಡುಪ್ಪುನ ಸ್ವಾಮಿ ವಿವೇಕಾನಂದ ಯೋಗ ವಿಜ್ಞಾನ ಕೇಂದ್ರಡ್ ಯೋಗ ತರಬೇತುದಾರರ ಶಿಕ್ಷಣನ್ ಪಡೆತೊಂದು, ಆನಿಡ್ದ್ ಇನಿಮುಟ್ಟಲಾ ಮಸ್ತ್  ಕಡೆಟ್  ಯೋಗ ಶಿಬಿರಲೆನ್ ಮಲ್ತೊಂದ್ ಯೋಗದ ಮಹತ್ವನ್ ಜನಕ್ಲೆಗ್ ಪರಿಚಯ ಮಲ್ತೊಂದ್ ಬರೊಂದುಲ್ಲೆರ್.
ಮೀನುಗಾರಿಕೆ ವೃತ್ತಿಡ್ ತೊಡಗಿಸಾವೊಂದಿನ ಮೇರು ಸಮಾಜ ಸೇವೆಡುಲಾ  ಸಕ್ರಿಯರಾದುಲ್ಲೆರ್.. ಪ್ರಸ್ತುತ ವಿದ್ಯಾಸಾಗರ ಎಜುಕೇಷನ್ ಟ್ರಸ್ಟ್ (ರಿ.), ಕೈಪುಂಜಾಲ್ ದ ಅಧ್ಯಕ್ಷೆರಾದ್  ಸೇವೆ ಮಲ್ತೊಂದಿತ್ತುದ್ ಟ್ರಸ್ಟ್‌  ವತಿಡ್ದ್ ನಡತೊಂದುಪ್ಪುನ ವಿಶ್ವೇಶ ತೀರ್ಥ ವಿದ್ಯಾಲಯ, ಕೈಪುಂಜಾಲ್ (ಕಾಪು) ಶಾಲೆದ ಅಭಿವೃದ್ಧಿಗ್ ತನ್ನ ಅಮೂಲ್ಯ ಕೊಡುಗೆನ್  ಕೊರೊಂದುಲ್ಲೆರ್.
ಅಯಿತ್ತ ಒಟ್ಟುಗ್  ಅವ್ವೇ  ಶಾಲೆಡ್ ಯೋಗ ಶಿಕ್ಷಕೆರಾದ್  ಕಾರ್ಯನಿರ್ವಹಣೆ ಮಲ್ತೊಂದ್, ವಿದ್ಯಾರ್ಥಿಲೆನ  ದೈಹಿಕ ಬೊಕ್ಕ ಮಾನಸಿಕ ಆರೋಗ್ಯ ವೃದ್ಧಿಗ್ ಶ್ರಮಿಸಾವೊಂದುಲ್ಲೆರ್.. ಯೋಗದ ಮೂಲಕ ಆರೋಗ್ಯಕರ ಜೀವನಶೈಲಿನ್  ಬುಲೆಪಾವರೆಗ್  ಅರೆನ  ಸೇವೆ ಶ್ಲಾಘನೀಯ..
ಅರೆನ  ಬುಡೆದಿ ದಯಾವತಿ ಸತೀಶ್ ಕುಂದರ್ ಬೊಕ್ಕ ಜೋಕುಲು ಚೈತ್ರ ದೀಪೇಶ್ ಬೊಕ್ಕ ಶಿಖಾ ಪ್ರಶಾಂತ್ ಮೊಕ್ಲೆನ ಬೆಂಬಲದೊಟ್ಟುಗ್ ಸಮಾಜಮುಖಿ ಕಾರ್ಯಲೆಡ್ ನಿರಂತರವಾದ್  ತೊಡಗಿಸಾವೊಂದೆರ್..
ಯೋಗ, ಶಿಕ್ಷಣ ಬೊಕ್ಕ ಸಮಾಜ ಸೇವೆ ಪನ್ಪಿನ ಮೂಜಿ ಕ್ಷೇತ್ರಲೆಡ್  ತನ್ನನೇ  ಆಯಿನ  ಛಾಪು ಮೂಡಿಸಾದಿನ  ಶ್ರೀ ಸತೀಶ್ ಕುಂದರ್ ಅರೆನ ಸೇವೆ ನನಲಾತ್  ಜನಕ್ಲೆಗ್  ಮುಟ್ಟ ಡ್ ಪನ್ಪಿನವ್ವ್ ಎಂಕ್ಲೆನ ಹಾರೈಕೆ.ಮಾತೆರೆಗುಲಾ ವಿಶ್ವ ಯೋಗ ದಿನಾಚರಣೆದ ಎಡ್ಡೆಪ್ಪುಲು.