ಊರುಗೊಂಜಿ ಕೆದು- ತುದೆ ಅಭಿಯಾನ..

ಜಿಲ್ಲಾ ಕಾನೂನು ಸೇವಾ ಪ್ರಾಧಿಕಾರ ಬೆಂಗಳೂರು , ಐಲೇಸಾ ಬೊಕ್ಕ ರೆಡ್ ಕ್ರಾಸ್ ಸಂಸ್ಥೆ ಸೇರಿಗೆಡ್ ನೀರ್ ಒರಿ ಪಾವರೆಗಾದ್ ”ಊರುಗೊಂಜಿ ಕೆದು-ತುದೆ ” ಅಭಿಯಾನ.

ಪೆರಿಯ ಸಿವಿಲ್ ನ್ಯಾಯಾಧೀಶೆರಾಯಿನ ಮಾನ್ಯ ಸಂದೀಪ್ ಸಾಲಿಯಾನ್ ಮೆರೆನ ಮುತಾಲಿಕೆಡ್ ಕೆದು ಸ್ವಚ್ಛ ಮಲ್ಪುನು ಬೊಕ್ಕ ಸಂರಕ್ಷಣೆ ಮಲ್ಪುನ ಮಲ್ಲ ಬೇಲೆಗ್ ಐಲೇಸಾ ಡಿ ವಾಯ್ಸ್ ಆಫ್ ಓಷನ್ ಸಂಸ್ಥೆದಕುಲು ೧೧-೦೬-೨೦೨೩ ತಾರೀಖ್ ಬೈಯ್ಯಗ್ ಚಾಲನೆ ಕೊರೊಂದುಲ್ಲೆರ್ .

ಮೊಕುಲೆಗ್ ಬೆರಿಸಾಯ ಆದ್ ಭಾರತೀಯ ರೆಡ್ ಕ್ರಾಸ್ ಸಂಸ್ಥೆ ಬೆಂಗಳೂರುದ ಸಭಾಪತಿ ಎ ಬಿ ಶೆಟ್ಟಿ ಬೋಡಿತ್ತಿನ ಸಹಕಾರ -ಮಾರ್ಗದರ್ಶನ ಕೊರಿಯೆರೆಗ್ ದುಂಬು ಬೈದೆರ್ .

ಪತ್ತೊಂಜಿ(11-06-2023 ತಾರೀಖ್ ಐತಾರ ಬೈಯ್ಯಗ್ 7:30 ಗಂಟೆಗ್ ಝೂಮ್ ವೇದಿಕೆಡ್ ಉದ್ಘಾಟನೆ ಆಪಿನ ಈ ಅಭಿಯಾನ ಪ್ರತೀ ಊರುಡುಲಾ ಸ್ವಯಂ ಸೇವೇಕೆರೆನ ತಂಡ ಕಟುದು ಕೆದು -ತುದೆ ಒರಿಪಾವುನ ,ಕಸ ದೆತ್ತುದು ಒರ್ಮೆ ಮಲ್ಪುನ ಬೇಲೆ ಮಲ್ಪೆರೆ ಪಿದಾಡ್ದುಂಡು .

ಜಿಲ್ಲಾ ಕೆರೆ ಸಂರಕ್ಷಣೆ ಪ್ರಾಧಿಕಾರದ ಸದಸ್ಯೆ ಬೊಕ್ಕ ಜಿಲ್ಲಾ ಕಾನೂನು ಸೇವಾ ಪ್ರಾಧಿಕಾರದ ಕಾರ್ಯದರ್ಶಿ ಸದಸ್ಯೆರಾಯಿನ ಬೆಂಗಳೂರುದ ಪೆರಿಯೆ ಸಿವಿಲ್ ನ್ಯಾಯಾಧೀಶೆ ಕಾರ್ಕಳ ಕುಂಟಾಡಿದ ಮಾನ್ಯ ಸಂದೀಪ್ ಸಾಲಿಯಾನ್ ಮೇರ್ ಈ ಬೇಲೆಗ್ ಮಾರ್ಗದರ್ಶನ ಮಲ್ಪರೆ ಉಲ್ಲೆರ್ .

ಕಾನೂನು ರೀತಿಡ್ ಕೆದು-ತುದೆ ರಕ್ಷಣೆ ಎಂಚ ಮಲ್ಪೋಲಿ ಪನ್ಪಿನವೆನ್ ಇತ್ತೆನೆ ಬೆಂಗಳೂರುಡು ಕೆಲವು ಕೆದು ರಕ್ಷಣೆ ಮಲ್ದಿನ ಅನುಭವ ಉಪ್ಪುನ ಸಂದೀಪ್ ಸಾಲಿಯಾನ್ ಮೇರ್ ಅವೆನ್ ಸಾರ್ವಜನಿಕೆರೆಗ್ ತೆರಿಪಾ ಕೊರಿಯರೆ ಉಲ್ಲೆರ್ .

ನಮ್ಮ ದುಂಬುದ ಪೀಳಿಗೆದ ಜೋಕುಲೆಗ್ ನೀರ್ ಯೇತ್ ತೊಂದರೆ ಆವು , ಅವೆನ್ ಇತ್ತೆನೆ ಎಂಚ ಸರಿ ಮಲ್ತೊನೊಲಿ ಪನ್ಪಿನವೇನ್ ಮಾತಾ ತೆರಿಯೊಂದು ನಮ್ಮ ನಮ್ಮ ಊರುಡು ಬರ್ಸದ ನೀರ್ ಭೂಮಿಗ್ ಜಪುಡಾವುನು , ಗಿಡ ನಡ್ದು ಸಾಂಕುನು , ನೀರ್ ಹಾಲವಂದಿ ಲಕ್ಕ ತೂಪಿನಿ ಇಂಚಿನ ಕೆಲವು ಸಂಗತಿ ನಮ್ಮ ದಿನನಿತ್ಯದ ಬೇಲೆದೊಟ್ಟುಗು ಮಲ್ಪುನ ವಿಚಾರ ತೆರಿಯೊನೆರೆ ಮಾತೆರ್ಲಾ ಝೂಮ್ ವೇದಿಕೆಗ್ Meeting ID: 82642983626 & Pass code:kere ಮುಕಾಂತ್ರ ಬತ್ತುದು ಈ ಕಾರ್ಯಕ್ರಮತ ಪ್ರಯೋಜನ ಪಡೆವೊಡು ಪಂಡುದ್ ಐಲೇಸಾ ಸಂಸ್ಥೆದಕುಲು ಬಿನ್ನಾಪು ಮಲ್ದೆರ್ .